¹ Wafarisayo na walimu wa Sheria wakamufikia Yesu kutoka Yerusalema. Basi wakamwuliza: ² «Kwa sababu gani wanafunzi wako wanavunja desturi za babu zetu kwa kula chakula pasipo kunawa mikono? ³ Yesu akawajibu: “Na ninyi, kwa sababu gani munavunja amri ya Mungu kwa kufuata desturi zenu? ⁴ Kwa maana Mungu alisema: Uwaheshimu baba yako na mama yako.” Naye alisema vilevile: “Anayelaani baba yake au mama yake anapaswa kuuawa.” ⁵ Lakini ninyi munasema kwamba mtu akiwa na kitu ambacho angeweza kuwasaidia baba yake au mama yake, lakini akimwambia kwamba amekitoa sadaka kwa Mungu, ⁶ basi, hapaswi tena kumusaidia baba yake. Hivi munazarau Neno la Mungu kwa kufuata desturi zenu ⁷ Ninyi wanafiki! Isaya alitabiri vema juu yenu, wakati aliposema maneno haya: ⁸ “Watu hawa wananiheshimu kwa midomo yao. Lakini mioyo yao ni mbali nami. ⁹ Ibada wanayonifanyia ni ya bure, sababu mafundisho yao yanalingana na kanuni za watu tu.”» ¹⁰ Kisha Yesu akaita kundi la watu na kuwaambia: «Musikilize na kuelewa maneno nitakayowaambia. ¹¹ Kitu kinachoingia ndani ya kinywa cha mtu hakiwezi kumuchafua. Lakini ni kile kinachotoka ndani ya kinywa chake ndicho kinachomuchafua. ¹² Halafu wanafunzi wakamufikia na kumwuliza: “Unajua kwamba Wafarisayo walikwazwa kwa kusikia maneno hayo uliyosema?” ¹³ Yesu akajibu: “Wao ni kama mumea usiopandwa na Baba yangu wa mbinguni, utakaopaswa kuongolewa. ¹⁴ Muwaache! Wao ni vipofu, wanaongoza vipofu wengine. Na kama kipofu akimwongoza kipofu mwenzake, wote wawili wanatumbukia ndani ya shimo.” ¹⁵ 15 Halafu Petro akamwambia: “Utuelezee maana ya mufano huu.” ¹⁶ Yesu akamujibu: “Hata ninyi vilevile hamuwezi kuelewa? ¹⁷ Hamuelewi kwamba kila kitu kinachoingia ndani ya kinywa, kinapita ndani ya tumbo na kisha kinatoka na kwenda katika choo? ¹⁸ Lakini vyote vinavyotoka ndani ya kinywa ni vyenye kutoka kwanza ndani ya moyo wake, navyo vinamuchafua mtu. ¹⁹ Kwa maana ndani ya moyo munatoka mawazo mabaya yanayoleta uuaji, uzinzi, uasherati, wizi, ushuhuda wa uongo na matukano. ²⁰ Mambo haya ndiyo yanayomuchafua mtu! Lakini kula pasipo kunawa mikono hakuwezi kumuchafua mtu.”» ²¹ Yesu akaondoka pale na kwenda pande za karibu na mji wa Tiro na wa Sidona. ²² Mwanamuke mmoja Mukanana aliyeishi katika pande zile akamufikia, akilalamika, akisema: «Ee Bwana, mwana wa Daudi, unihurumie! Binti yangu anateswa sana na pepo. ²³ Lakini Yesu hakumujibu hata neno moja. Halafu wanafunzi wake wakamufikia na kumusihi: “Umwambie aende kwa maana anatuuzi na makelele.” ²⁴ Naye Yesu akajibu: “Nimetumwa tu kwa taifa la Waisraeli, wanaokuwa kama kondoo wanaopotea.” ²⁵ Lakini mwanamuke yule akapiga magoti mbele yake na kumwambia: “Ee Bwana, unisaidie!” ²⁶ Yesu akamujibu: “Si vizuri kukamata chakula cha watoto na kukitupia imbwa.” ²⁷ Yule mwanamuke akasema: “Ndiyo, Bwana, unasema ukweli, lakini hata imbwa wanazoea kula makombo yanayoanguka chini ya meza ya wabwana wao.” ²⁸ Halafu Yesu akamujibu: “Wewe mwanamuke, imani yako ni kubwa! Ifanyike kwako sawa ulivyoomba.”» Na binti yake akapona tangia saa ile ile. Yesu anawaponyesha watu wengi ²⁹ Yesu akaondoka kule, akapita pembeni ya ziwa la Galilaya. Kisha akapanda kwenye kilima, naye akaikaa pale. ³⁰ Halafu makundi mengi ya watu wakamufikia, wakimuletea vilema, vipofu, viwete na wabubu. Wakawaweka mbele ya Yesu, naye akawaponyesha. ³¹ Yale makundi ya watu wakashangaa sana wakati walipowaona wabubu wanasema, vilema wanakuwa wazima, viwete wanatembea, na vipofu wanaona. Nao wakamusifu Mungu wa Waisraeli. ³² Yesu akawaita wanafunzi wake, na kuwaambia: «Ninawasikilia watu hawa huruma, kwa sababu wamekaa nami sasa kwa muda wa siku tatu, nao hawana chakula tena. Nami sitaki kuagana nao pasipo kula, kusudi wasiregee katika njia. ³³ Nao wanafunzi wake wakamujibu: “Hapa katika pori, tutaweza kupata wapi chakula cha kushibisha kundi kubwa kama hili?” ³⁴ Yesu akawauliza: “Muko na mikate ngapi?” Nao wakajibu: “Tuko na mikate saba na samaki ndogo chache.”» ³⁵ Basi Yesu akawaamuru watu waikae chini. ³⁶ Kisha akatwaa ile mikate saba na zile samaki, akamushukuru Mungu, akaimega na kuwapa wanafunzi wake wavigawanye kwa watu. ³⁷ Wote wakakula na wakashiba. Kisha wanafunzi wakaokota vipande vilivyobaki, wakajaza vitunga saba. ³⁸ Watu waliokula walikuwa wanaume elfu ine, pasipo kuhesabu wanawake na watoto. ³⁹ Kisha kuaga yale makundi ya watu, Yesu akaingia ndani ya chombo, na kwenda pande za Magadani.