¹ Iza kan rajil jouzu mara, lo huwo ligo hajat batal fi haya ta mara de, huwo bikatib juwab ta talak wa biwodi fi iden ta mara de wa birasulu hiya bara min beit bitowo. ² Laman mara de birwa bara min beit ta rajil de, hiya biruwa wa bi agder geni mara ta rajil tani. ³ Iza rajil nimira etnin aba hiya wa katibuu le hiya shihada ta talak, wa wodi fi ida ta hiya, wa rasulu hiya bara min beit bitowo; awu iza kan rajil nirira etnen mutu, al kan shilu hiya ashan bikun mara bitowo, ⁴ Biga rajil ta hiya al gedim, al kan talagu hiya awel, ma bishilu hiya tani ashan bikun mara bitowo, baad hiya biga nijisa, le anu bikun fagara le yahwa. Intum ma bikutu wata bikun galtan, wataal yahwa Rabuna takum biwodi le intum ze warisa. ⁵ Iza kan rajil jouzu mara jedid, huwo ma biruwa sawa ma jeish fi dusuman, Kaman ma biwodi le huwo taalimat ashan biruwa amulu shokolat al gowi, huwo bikun hur ashan bigeni fi beit le muda whid sena, ashan biwodi farah le mara al huwo jouzu. ⁶ Mafi rajil bishilu murhaka wa jena ta murahaka ze himaya le nefsa towo, de bi kun ze gi shilu rajil ta zol ze himaya damana. ⁷ Iza kan gobudu rajil gi shilu aku botowo Israel beguwa wa kutu huwo ze abid wa biyu howo bara, harami dak bikatulu / bimutu, wa intum bishilu galat min nus bitakum. ⁸ Amulu takum hisab min ayan ta jengeli, ashan intum bihafizu wa bi amulu kulu gawanin al gusus, lawiin kan dersu intum, ze ana kan wori le umon, intum Kaman bi amulu. ⁹ Zikir takum shunu yau yahwa kan amulu le Mariam zaman al intum kan jayin bara min masir. ¹⁰ Laman intum bi wodi ayi nou ta dein le jeiran takum, matakum ruwa juwa beit towo ashan biasalu dein takum. ¹¹ Intum bi wogif bara, biga rajil al kan wodi huwo dein de bijibu dein taki de le inta bara. ¹² Iza kan huwo rajil meskin de yau inta kan shilu min huwo haja, mata sibu haja al inta shilu de keli num le inta. ¹³ Inta behagiga keli rija le huwo haja de zaman al shemis gi waga, ashan huwo binum fogo gumash towo wa bi barik inta, de bikun bir le inta gidam yahwa Rabuna takun. ¹⁴ Intum keli ma azibu kadam al itum ajiru al meskin wa mohtaj, iza kan huwo aku takum min Israel, au ajanib al fi wata takum fi abwab ta medina takum. ¹⁵ Intum biwodi le umon yomiya towomon, shemis keli ma waga ligo intum ma kalasu mushkila tomon, ashan huwo meskin wag i hasibu huwo min gurush de. Amulu ze de ashan huwo keli ma kore did inta le yahwa, wa ma bikun katiya at inta amulu. ¹⁶ Abuhat ma bikatulu ashan iyal tomon, wala iyal bikatulu ashan abuhat. Lakin, kulu zol bikatulu ashan katia towo barawu. ¹⁷ Intum ma bi amulu be guwa ashan bizulum wa shilu hak ta zol ajnebi, wala atim, wala shilu gumas ta armala ze damana. ¹⁸ Lakin, keli intum zekir intum kana bid fi masir, wa yahwa Rabuna takum kan ankizu intum hinak ashan kida ana gi arshidu intum ashan ehterim taalimat de, ¹⁹ Laman intum gi gata hajat al negitu fi zeraa takum, wa iza kan intum nesitu gata min mahal juwa zeraa, matakum rija tani wara ashan bi gatau, keli intum sibu le ajnebi, le atim, au le armala, ashan yahwa Rabuna takum bi bariku shokolat ta ida takum. ²⁰ Iza kan intum bi hizu hibub ta zeitun min shejera towo, matakum rija le fere al intum hizu kalas, al fadulu de bikun le ajnebi, le atim, au le armala. ²¹ Kan intum gi legetu hibub ta karma min shejeraa bitowo intum ma bi rija fogo tani, bagi al fadulu bikun le ajnebi, wa le atim, Kaman le armala. ²² Intum bizekir inu intum Kaman kana bid fi arid ta masir, ashan kida ana gi wori le intum keli .ehterim tallimat da