¹ Hasa bat de, zaman al hukum ta Artaxerxes melik ta Persia, Azra ja fok min Babilon. Judud ta Azra umon Seraiah, Azariah, Hilkiah, ² Shallum, Zadok, Ahitub, ³ Amariah, Azariah, Meraioth, ⁴ Zerahiah, Uzzi, Bukki, ⁵ Abishua, Phinehas, Eleazar, al kan welet ta Haron rais kahana. ⁶ Azra ja pok min Babilon wa uwo kan khabir katib fi al ganun ta Musa al Yahuah, al Allah ta Israil, kan wodi. Al melik wodi uwo ayihaja uwo asalu talama al ida ta Yahuah kan ma uwo. ⁷ Juzu ta al sulala/ajial ta Israil wa al kahana, Lawien, muranimin haikal, hurasbab, wa delin wozifu le kidma fi al haikal kaman masa fok le Arselim fi al saba sena ta melik Artaxerxes. ⁸ Uwo wosulu fi Arselim fi al kamsa sahar ta al nefsu sena. ⁹ Uwo sibu Babilon fi al awel yom ta al awel sahar. Uwo kan fi al awel yom ta al sahar kamsa al uwo wosulu fi Arselim, talama al ida saleh ta Allah kan ma uwo. ¹⁰ Azra kan asisu gelba tao le dirasa, silu bara, wa derisu al faraid wa kararat ta al ganun ta Yahuah. ¹¹ De kan al karar al melik Artaxerxes wodi le Ezra al kahin wa kutab ta wasayat ta Yahuah wa farait le Israil: ¹² ''Al melik ta muluk Artaxerxes, le al kahin Ezra, kutab ta al ganun ta Allah ta sama: ¹³ Ana bi amiru gali ayiwahid min Israil fi mamlaka tai kaman ma kahana tomon wa lawien al deru rua le Arselim, bi rua ma ita. ¹⁴ Ana, al melik, wa saba mustusarin tai, rasulu itakum kulu bara le jamao malumat bekusus Yahuzah wa Arselim alahasab le ganun ta Allah, al yau fi iden takum. ¹⁵ Kede itakum jibu al fida wa dahab al umon kalas gedimu majani le al Allah ta Israil, uwo al yau bi geni fi Arselim. ¹⁶ Majani wodi kulu al fida wa dahab al kulu ta Babilon kan wodi kaman ma sunu yau majani gedimu be al nas wa al kahana le al bet ta Allah fi Arselim. ¹⁷ Kida biu be kamil al tor, dinan wa korufan, wa dura wa tekdimat mosurub. Gedim umon fogo al altari al yau fi al bet ta Allah takum fi Arselim. ¹⁸ Amulu kaman ma al fida tanin wa dahab ayisunu al yau kuwes le itakum wa akuwana takum, al Allah takum bi rudu. ¹⁹ Kutu al hajat al kan wodi majani le itakum gidam uwo le al kidma ta al bet ta Allah takum fi Arselim. ²⁰ Ayihaja tani al yau deiru le al bet ta Allah takum al itakum talabu, silu taman tao min kazina tai. ²¹ Ana, melik Artaxerxes, amulu karar le kulu al umana fi al Wulayat Beyit al Bahar, gali ayihaja al Ezra asalu min itakum kede wodi be kamil, ²² lakadi mia gramat ta fida, mia sawal ta dura, mia jaradil ta mosrubat, mia safiyat ta zet, kaman mileh bedun hudud. ²³ Ayihaja al ja min al karar ta Allah ta sama, amulu uwo ma tekris le bet tao. Lianu le biga zalat tao bi ja fogo al mamlaka al tai wa awulat tai? ²⁴ Nina bi wori le itakum beinu itakum kede ma asuru ayi daraib fogo ayi min al kahana, lawien, fananin, hurasbab, au fogo al nas bi amulu al kidma ta al haikal wa kudam ta al bet ta Allah de. ²⁵ Ezra, ma al hikma al Allah kan wodi le ita , ita lazim iktar guda wa salatin le hukumu kulu al nas fi al Wulayat Beyit al Bahar, wa le kadimu kulu al aruf al gawanin ta Allah takum. ²⁶ Agibu ayiwahid al ma bi tii ganun ta Allah kamil au ganun al melik, kan be mutu, turuju, karabu ta hajat tomon, au sigin. ²⁷ Sabihu Yahuah, Allah ta judud tanina, al kutu kulu de fijua gelba ta al melik le temjid al bet ta Yahuah fi Arselim, ²⁸ wa al jibu tifagia ta amana le ana gidam al melik, mustusarin tao, wa kulu muwazifin tao aguwia. Ana kalas biga gowi be al ida ta Yahuah Allah tai, wa Ana limu kidat min Israil le rua ma ana.