¹ Nakabili namwene icishibilo mumulu, icikulu kabili iicakupapusha: kwali abangeli cinelubali bakwete ifikuko cinelubali. ifyali fikuko ifyakushalikisha, muli ifyo emwali ifikuko ifyakwa Lesa ifyakupwilisha. ² Namwene icamoneke ngecimana cafyani icasankanishiwamo nomulilo. Abaiminine pambali yacimana eabo abakwatishe amaka ukucila icisoka nefipasho, ukucila pampendwa yafimininako ishina lyakwe. Baikete imitolilo iyo babapele kuli Lesa. ³ Baleimba ulwimbo lwakwa Mose, umubomfi wakwa Lesa, ulwimbo lwamukoko: "Ifikulu nefyakupapa emicitile yobe, Shikulu Lesa, uwacilapo. Umulinganya necine enshila shobe, Mwemfumu yanko shonse. ⁴ Nani uushingamitina, Shikulu, ukucindika ishina lyenu? Pantu mweka muli bamushilo. Inko shonse emicitile yabulungami bwenu naisokoloka." ⁵ Panuma yaifi fintu namwene, netempele ilyakwete itenti lyabakambone iyaiswike mu mulu. ⁶ Ukufuma muncende yacumba camushilo wamushilo kwaishile abangeli cinelubali bakwete ifikuko cinelubali. Bafwele ifyabuta tutu, ishabeka nokukaka imishingo yabo mufifuba fyabo. ⁷ Umo uwapafibumbwa fine ifipema apele abangeli utubeseni cinelubali utwacifukushi cakwa Lesa, uwaikalilila mukutwalilila. ⁸ Namucinyumba nyumba mwaiswile icifukushi ukufuma kubukata bwakwa Lesa namaka yakwe. Takuli uwingengilamo mpakafye ifikuko cine lubali ifyabangeli fipwe.