¹ Elyo namwene mucisansa cakukuboko kwakukulyo kwawaikala p citebe umufungilo uwalembelwepo kuntashi nakunuma, naukakatikwa nefikakatilo cine lubali. ² Nalimwene nomungeli uwamaka alepunda neshiwi ilikulu, ''Ninani walingwa ukwisula umufungilo nokukakatula ifikakatilo?'' ³ Takwali mu mulu nangu pano calo nangu panshi ya calo uwalingile uwisula umufungilo nangu ukubelengapo. ⁴ Nalilile pantu takwali nangu umo uwasangilwe uwalingwa ukwisula umufungilo nangu ukubelengapo. ⁵ Nomba umo uwa mubakulu anjebele ati,"Wilalila.Mona!Inkalamu ya mu mutundu waba Yuda, Umushila wakwa David,nacimfya. Eulingilefye ukwisula umufungilo ne fikakatikilo Cine-lubali ⁶ Namwene umwana wa mpanga naiminina pakati Kancende ya cipuna napafya mweo fine napabakulu. Alemoneka kwati naipaiwa. Akwete insengo cine-lubali namenso cine-lubali intu Lesa atumine pano calo ponse. ⁷ Aliile nokuya poka umufungilo ukufumya ku kwa ku kulyo kwawa ikele pa cipuna. ⁸ Lintu apiitile umufungilo, ifya mweo fine na bakulu amakumi yabili na yane bawile ku ntanshi ya mwana wa mpanga. Bonse bali ne nkombo umwali ifya cena icisuma, ayali mapepo ya Bashila. ⁹ Baleimbo lwimbo lupya: "walilingo kupiita umufungilo n kukakatula icikakatiko. Pantu mwalipaiwe, namumulopa wenu mwai shitile abantu abakwa Lesa ukufuma ku mitundu yonse, indimi, abantu, necalo. ¹⁰ Mwabapangiile ubufumu na bushimapepo ukubombela Lesa, nabena bakesa teeka pa calo.'' ¹¹ Kabili naliloleshe nokumfwa iciunda caba malaika abashungulwike icipuna nefya mweo nabakulu. Nokufula kwabo bonse pamo bali amakana ikumi aya makana namakana aya makana. ¹² Balandile mukupundisha, "Alinga umwana wampanga uwaaipaiwe kukupoka amaka, ubunonshi, amano, ukukosa, umucinshi, ubukata, namatotelo.''' ¹³ Nalyumfwile nefibumbwa fyonse ifyaba mumulu napanshi ya calo napa mumuna na fyonse- ifyabamo-fyalelanda, ''Kuwaikala pacipuna nakumwana wampanga kube amatotelo, umucinshi, ubukata, namaka yakuteka, umuyayaya no muyayaya.'' ¹⁴ Nefya mweo fine fyalandile, '' Ameni!'' Nabakulu bawile panshi nokupepa.