¹ Ndelangisha mwebo Foibe nkanshi yesu, umubomfi wa cilonganino caku Kenkerea, ² pakwebati mwingamupokelela muli Shikulu. Pangeni ici mubusuma ubwa wamina abantu bashili abakwa Lesa, nokumupepa fyonse fintu engafwaya kuli mwebo, ico ena aba uwakwafwa abengi nanebo wine kuno. ³ Poshenipo Priscila na Aquila, ababomfi banandi muli Klistu Yesu. ⁴ Abaposele imyeo yabo mumafya pa mulandu nomweo wandi. Napela ukutasha kuli bena, tenebo neka awe, nomba kuli fyonse ifilonganino fya bena fyalo. ⁵ Poshenipo icilonganino camung'anda yabo. Poshenipo Epainete uwatemwikwa wandi, uwatampilapo ukuipeela ukwisa kuli Klistu mu Asia. ⁶ Poshenipo Maria, uwaculile sana pali mwebo. ⁷ Poshenipo Androniki na Yunia, abantu bandi nabafungwa banadi. Balishibikwa sana kubatumwa, kabili bena bali muli Klistu lintu nebo nshilabamo. ⁸ Poshenipo Ampiliati, uwatemwikwa wandi muli Shikulu. ⁹ Posheni Urbani, umubomfi munensu, muli Klistu, na Stachysi, uwatemwikwa wandi. ¹⁰ Poshenipo Apele uwasuminishiwa muli Klistu. Poshenipo bonse abamung'anda yakwa Aristobulusi. ¹¹ Poshenipo Herodiani, umuntu wandi. Poshenipo bonse abamung'anda yakwa Narkisi, ababa muli Shikulu. ¹² Poshenipo Trufaena na Trufosa bakabomba muli Shikulu. Poshenipo Persisi uwatemwikwa wandi, uwabombele sana muli Shikulu. ¹³ Posheni Rufusi, uwasalwa muli Shikulu, na banyina abali niba mayo. ¹⁴ Poshenipo Asunkriti, Flegoni, Hermesi, Patrobabasi, Hermasi naba muniyinefwe abali nabena. ¹⁵ Posheni Filologe na Yulia, Nere nankashi yakwe, na Olumpa, na bonse abantu bamushilo abakwa Lesa abali na bena. ¹⁶ Poshanyenipo umo nomubiye mukuifyompa kwa mushilo. Fyonse ifilonganino fyakwa Klistu fya miposha. ¹⁷ Lelo namipapata mwebo, bamunyinane, ukulatontonkanya palwabo bonse abaleta ukupatulukana nefipunwisho. Abakanya ukusambilisha kuntu mwebo mwasambilile. Fumeni kuli bena. ¹⁸ Abantu ababefita tababombela Shikulu Klistu, lelo ifya mumala yabo. Nakukulanda kwa kutentemba nefya kutasha balelufya imitima yaba kaele. ¹⁹ Pantu icumfwila cenu cafika kumuntu onse. Nasamwa, eico, pali mwebo, nomba ndefwaya mwebo mube abamano kufisuma, no kuba uwakaele kufyabipa. ²⁰ Lesa wacibote akashaonaula satana mwisamba lya makasa yenu. Ukusenaminwa kwakwa Shikulu Yesu Klistu kube namwebo. ²¹ Timoti, umbomfi munandi, amiposha, na Luciasi, Yosone, na Sosipatere, abantu bandi. ²² Nebo, Tertiusi, uwatemba iyi kalata, ndemiposha muli Shikulu. ²³ Gaiusi, umweni wandi ne cilonganino conse, alemiposha. Nebo Erasitusi kasunga wa cipao ca calo, alemiposha, na quartusi munyinefwe. ²⁴ Lekeni cikuku cakwa Shikulu Ysu Klistu Cibe namwebo bonse. ²⁵ Lelo kuli ena uwingamilenga ukuba abakosa kumbila nsuma yandi namu mashimiko yakwa Yesu Klistu, umwalola ubusokololo bwa cankama icasungilwe mubumfisolo pa myaka iingi. ²⁶ Nomba lelo casokololwa nokwishibwa ukupitila mumasesemo na mumalembo kunko shonse, kwi kambisho lyakwa Lesa wamweo, kukuleta icumfwilo ne cicetekelo- ²⁷ Kuli Lesa wamwano eka, ukupitila muli Yesu Klstu, kupelwe ululumbi umuyayaya. Ameni.