¹ Naloleshe ilyo umwana wampanga aiswile cimo icacikakacikilo pafya cine lubali; na umfwile cimo cibumbwa cabumi icapali cine cilelanda ishiwi ilileumfwika kwati cibulukuto; ''isa!'' ² Naloleshe kulya kwali kabalwe wabuta. Kensha akwete ubuta; ali pelwe icibalika. Afumine alecimfya nga kacimfya. ³ Ilyo umwana wampanga aiswile icikakacikilo cafibili; naufwile icafibili icibumbwa cabumi cilelanda; ''isa!'' ⁴ Kabili naumbi kabalwe afumine-uwakashika. Ukwenshya kwakwe kwapelelweinsambu shakusenda umutende pa calo, pakuti abantu baciko bengaipaya abene beka. No uyu kensha apelwe ulupanga ulukalamba. ⁵ Ilyo umwana wa mpanga aiswile icikakatikilo calenga fitatu, naumfwile icafitatu icibumbwa cabumi cilelanda, "Isa!" namwene kabalwe uwafita, nouleenshya akwete icipimino muminwe yakwe. ⁶ Naumfwile ifyaleumfwika kwati lishiwi pa fibumbwa fyabumi fine filelanda, "Umulingo wangano mulupiya lumo, nemilingo itatu Ya bale no lupiya lumo. Nomba amafuta nobwalwa mwionaula." ⁷ Ilyo umwana wampanga aiswile icikakatikilo cabune, naumfwile ishiwi lyacibumbwa cabumi icacine cilelanda, "Isa!" ⁸ Kabili namwene kabalwe uwabutulukila. Nouleenshya ainikwa imfwa, nenshinshi yalemukonka. Kwapelwe amaka pacalo ukufika kulicimo-palifine, ukwipaya kwakulupanga, nakucipowe nakumalwele, nakufimana fyamumpanga ifyapa calo. ⁹ Ilyo umwana wampanga aiswile icikakatikilo calenga fisano, namwene panshi iya cipailo imyeo yaabo bonse abaipaiwe pamulandu wacebo cakwa Lesa nobunte ubo bakwete. ¹⁰ Balilile neshiwi ilikalamba, "Nishita nshi, mwebakateka wabonse, uwamushilo kabili uwacishinka, mukapingula bonse abekala pacalo, kukulandula umulopa wesu?" ¹¹ Kabili cila umo apelwe umukansu, kabili baebelwe ukuti bengalolelako akashita akanono ukusukila kumwisulo wampendwa yabasha banabo naba munyina ingafika pabalingile ukwipaiwa, ngefyo benabaipaiwe. ¹² Nomwana wampanga aiswile icikakacitikilo camutanda, namwene kabili icinkukuma icikalamba. Akasuba kasangwike akafita ngensalu yafita, nomwenshi onse wasangwike ngomulopa. ¹³ Nentanda shamumulu shaponene pacalo, nga filya icimuti camukunyu ciponya ifisabo ifyabula ukusombola ngacasunkanishiwa ku cipupu icikalamba. ¹⁴ Nomulu wakunkulwike ngecapombwa icali icafungwa. Nolupili necilila fyafumine pacende yafiko. ¹⁵ Kabili bashamfumu bapacalo nabantu ababuyo, na bonse, nabakankala, nabamaka, nabali bonse, abasha nabakaele, bafiseme mufincenengwe nomufimabwe fyamumpili. ¹⁶ Balandile kumpili nakumabwe, "Tuponeneni fwebo! Tufiseni kucinso cauyo uwikele pacipuna cabufumu nakubukali bwamwana wampanga. ¹⁷ Nabwisa ubushiku bukalamba kubukali bwabo. Ninani uwingemininako?"