¹ Kabili namwene malaika umbi uwamaka alekoka ukufuma kumulu. Alinafwala ikumbi, kwali nomunkolamfula kumutwe wakwe. Icinso cakwe cali ngakasuba namakasa wakwe yali ngenceshi shamulilo. ² Aikete akamufungilo akanono, akaiswilwe mukuboko kwakwe. Abikile ulukasa lwakukulyo palibemba nolwakukuso mamulundu. ³ Elo apundile mwishiwi ilikulu ngokulila kwa nkalamu. Ilyo apundile, ifibulukuto cine lubali fyabilikishe nefiunda fyafiko. ⁴ Ilyo ifibulukuto fyalandile, nalifumine kukulemba, nomba naumfwile ishiwi ukufuma kumulu lilelanda ati, " Sunga icankama ico ifibulukoto fyacilanda. Nokulemba wilemba. ⁵ Elo umungeli uyo namwene naiminina pali bemba napacalo aimishe ukulu kwakwe ukwakukulyo ukuya kumulu. ⁶ Alapile pali uyo uwikala umuyayaya, uwabumbile umulu nafyonse ifyabamo, nesonde nafyonse ifyapesonde, namalaika alandile, " Takwakabe ukukokola nakabili. ⁷ Nomba pabushiku ubo umungeli walenga cine lubali alinokulisha ipenga, elyo icankama icakwa Lesa cikapwililika, ngefyo abilikishe imbila nsuma kubasha bakwe bakasesema." ⁸ Ishiwi naumfwile ukufuma kumulu nokulanda kuli nebo nakabili: "Kabiye, senda akamufungilo akaisuka akali kukuboko kwamungeli uwiminine pali bemba napa mulundu." ⁹ Elyo naile kuli malaika nokumweba ukumpela akamufungilo. Nao alandile kuli nebo ati, "Senda akamufungilo nokulya. Nako kaleumfwika ukulula mumala mobe, nomba mukanwa mobe kaleumfwika ukulowa ngobuci." ¹⁰ Nasendele akamufungilo ukufuma kukuboko kwakwa malaika nokulya. Kali akalowa ngobuci mukanwa, nomba panuma ninkalya, mumala mwandi mwalilulile. ¹¹ Elo umo alandile kuli nebo ati, "Ufwile ukusesema nakabili palwa bantu abengi, ifyalo, indimi, napalwa mfumu."