¹ Panuma yaififintu nebo naloleshe, nebo namwene umwinshi uwaisuka mumulu. Ishiwi lya kubalilapo nebo naumfwile ilyalelanda kuli nebo lyali ngepenga, lilelanda ati ''isa kuno, nebo nalakulanga ifyala cicika panuma yaififintu.'' ² Ilyo nebo nali mumupashi, nebo namwene icipuna icatekwa mumulu, naumo naikalapo. ³ Naumo uwalinaikalapo alemoneka kwati ni Yaspa na Kanelyani. Kwali nomunkola mfula ukushunguluka icipuna. Nomunkolamfula wamoneke kwati emaradi. ⁴ Ukushunguluka icipuna kwali ifipuna amakumi -yabili nafine, nabaikele pafipuna bakulu amakumi yabili nabane, nabafwala nemikansu, nefibalika fya golide kumitwe yabo. ⁵ Ukufuma kucitebe kwaishile ukubyata kwa kalumba, necibulukuto camyele yakalumba. Kuntanshi yacipuna kwali ututolitoli cine lubali utwaleaka uto tutolitoli twali mipashi aya kwalesa. ⁶ Kuntashi yacipuna kwali umumana wacilola, uwaba ngakristali. Napakaci kacipuna nokushunguluka icipuna kwali ifyabumi fine, ifyaisulamo amenso, kuntanshi nakunuma. ⁷ Icabumi cakubalilapo calemoneka kwati ninkalamo, icacibili kwati ning'ombe, icamweo ca citatu cakwete impumi kwati muntu, neca mweo icalenga bune calemoneka kwati nicembe uulepupuka. ⁸ Ifi ifyabumi fine cilacimo cali namapindo mutanda, ifyaisulamo amenso pamulu napanshi. Ubushiku nakasuba fyena tafileka ukulanda, ''Wamushilo, Wamushilo, Wamushilo ni Shikulu Lesa wamaka yonse uwaliko, uuliko, kabili uulinokubako.'' ⁹ Lyonse ifibumbwa fyabumi fipela ululumbi, umucinshi, namatotelo kuli uyo uwaikala pacipuna uyo uwaikala mukutwalilila kabili mukutwalilila. ¹⁰ Abakulu amakumi yane nabane bawakuntanshi yawaikala pacipuna, nokumutatakula kabili mukutwalilila. elyo nabanshika ifibalika fyabo kuntanshi yacipuna, balelanda ati, ¹¹ ''Niwe walinga, Shikulu kabili Lesa wesu, ukupokelela ubukata nomucinshi namaka, pantu niwe wapangile fyonse, kabili ukufwaya kobe eko fyaikalile kabili eko fyalengelwe.''