¹ Iza kan fi kilafat bein rijal wa umon ruwa le mahkama, wagu dadahukum umon, umon bifiku zol al bar wa hokum zol al galtan. ² Lou zol al galtan bi istehkik jelda, al gadi bikeli lowo binum tehet wa bijeledu huwo ma adad ta darbat al hasab galat towo gidam gadi. ³ Gadi biwodi lowo arbein jelda, lakin huwo ma bizidu aktar min kida, laanu iza kan huwo bizidu aktar min adad dak, wa dugu huwo ketir de bikun ze taalis le aku bit akum al Israel gidam uyun bitakum. ⁴ Intum ma bi gofulu kasma ta bagara fi zaman al huwo gi nedif dusu le nadafa hubbub al akulu. ⁵ Iza kan akwana geni mahal wahed, wa wahid mutu, wa huwo ma indu jena biga mara ta zol al mutu de ma zu bara min nasta usura , lakin aku ta rajil al mutu de bishilu mara ta aku towo ze mara towo, wa bi amulu le hiya. ⁶ De ashan jena aei de bishilu mahal isi bita aku al kan mutu, ashan isim ta morhum ma bimasa bara min Israel. ⁷ Lakin kan rajil de ma deir shilu mara aku towo al mutu al mutu ze mara towo, biga mara ta aku de biruwa fi bab ashan bi wori le shiyuk, gali aku ta rajil tai aba ashan bi arfa isim ta aku bitowo fi Israel huwo ma deir amulu shokol al aku ta rajil bi amulu le ana. ⁸ Biga shiyuk ta medina binadi huwo wa biwonusu ma huwo lakin lou huwo asuru wa kelim, ana ma deir shilu hiya. ⁹ Biga mara aku towo bigum wa biga le huwo gidamta shiyuk, bishilu jizma min kurein ta aku rajil towo, wa jada buzak fi usa towo, hiya bijuabu le huwo gali de yau gi amulu le rajil al ma deir abinu beit ta aku bitowo. ¹⁰ Isim bi towo zekiru fi Israel, beit ta zol al shilu jezma towo bara. ¹¹ Iza kan etnen rujal gi dusman, wa mara ta wahid min rujal dei dakalu ashan ankizu rajil towo min iden ta rajil al gi dugu rajil bitowo, waiza kan hiya midu ida wa gobudu jisim ta bara ta rajil tani de, ¹² Intum bi gata ida ta hiya keli ena takun ma indu hiniya. ¹³ Intum keli ma kutu fi akiyas takum mizanat barau, al kebir wa alsukeir. ¹⁴ Intu ma bi indu magasat barau barau fi buyut takum, al kebir wa al suker. ¹⁵ Intum bi indu mizanat al nesia wa sawa sawa, ashan ayam takum bikun towil fi beled al yahweh gi ruwa wodi le intum ¹⁶ leanu kulu al bi amulu hajat zede, kulu al ma bi amulu bel bir, umon fagara le yahwa Rabuna takum. ¹⁷ Keli intum zekir haja al nas amalek kan amulu le intum fi sika zaman intum kan tala bara min masir. ¹⁸ Keif huwo kan gabilu intum fi sika wa hajim nas al kan be wara, kulu al kan deifin wara takum, laman intum kan taabanin wa mohtajin, umon kan ma kafu kerimu Rabuna. ¹⁹ Ashan kida zaman al yahwa Rabuna takum biwodi le intum raha min kulu nas addu al fi daira ta beled al yahwa Rabuna gi wodi intum ashan .bikun warisa, intum keli ma nesitu ashan bimasa zikra ta amalek tehet samaa