¹ Bushe kuti twalanda shani pali Abrahamu, icikolwe cesu fwebo ku mubili, uwayambilepo? ² Nga cakutila ifyo Abrahamu imilimo yakwe yali mukumulenga ukuba uwakayele, kuti caba kuli ena icakuyumfwilamo nomba pa cinso cakwa Lesa. ³ Bushe amalembo yalanda shani? "Abrahamu asumine muli Lesa, kabili ali uwapendwa paba kaele." ⁴ Nomba uyo uulebomba, uyo ena amalipilo yakwe teti ya pendwe nge cabupe, malipilo palifyo ubomba. ⁵ Nomba uyo ena uushibomba lelo ena alenga abo ba shaishiba Lesa ukubalenga ukuba aba kaela, uyo icicetekelo cakwe cipendwa ukuba uwakaele. ⁶ Ifyo Davidi na ena alandile pakupalwa kwa muntu uyo Lesa alependela icine cakwe nangula tabomba imilimo. ⁷ Ena alandile ati; "Balishuka abo bonse aba belelwa uluse pa fintu efyo bapanga ifibi, abo imembu shabo shelelwa. ⁸ Alishuka uyo muntu ou Shikulu tali mukulu pendela imembu shakwe." ⁹ Bushe ilishuko lya landilwe lwa kuli abofye abatemwa, nangula nabo bonse abashatemwa? Natulanda ati, "Icicetekelo calependwa kuli Abrahamu ukutila wa kaele." ¹⁰ Bushe calapendwa nga shani kuli ena? Bushe ici caliko ilintu natetwa nagula ninshi talatemwa? Ici cacitike ninshi talatetwa,te panuma yakutetwa! ¹¹ Abrahamu apokelele icishibilo cakutetwa nge cilangililo camuli kukale na mucicetekelo nangula ilyo ali tala putulwa. Icikankala cakulenga ena ukuba wishi wa abo bonse abasumina nangula tabali mukutemwa, pamulandu wakutila bukaele bwabo bulependwa muli bena. ¹² Nakabili ewaba wishi wa abo abaletetwa te kuli abo beka abashili mukutetwa lelo na kuli abo abendela mu cicetekelo ngefyo umufyashi wesu Abrahamu alecita ilyo talatemwa. ¹³ Amalayo ayalailwe kuli Abrahamu naba mu lupwa lwakwe icalo conse tepa mulandu wakusunga amafunde lelo kupitila mucicetekelo no kuba uwakaele. ¹⁴ Nga alaile ukupeela icalo kuli abo abasunga amafunde icicetekelo ngatamwaba akantu, ne cilayo nga cafye. ¹⁵ Ifunde lya ishilebelako pa mulandu wa kukonka, nomba nga tapali mafunde, ninshi teti pabe kupula mu mafunde. ¹⁶ Nipa mulandufye wa cicetekelo, calengele icilayo no kupalwa fipelwe kuli bonse abasunga amafunde, lelo na kuli abo bonse abakwata icicetekelo ngecakwa Abrahamu. Uyu ena emufyashi wesu bonse, ¹⁷ efyo calembwa ukutila, "Nebo nakusonta ukuba wishi wa mitungu iingi." Abrahamu ali pacinso cakwe nga umo uwacetekelwa, uyu ena , Lesa, eupela ubumi ku bafwa nakabili eulenga ifintu ifishili kuba no bumi fibe nobumi. ¹⁸ Ena abikilepofye ukusumina nokucetekela, mukutila kuti ena akaba wishi wa mitundu ishingi, ukukonka nefyo ali mukwebwa, "efyo nolupwa lobe lukaba." ¹⁹ Ukwabula ukunenuka ukufuma ku cicetekelo, aleimona umwine ukuti umubili ukutilq naufwa (Pamulandu wakutila ena apalamine ku myaka ya kufyalwa cikalwa cikanga umwanda umo), elyo nokufwa kwacisa cakwa Sara. ²⁰ Nomba pa mulandu wabulayo bwakwa Lesa, Abrahamu talufyenye nangu ukutwishinka. Mulingile, alifye mukutwalilila mucicetekelo no kulumbanya Lesa. ²¹ Ali mukushininkisha nganshi ukutila eico Lesa aalaya, aliba namaka yakuicita. ²² Eico ici cali ifi, "ena alependwa ukuba uwakaele." ²³ Nomba amashiwi, "yali mukupendwa kuli ena" tayalembelwe eka awe. ²⁴ Yalembelwe nakuli fwebo bene, yali mukupendwa nakuli fwebo fwe basumina muli ena ukutila yesu ni Shikulu nakabili alibukile kubafwa. ²⁵ Uyu wine ewatupususha ukutufumya mufyabubifi fyesu nakabili eco amubushisha pamululandu ifwe tube abakaele.