¹ Nomba bushe busumanshi aba Yuda ba kwata? Na bushe buyonshi bwaba mu kunsembululwa? ² Cikalamba munshila shonse. Icakubilapo pali fyonse, aba Yuda bali aba cetekela mu fyebo fyasokolwa kuli Lesa. ³ Nga bushe bamo aba Yuda taba kwete icicetekelo? Ukukana cetekela kwabo kuti kwa onaula icishinka cakwa Lesa? ⁴ Tacifwile caba ifi. Cifwile, lekeni Lesa asongwe uwa cishinka, nangu umuntu onse wabufi. Ifyo calembwa, "Ukuti mulangwe ukuba abalungami mu mashiwi yenu, na ukuti mwalaya ilyo mukesa muku pingulwa." ⁵ Nomba ubulungami bwesu nga bwalanga ubulungami bwakwa Lesa, bushe kuti twalanda inshi? Kuti twalanda ukuti Lesa talungama kukuleta ubukali bwakwe pali ba fwebo? (ndebomfya ukulingana no buntu.) ⁶ Tacifwile caba ifi! Nga Lesa kuti apingula shani icalo? ⁷ Nomba icishinka cakwa Lesa ukupitila mubufi bwandi bufusha ubukata bwakwe, ninshi ndepingwilwa ngo mu bembu? ⁸ Cinshi tatulandile, ngefyo balandile ifya ukukandwa, bambi bali shinikishe ifyo twalelanda, "Lekeni fwebo tucite ifibi, palweba ici ifisuma fise"? Ukusekwa kwabo kwali linga. ⁹ Bushe kabili? Tuleyelela fwebene? Awe iyoo. Pantu twali bepeshiwa akale bonse aba Yuda naba Hela, bonse bena, baba mulubembu. ¹⁰ Ifi efya lembwa: "Takwaba nangu umo umulungami, nangu umo. ¹¹ Takwaba nangula umo uufwa. Takwaba nangula umo uufwaya Lesa. ¹² Bonse naba pilibuka. Bonse pamo basonguka abafye. Takwaba nangula umo uucita ifisuma, takuli, takuli nangu umo." ¹³ "Imilimo yabo ninshinshi iya isuka. Indimi shabo sha kwata ubufi. Ubusungu bwa nsoka panshi yamilomo yabo." ¹⁴ "Utunwa twabo twaisulamo ificipu na ukukalipa." ¹⁵ "Amakasa yabo yabutukila ku kufumya umulopa. ¹⁶ Ne shila shabo mwaba ubonaushi nokucula. ¹⁷ Aba bantu tabakwata ukwishiba inshila ya mutende. ¹⁸ Ta mwaba ukutina Lesa mu menso yabo." ¹⁹ Ililine natwishiba ukuti conse ifunde lyalanda, cilanda kuli umo uwaba panshi yefunde. Ici eshila ukuti akanwa konse kesalikwe, na conse icalo cilubulule kuli Lesa. ²⁰ Ici pamulandu wa milimo yama funde tapakabe umubili uukalungamikwa mu menso yabo. Ukupicila mu mafunde aya yaisa mukwishiba ulubembu. ²¹ Nomba ililine ukufuma kwi funde bwaa moneka ubulungami bwakwa Lesa. Capelwe ubunte kwi funde na bakasesema, ²² ici, ebulungami bwa kwalesa ukupitila mucicetekelo muli Yesu Klistu kuli abo bonse abasumina. Pantu takuli bu mucishanya. ²³ Pantu bonse nababembuka na uku pelela kubukata bwa kwa Lesa, ²⁴ naba kukuluka ukushinikisha mukusenaminwa kwa kwe ukupitila mukwelela ukuli muli Klistu Yesu. ²⁵ Pantu Lesa apekenye Klistu Yesu ukuba kalubula ukupitila icicetekelo mu mulopa wakwe. Apele Klistu ukuba koshinikisha wa cishinka cakwe, pamulandu wa bulungami bwakwe pa membu shakale, ²⁶ mukulolela kwakwe. Ifi fyonse fikacitikapa kulanga ubulungami bwa kwe pali ino nshita. Ici cali ukuti ailange umwina, na ukulanga ukuti alungamike uuli onse pamulandu wa cicetekelo muli Yesu. ²⁷ Ukuyunfwa kabili kuli kwi? Nacisalilwa. Ukupitila umwa bela ifunde? lya milimo? awe, nomba ukupitila mwi funde lya cicetekelo. ²⁸ Twasanga kabili ukuti umuntu alungamikilwa ku cicetekelo ukwabula imilimo yama funde. ²⁹ Nangula Lesa ni Lesa waba Yuda beka? Tali Lesa wa bena fyalo nabo? Nasumina, wabena fyalo nabo. ³⁰ Apo, icine, Lesa umo, akalungamika ukusembululwa ku cicetekelo, na uwabula ukusembululwa ukupitila mu cicetekelo. ³¹ Tufwile kabili ukusunga ama funde ukupitila mucicetekelo, teti cibe ifi! Nomba, twikatilile ama funde.