¹ Kida melik Darius amar tahagigat fi al bet ta injazat fi Babilonia. ² Fi al mudun al reisia ta Ecbatana fi Media kitab kan ligo; de kan sejilat tao: ³ ''Fi al awel sena ta melik Cyrus, uwo sadar kara an al bet ta Allah fi Arselim: 'Kede al bet biga abinu ze makan le zebiha, kede asas tao biga kutu, kede fok tao geni sitin mitirat, wa urud tao sitin mitirat, ⁴ ma talata sufuf ta hujar kubar wa saf ta loho jedid, wa kede al taman bi dafau be al bet melik. ⁵ Hasa jibu wara al dahab wa hajat fida tabi le al bet ta Allah, al Nebuchadnezzar jabu le Babilon min al haikal fi Arselim wa rasulu umon wara le al haikal fi Arselim. Itakum kede kutu umon fi al bet ta Allah.' ⁶ Hasa Tattenai, al hakin/wali ta al Wulaya Beyit al Bahar, Shethar_Bozenai, wa suraka al fi al Wulaya Beyit al Bahar, kelik beyit! ⁷ Sibu al sokol ta bet ta Allah de barao. Al hakim wa ahiuk ta Yahudin bi abinu bet ta Allah de fi makan dak. ⁸ Ana amiru gali itakum lazim amulu zede le shiuk ta Yahudin delin al abinu bet ta Allah de: Daam min daraib ta melik beyit al Bahar biga bi istagdimu le dafa rujal delin ashan umon ma bi wogif sokol tomon. ⁹ Ayisunu yau deiru-ujul, korfan, au dinan le al tekdima mahruk le Allah ta sama, dura, mileh, mosrub, au zet alahasab le al amur ta al kahana fi Arselim-wodi hajat delin le umon kulu yom bedun fasal. ¹⁰ Amulu de kida umon bi jibu al tekdima le al Allah ta sama wa seli le ana, al melik, wa awulat tai. ¹¹ Ana amiru gali kan ayiwahid aba/karabu kara de, amut lazim bi agilau min bet tao atanu fogo. Bet tao lazim biga bi gilibu makan wasaka ashan galat de. ¹² Kede Allah al kalas sibu isim tao le geni inak sagitu ayi melik au nas al arfa ida le geyeru karar de, au le demiru bet ta Allah de fi Arselim. Ana, Darius, yau wodi kara de. Kede uwo biga nafisu ma jidiya!'' ¹³ Biga ashan le al karar rasulu ma Darius al melik, Tattenai, al wali ta al Wolaya Beyit al Bahar, wa Shethar_Bozenai wa suraka tao, amulu ayihaja al melik Darius kan amiru. ¹⁴ Kida al shiuk ta Yahudin abinu wa naja terhet al dirasat ta Haggi al nebi wa Zechariah, al sulala/jil ta Idd. Umon kalasu buniyan tomon alahasab le al karar ta Allah ta Israil wa be al karar ta Cyrus, Darius, wa Artaxerxes al melik ta Persia. ¹⁵ Al bet kan kalasu fogo al yom al talit ta al sahar ta Adar, fi al sita sena ta hukum melik Darius. ¹⁶ Al nas Israilien, kahana, Lawien, wa al sujana ta al akirin iktefilu al dekdim ta bet ta Allah de ma farah. ¹⁷ Umon gedimu miya teiran, miya korufan, wa arbumiya dinan le al dekdim ta al bet ta Allah. Itnasar galamayat abu rajil kan kaman gedimu ze tekdimat katia le kulu Israilien, wahid le ayi gebila fi Israil. ¹⁸ Umon kaman wasiu al kahana wa Lawien le sokol al gesimu le al kidma ta Allah fi Arselim, ze uwo kan moktub fi al kitab ta Musa. ¹⁹ Kida delin al kan lisa fi mihjar iktefilu al Pussha fi al yom arbatasar ta al sahar. ²⁰ Al kahana wa Lawien kulu tahiru nufustomon wa dabahu al zabihat Pussha le kulu al kan lisa fi mihjar, kulu ma nefsatomon. ²¹ Al nas Israilien al akal juzu ta al laham Pussha yau delin al kan rija min mihjar wa kalas gesimu/fasilu nufustomon min al adamnadafa ta al nas ta al art wa fetisu Yahuah, al Allah ta Israil. ²² Umon e malianfarah iktefilu al Iktifal ta ess al Maindu kemira le saba ayom, lianu Yahuah kalas jibu le umon al farah wa gilibu gelba ta melik ta Assur le gowi idenat tomon fi al sokol ta bet tao, al bet ta Allah ta Israil.