¹ Yala anina rija wa ruwa le sika ta Bashan. Oj, melik ta Bashan, ja ma nas tuo kulu wa hajimu anina. ashan bi shakila fi Izraei. ² Yahwah kelim le ana, 'Mata kafu huwo; ashan Ana wedi le nusra fugu huwo wa Ana kutu beled tuo wa nas tuo kulu tihit saitara taki. Ita bi amulu le Huwo ze ma ita amulu le Sihon melik Amoriin al geni fi Hashbon.' ³ Yahwah Ilah ta nina wedi le anina nusra fi ras ta Oj melik Bashan, wa nas tuo kulu kan kutu tihit saitara ta anina. Anina dugu umon tihit lahadi mafi wahid min nas tuo fadulu. ⁴ Anina shilu mudon tuo kulu fi zaman dak. Wele medina wahid min siteen mudon al anina ma shilu min umon- Arjob Mamlaka ta Oj fi Bashan. ⁵ De kan mudon al abinu fuk wa guwi, abuwab wa mazlik; de jambu gura ketir ta sahara. ⁶ Anina demiro umon ta kulu kulu, ze ma anina amulu le Sihon melik ta Hashbon, demiro kulu medina - rujal wa nuswan wa iyal skuerin ta kulu kulu. ⁷ Lakin bahaim kulu ma ganaim ta mudon anina nakamu le nufus ta nina. ⁸ Fi zaman dak anina shilu beled ta itenin muluk ta Amoriin, al kan fi gata bahar ta Urdon, min wadi Arnon le Jebe Hermon ⁹ (Jebel Hermon kan nas Saidoniin gi nadi Sirion, wa Amoriin bi nadi Sanir) ¹⁰ wa kulu mudon ta taraf bahar, kulu Jalaad, wa kulu Bashan, safa sika ta Salakah wa Izraei kulu, mudo ta mamlaka ta Oj fi Bashan.'' ¹¹ Oj melik Bashan, bes yao fadulu min Rafaiin. Ayinu! serir tuo kan serir min hadid. De ma kan fi Rabbah, mahal alm iyal ta Amon bi geni? Tul tuo kan tissa Azzru wa Urud tuo kan arba Azzru be triga al nas bi aburu ma uwu.)' ¹² ''Beled al Anina shilu min Aroer, fi zaman dak kan be safa ta wadi Arnon, wa nus ta Jalaad, wa mudon tuo. ¹³ Bagi Jalaad wa Bashan kulu, mamlaka ta Oj, Ana wedi le nus gebila ta Manassa. (Kulu manatik ta Arjob, wa Bashan kulu. nefsu mentika de isim tuo Rafaiim. ¹⁴ Yair jena ta Manassa, shilu shilu kulu mudon ta Arjob le hudud ta Jeshuriin wa Maakiin. Huwo kutu isim ta mentiga de, Bashan, yala be isim tuo Hoos Yair le yom ta aleela.) ¹⁵ Ana wedi Jalaad le Makir. ¹⁶ Le Raubeen wa Jadeen Ana wedi le umon mentiga min Jalaad le wadi Arnon - fi nus ta wadi de yao hudud ta mudon - wa le Bahar ta wadi Yabbok, de yao hudud ma iyal ta Ammon. ¹⁷ Safa ta hudud tani de bahar ta wdi Urdon, min Kanara le Bahar ta Arba (de yao Nahar Mileh) le ninzila ta Jebel Fisja safa sherik. ¹⁸ Ana wesi itakum zaman dak, ana kelim, 'Yahwah Ilah takum wedi le itakum beled de ashan itakum bi werisu; Itakum, kulu rujal ta harib, al bi shilu silah bi ruwa gidam ta akuwan takum Israel. ¹⁹ Lakin nuswan takum, iyal takum al sukerin, wa ganamayat takum (Ana aruf itakum indu ganamayat ketir), kede umon geni fi mudon al Ana wedi le itakum, ²⁰ Lahadi Yahwah bi wedi raha le akuwan takum, ze ma huwo wedi le itakum, lahadi ma umon bi werisu wata al Yahwah bi wedi le umon fi gata bahar ta Urdon; yala itakum bi rija ayi zol min itakum le mumtalakat al Ana wedi le itakum.' ²¹ Ana wesi Joshua fi zaman dak, Ana kelim ''Ena taki ayinu kulu hajat al Yahwah Ilah takum amulu le itnin muluk de; Yahwah bi amulu nfsa haja le mamlaka al itakum bi ruwa fugu. ²² Itakum ma bi kafu umon, ashan Yahwah Ilah takum yao bin shakila le itakum.' ²³ Ana seli gidam ta Yahwah wekit dak, ana kelim, ²⁴ Ya Rabuna Yahwah, Ita bada le kadam taki shukul Azama taki wa iden taki al guwi; De ilah kan fi sama wele fi ard al bi agder amulu nfsa hajat al Ita amulu, wa nfsa azzaim? ²⁵ Ana bi asadu Ita kede ana ruwa wa ayinu beled al kues al fi gata bahar ta Urdon, medina ta jebel al kues de, wa Lobnan kaman.' ²⁶ Lakin Yahwah kan zalan min ana be sabab takum; huwo ma asma le ana. Yahwah kelim le ana, 'Kede de kun kifaya le itakum - matakum wunuso le Ana tani an kalam de. ²⁷ Ruwa takum fuk Fisja wa arfatakum Uyon takum safa grib, shamal, junub, wa sherik; ayinu takum be uyon takum, lanu itakum ma bi ruwa le Urdon. ²⁸ Ama Yashu sheja Huwo wa guwi huwo, ashan huwo yao gidam ta nas de, wa Huwo bi sibu umon weriso beled al Ita bi .ayinu.' ²⁹ Anina geni fi wadi aksi ta bet Fagur