¹ Laman hajat del kulu bija le intum, al barakat wa al laanat al ana kutu gidam takum, wa zaman al intum bizekir kalamat del fi nus ta nas al yahwa Rabuna takum shetetu intum fogo. ² Kan intum bi raja le yahwa rabuna takum wa ehterim sout towo, wa ruwa wara kulu al ana gi wodi le intum taalimat alela- intum wa iyal takum, ma kulu gulub takum, ma kulu nefsa takum. ³ Biga yahwa rabuna takum bi rija sijin takum wa bi indu rahma le intum, huwo bi rija intum wa limu intum min kulu beled al yahwa rabuna takum kan shetetu intum. ⁴ Iza kan nas takum talau umon le mahal beid shedid, tehet samawat, rabuna yahwa takum bi limunintum min hinak huwo bi rija intum. ⁵ Yahwa rabuna takum bijibu intum le beled al judud bitakum kan geni fogo, wa intuum bi geni fogo tani huwo bi amulu intum kwes wa bi kutu intum bizidu aktar min al huwo kan amulu le judud takum. ⁶ Yahwa rabuna takum bi tahir gulub bitakum wa gulub ta iyal takum, ashan intum bihibu yahwa takum min kulu gulub takum wa min kulu nefsa takum, ashan intum bi kun indu haya. ⁷ Yahwa rabuna takum bi wodi laanat del kulu le nas al adu takum wan as al ma deir intum, nas al bi azibu intum. ⁸ Intum bi rija wa ehterim sout ta yahwa, wa intum bi amulu kulu wasaya al ana gi wosi intum alela. ⁹ Yahwa rabuna takum bikutu intum binaja aktar min kulu shokolat ta iden takum, fi simar ta batna takum, min simarta haywanat takum, wa min simarta turab takum. Leanu yahwa bikun farhan tani ashan bikutu intum naja, ze huwo kan moksut ma abuhat takum. ¹⁰ Huwo bi amulu de iza kan intum bi enterim sout ta yahwa rabuna takum, ashan bihafizu wasaya wa gawanin al moktub fi kitab ta ganun, iza kan intum raja le yahwa rabuna takum ma kulu gelba takum wa nefsa takum. ¹¹ Le anu wasaya al ana gi wodi le intum alela ma gowi kalis le intum, Kaman ma beid min intum ashan bi wosulu fogo. ¹² Huwo ma fi sama, ashan intum bikelim, munu yau biruwa fok fi sama ashan bi jibu le nina tehet hini ashan bi asma, wa bi amulu kalam al deiru? ¹³ Huwo Kaman ma fi jiha tani ta bahar, ashan intum bikelim, mun yau bi gata bahar be hinak le nina, ashan bikutu anina bi asma, wa amulu kalam de? ¹⁴ Lakin al kilima fi gerib ma intum, fi kasma takum, wa fi gulub takum, ashan bi amulu hajat ta kitab. ¹⁵ Ayinu takum, alela ana kalas kutu gidam takum haya wa amulu kwes, wa mutu ma sher. ¹⁶ Iza kan intum ehterim kararat ta yahwa rabuna takum, al ana gi wodi le intum alela ashan bi hibu yahwa rabuna takum, ashan bi bi douru fi sikat towo, wa hafizu wasaya towo, gawanin towo, wa nasaya towo, intum bi kun hayi wa zidu nefsa takum,wa yahwa rabuna takum bi barik intum fi beled al intum gi ruwa gen fogo. ¹⁷ Lakin kan gulub takum gilibu beid, wa intum ma asma wa sibu juru intum beid wa de ngir le rabuna ta tannin wa abidu umon. ¹⁸ Ana gi aalinu le intum alela, intum nesisa bi mutu, intum ma bi geni ayam towil fi beled al intum gi ruwa gata nahar urdon ashan biruwa geni fogo. ¹⁹ Ana gi nadi sama wa arid bigeni shuhud alela intum, alela ana kutu gidam takum haya wa mutu, Baraka wa laanat ashan kida azulu takum haya, ashan intum bi hayi, intum ma iyal ta iyal takum. ²⁰ Amulu takum de ashan intum bihibu yahwa rabuna takum, ashan bi hafisu sout towo, wa lesegu ma huwo. Ashan huwo yau haya takum, wa ziyada ta ayam takum amulu takum de ashan intum bi .eish fi beled al yahwa kan halifu le judud taku, le Abraham le ishak, wale yacoub biwodi le hum