¹ Itete lyapelwe kuli nebo kukubomfya ngenkonto yakupiminako. Naebelwe ati, "Ima nokupima itempele lyakwa Lesa necipailo, nabonse abapepamo. ² Nomba wipima ulubansa lwetempele, ngefyo fyapelwe kubena fyalo. Bakanyantaula umusumba wamushilo pamwenshi amakumi yane naibili. ³ Nkapela bakambone bandi amaka yakusesema panshiku 1,260, abafwikwa amasaka." ⁴ Aba bakambone fimuti fyamiolifi fibili nafibili ifyakubikapo ututolitoli ifyaiminina kuli Shikulu mucalo. ⁵ Ngacakuti umo asalapo ukubacena, umulilo wafuma mukanwa kabo nokonaula abalwani babo. ⁶ Aba bakambone nabakwata amaka yakwisala ulwelele pakweba ati takuli imfula ukuloka munshita balesesema. Balikwata amaka yakusangula amenshi umulopa nokulenga icikuko mucalo ilyo lyonse balefwaya. ⁷ Ilyo bakapwisha bukambone, iciswango icikafuma kucilindi icabula impela cikemya inkondo pali bena. Akabacimfya nokubepaya. ⁸ Nemibili shabo shikalala mumbali yamusumba uukulu (Icileiminina ukwebati Sodumu na Ingupito) uko Shikulu wabo atanikilwe. ⁹ Panshiku shitatu napakati bamo ukufuma mubantu abali bonse, umutundu, nolulimi, nenko, bakalolesha imibili shabo. Tabakapelwe nsambu ishakushikwa mumanda. ¹⁰ Nabo abaikala mucalo bakomfwa bwino pali bena nokusefya. Bakaitumina nefyabupe umo naumo pamulandu wakwebo kuti babili bakasesema nabaikala pa calo. ¹¹ Nomba panuma yanshiku shitatu napakati ukupepa kwamweo ukufuma kuli Lesa kukaba muli bena, kabili bakeminina namolu yabo. Nomwenso ukulu ukapona kuli abo bonse ababamona. ¹² Nomba bakomfwa ishiwi likulu ukufuma mumulu nokulanda kuli bena, "Iseni kuno!" Nomba bakaya mumulu mumakumbi, lilya abalwani babo balebalolesha. ¹³ Pali iyinshita mukapona icinkukuma, neciputulwa camusumba cikawa, amakana cinelubali bakepaiwa kucinkukuma, nabakapusuka bakashinkisha nakupela ubukata kuli Lesa umwine wamulu. ¹⁴ Ubulwi bwacibili nabupita. Lolesha! ubulwi bwacitatu ubuleisa ililine. ¹⁵ Elyo abangeli cine lubali balishishe umutolilo, neshiwi likalamba lyalandile mumumulu nokulanda ati, "ubufumu bwamucalo nabusanguka ubufumu bwakwashikulu wesu na Klisitu. Akataka umuyayaya nomuyayaya." ¹⁶ Nabakulu abali amakumi yabili na cine, abaikala pacipuna cabufumu muceni cakwa Lesa, nokuwa ubunkupeme nokushinshimuna Lesa. ¹⁷ Balandile, "Tupela ukutasha kuli iwe, Shikulu Lesa wamaka yonse, umo uli nowaliko, pamulandu walisenda amaka yobe nokwamba ukuteka. ¹⁸ Inkulo shalikalipe lelo ubunonshi nabwisa. Inshita na iisa kubafwa kukupingulwa naimwe ukulambula umubomfi bobe bakasesema, nabonse abasumina, nabonse abatina shina lyenu, nabonse abashakwete. Inshita naisa kuli mwebo iyakonaula abo bonse abaleonaula icalo." ¹⁹ Netempele lyakwa Lesa ilyaba mumulu lyaliswike necipao cacipangano calimoneke mulyamwine mwitempele. Kwali nokumyansha kwatulumba, nokubulukuta, nokupangala, nokupona, kwacinkukuma, nokupona kwamabwe.