¹ Nomba fwebo fwebali abakosa twafwe abashili na maka, no kweba ati tatufwile ukuisekesha fwebene. ² Lekeni cila umo uwa muli fwebo asekeshe umwina mupalamano pakucito busuma bwa kumukula. ³ Pantu na Klistu taisekeshe umwine, pantu, ifyo calembwa, "Insele shaabo abkutukile webo shaponene pali nebo." ⁴ Pantu fyonse fyalembelwe akale fyalembelwe ku kutulungika ukweba ati ukupitila mu kuteka umutima nokupita muku koseleshiwa kwa malembo tuli nokukwate subilo. ⁵ Nomba Lesa wa kuteka umutima no wakukoselesha amupe mwebo amaka ukuba mu mano yamoyene pamopene umwabela Klistu Yesu. ⁶ Ukuti acite fi netontonkanyo limo mukulumbanya nakanwa kamo Lesa kabili Tata wakwa Shikulu Yesu Klistu. ⁷ Eico pokeleleni umo no munankwe, pamo ngafintu Klistu amupokelele mwebo, kululumbi lwakwa Lesa. ⁸ Pantu nebo nalandile ati na Klistu aishileba umubomfi waba putwile inkanda yapamutwe lwa bwaume mukwimininako Lesa wa cine. Pa mulandu wafilayo ifyapelwe ku fikolwe, ⁹ naku bena fyalo ululumbi kuli Lesa mu luse lwakwe. Ngefyo calembwa, "Eico nkapela ukulumbanya kuli mwebo mu bena fyalo no kwimba isha kulumbanya kwishina lyenu. ¹⁰ Peka calandwa ati, "Sekeleleni, mwebo mwe bena fyalo, pamo na bantu bakwe." ¹¹ Napeka, "Lumbanyeni Shikulu, mwe bena fyalo bonse: lekeni abantu bonse ba lumbanye ena." ¹² Peka, Esaya alandile ati, "Umushila wakwa Yesu uli no kwisa, umo uukema ku kuteka abena fyalo: muli ena abena fyalo bakakwate subilo." ¹³ Nomba Lesa we subilo esushe muli mwebo ukusekelela pamo no mutende mukusumina, nokuti kumaka ya mupashi wa mushilo wikalilile mwisubilo. ¹⁴ Nebo nemwine nincimfiwa pali mwebo namwisushiwamo nobusuma, ukwisushiwa nokwishiba konse. Nincimfiwa pakuti namwebo bene namulinga ukusambilisha kuli umo no munankwe. ¹⁵ Nomba nebo ndelemba nokupama kuli mwebo pamulandu wafimo pakwibukisha mwebo napeka , pamulandu wa cikuku nebo napelwe kuli Lesa. ¹⁶ Ici cabupe cali taciningile ukuba umubomfi wakwa Klistu Yesu ku bena fyalo, icabupe nga shimapepo wambila nsuma yakwa Lesa, pakweba ati ukutula abena fyalo kwaba ukwapokelelwa, ukwashishiwa mumupashi wa mushilo. ¹⁷ Muli Yesu Klistu ninkwata apakutakishisha ukwa mulimo wakwa Lesa. ¹⁸ Pantu nshilinakupama ukulanda fimbi kano ifyo Klistu abombele ukupitila muli nebo kuba cetekela bamubena fyalo. Ifi efintu fya bombelwe ku cebo naku mulimo, ¹⁹ kumaka yafishibilo ne fipeshamano, nakumaka ya mupashi. Ifi efyo fyali ukufuma ku Yelusalemu noku shingulika ukufika ku Iluriki, mfwile ukusenda imbila nsuma yakwa Klistu. ²⁰ Muli iyi nshila, ukukabila kwandi nipa kubila icebo, kuntu Klistu tabamwishibe ishina, ukweba ati nikula pacakukulapo ca muntu umbi. ²¹ Cili ngafintu calembwa: "Nabo aba shaebelwe pali ena bese bakamumone nabo aba shaumfwile bali no kumfwa." ²² Eico nacingililwe imiku iingi ukwisa kuli mwebo. ²³ Lelo nomba, nshikwete icifulo muli ino ncende, no kwebati ni mfuluka mu myaka iingi ukwisa kuli webo. ²⁴ Pantu ninkwata icicetekelo ukumona mwebo lintu nkapita ukupula ukuya mulwendo lwandi ulwaku Spani, nokwafwilisha kuli webo mu lwendo lwandi kulya, ilyo nkasekelela pakubapamo pakutampilapo. ²⁵ Lelo nomba ndimukuya ku Yelusalemu, mukubombela abamushilo bakwa Lesa. ²⁶ Pantu cali cisuma ku bena Makedonia na bena Akaya ukucito musango wakwafwa abapina bamu shilo bakwa Lesa abali mu Yelusalemu. ²⁷ Cawama, bacitile cisuma, nokuba bankongole kuli bena. Pantu nga bena fyalo bapokelelako kufintu fyabo fya mupashi, bena bankongole kuba Yuda ukubombela bena ku fintu fyabo fyamubili. ²⁸ Eico, ilyo nkapwisha uyu mulimo no kwisalila ifi fisabo kuli bena, nkaya ku Spani nokutandalila mwebo pa kuya ²⁹ Ninjishibo kwebati ilyo nkesa kuli mwebo nkesa ninjisulamo amapalo yakwa Klistu. ³⁰ Nomba ndimukumipapata, mwebamunyinane, muli Shikulu Yesu Klistu, namu kutemwa ukwa mupashi, mukoshanye pamo na nebo mumapepo yenu kuli Lesa kuli nebo. ³¹ Pepeni pakwebati mpokololwe ukufuma kulyabo abashicetekela mu Yudea, no kweba ati ukubomba kwandi ku Yelusalemu kukabe ukwa pokelelwa ku bamushilo bakwa Lesa. ³² Pepeni pakweba ati nkese kuli mwebo mukusekelela ukupitila mu bufwayo bwakwa Lesa, na mukuti tube pamo na mwebo, mukusango kutusha. ³³ Namu mutende wakwa Lesa ubepamo namwe bonse. Cibefyo fine.