¹ Naliloleshe kabili nalimwene umana wampanga aliminine pa lupili lwa Zioni. Ali ne bumba ilya bantu amakana umwanda umo, na makana amakumi yane, na makumi yane. abali nabakwata ishina lyakwe ilyali nalilembwa pampumishabo. ² Nalyumfwile iciunda ukufuma mumulu icali kwati ku pooma kwa menshi ayangi nokulukuta ukukulu. Iciunda cintu naumfwile cali kwati lwimbo lwa ba kemba ba mitolilo. ³ Baimbile ulwimbo ku cipuna na kufibumbwa nakubakalamba. Twakwali uwasambilile ulwimbo ukufumyakofye amakana umwanda umo, na makana amakumi yane, namakumi yane abashitilwe ukufuma pa calo. ⁴ Aba nibalya abalimukukonka umwana wampanga konse kuntu aya. Aba nibalya abashitilweukufuma kumutundu wamuntunse nga ifisabo fyantanshi ifya kwaLesa no mwana wampanga. ⁵ Takwali ubufi ubwasangilwe mu tunwa twabo; bali aba bula ububi. ⁶ Nalimwene malaika naumbi alepupuka mumwela. Uwalinakwata icbo ca mbilansuma iya kubilikisha kuli bonse abekala pa calo kunko shonse, umutundu, no lulimi na bantu bonse. ⁷ Alibilikishe ne shiwi ilikulu, "Tineni Lesa no kumupela ubukata. Pantu inshita yabupingushi naifika mulumbanyeni, uyuwine uwappangile umulu, icalo, icimana na kamfukwe fukwe ka menshi. ⁸ Malaika naumbi -malaika wacibili- alikonkelepo, alelanda ati, "napona, napona babiloni mukalamba, uwapatikishe abantu ukunwa mu mwangashi wacipyu cakwe." ⁹ Malaika naumbi-malaika wakonkelepo-ubutatu-alebilikisha ishiwi ilikalamba, ati" nga cantu umuntu nga apeepa iciswango na icimpasho ciciko, no kupokelela ululembo pampumi, nangu paminwe. ¹⁰ Akanwa no mumwangashi wabukali bwakwa Lesa, umwangashi uwaitululwa uwabula ukupindulwa mulukombo lwabukali bwakwe. Umuntu uwanwa muli uyu mwangahi akacula ku mulilo pacinso caba malaika na lesa na umwana wampanga. ¹¹ Icunshi cafumine mukucululuka kwabo kwaya umuyayaya no muyayaya, takwaba no kutusha abushiku na kasuba-nabakapepa waciswango ne cipasho cakwe na onse uwa pokelela ululembo lya lilya inshina. ¹² Kuli abwite ubwaba bashipikisha abatekanya abatumwa, bonse abasunga amafunde ya kwa Lesa na icicetekelo mui Yesu. ¹³ Nalyumfwile ishiwi ukufuma kumulu lilelanda ati, "lemba ukutila; balishunka abo alimukufwile muli shikulu." "Ee" Efintu mupashi alanda, a'epakuti batushe kumilimo yabo, pantu imilimo yabo ikabakonka." ¹⁴ Naliloleshe, kwali ne kumbi ilyabuta. Uwali naikala pe kumbi ali kwati mwana wa muntu. Alinakwata Golide nfwala ne congwe kumutwe wakwe ne cikwakwa icatwa muminwe yakwe. ¹⁵ Malaika umbi alishile ukufuma mwitempele no kwita ne shiwi ilikulu kuwali na ikala pe kumbi: Bula icikwakwa tampako ukusepa. Pantu inshita yaku usombola naifika, pantu ubusomboshi bwa calo na bupya." ¹⁶ Elo uwaikele pekumbi aposele icikwakwa cakwe pa calo, ne calo calisombwelwe. ¹⁷ Malaika naumbi lishile ukufuma mwitempele mumulu; nao wine alikwete icikwakwa icatwa. ¹⁸ Nakabili line malaika alishile ukufum ku fyacena cisuma ukufuma pa cipailo, uwakwete amaka pa mulilo. Abilikoshe ne shiwi ilikulu kuli ulya uwakwete icikwakwa icatwa, "bula icikwakwa cobe useepe ne myangashi ukufuma mumbala yamyangashi ukufuma mu calo, pantu imyangashi yabo naipya." ¹⁹ Malaika akwempele icikwakwa pa calo no kukolonganika no kufiposa mu cakufininamo yabusomboshi bwa pa calo. Nokuposa mumwangashi ukalamba umwaba ubukali bwa kwa Lesa. ²⁰ Ne myangashi yafininwe mufya kufininamo kunse ya Mushi, kabili umwakufinina umwangashi mwafumine umulopa uwafikile ku mikobelo yakwa kabalwe limbi ukulingana nabamailoshi imyanda ibili.