¹ Kabili namwene umungeli wacisano alisha ipenga lyakwe. Namwena ulutanda lwafumu kumulu ukuponena pacalo. Ulutanda lwalipelwe imfungulo yakucilindi cakunshinshi. ² Nao aiswile icilindi cakunshinshi, necunshi cafumine mucilindi ngecunshi cafuma mwilungu ili kalamba. Akasuba nolwelele fya cindishiwe mumfimfi kucushi calefuma mucilindi. ³ Makanta afumine mucunshi ukwisa pacalo, nao alipelwe amaka ngaya kwakaling'ongo pacalo. ⁴ Aebelwe takuli ukufyenga icani capa calo nangula umulemfwe uuli onse nangula icimuti, nomba kanofye abantu beka abashakwata icikakatilo cakwa lesa pampumi shabo. ⁵ Tabamupele insambu shakwipaya abobantu, nomba kano ukubalungulusha bena pamyenshi isano. Ukulungulusha kwabo kwaba ngobusungu bwakwa kaling'ongo ilyo asuma umuntu. ⁶ Muli isho inshiku abantu bakalafwaya imfwa, nomba tabakaisange. bakalafuluka nokufwaya ukufwa, nomba imfwa ikababutuka bena. ⁷ Bamakanta bamoneke nga bakabalwe aba ipekanishiwa kunkondo. Pamitwe shabo pali fimo nge fibalika fyagolide, nefinso fyabo fyali ngefya bantu. ⁸ Balikwete imishishi ngesha banamayo, nameno yabo ngameno yankalamu. ⁹ Bali nefya kucingilisha ififuba ngefya cela, necongo camapindo yabo cali nge congo camaceleta naba kabalwe abengi abalebutukila kulubuli. ¹⁰ Bali kwete imicila nobusungu ngobwa kwaka kalingo'ngo; nakumicila yabo nakupelwa amaka aya kucusha abantu pamyenshi cisano. ¹¹ Bali nemfumu yabo umungeli wakunshinshi. Ishina lyakwe muciebere ali Abadoni, na muci hela akwete ishina apalloni. ¹² Nacipita icabulanda icantanshi. Lolesha! Ngapapita ifi kuli nafimbi fibili ifinkukuma ifikesa. ¹³ Umungeli walenga mutanda alishishe penga lyakwe, naumfwile ishiwi lilefuma mwisengo lya cipailo ca goldele lilepelwa kucinso cakwa lesa. ¹⁴ Neshiwi lyalandilwe kumungeli wamutanda uwakwete ipenga, ''kakuleeni abangeli bane abakakwa mumumana uukalamba wa yufrate.'' ¹⁵ Na bangeli abapekanishiwe pali ilyanshita, bulya bushiku, ulya mwenshi, na ulya mwaka, bali bakakwilwe kukwipaya fitatu ifya bantunse. ¹⁶ Nempendwa yaba shilika abali pali ba kabalwe bali imyanda 200,000,000. nalyumfwile impendwa yabo. ¹⁷ Ifi efyo namwene bakabalwe mucimonwa candi nabo abaninine: bali nefya kucinga ififuba fyabo ifyakashika, ifyakafifi nefya munkubuyo. Imitwe sha bakabalwe shali ngesha nkalamo, namutunwa twabo mwafumine umulilo, icushi na kafifi. ¹⁸ Kuli ififinkunka fitatu eko baipaile fitatu ifya bantunse : umulilo, icunshi, nemfifi kulyafumine mutunwa twabo. ¹⁹ Pantu amaka yabakabalwe yali mutunwa twabo nakumicila yabo pantu imicila yabo yalinge nsoka, yakwe imitwe iyo bacenenako abantu. ²⁰ Abashala abantunse, abo abatabaipeye kuli ififinkunka, tabalapile kumembu bacicile, kukuleka ukupepa ifiwa na utulubi twa golde, silfere, ilibwe, nafimuci-ifintu ifiteti fimone, ukumfwa, nangula ukwenda. ²¹ Nomba tabalilapila kufyamisoka fyabo, kubuloshi bwabo, bunsolola bwabo, nangula kufya bung'o fyabo.