¹ Panuma aya ifi fintu Yesu aendele ukuya mu Galile, ico ena talefwaya ukuya mu Yudeya pantu aba Yuda balefwa ukumwipaya. ² Nomba ukusefya kwaba Yuda ukwansaka kwali mupepi. ³ Eico bamunyina balandile kuli ena, "sheni ino ncende no kuya kuYudeya, ekutila abasambi bobe nabo bamone imilimo yobe iyo uleci. ⁴ Takwaba nangu umo ucita ifintu mubunfisolo pakuti eshishibikwe. Ngacakuti wacita ifi fintu, ilange wewine kucalo. ⁵ Nelyo bamunyina tabasumine muli ena. ⁶ Yesu ena alandile kuli bena, "Nebo inshita tailaisa, nomba akashita kenu mwebo nakapekanishiwa. ⁷ Elyo icalo tekuti cipate mwebo, nomba kuti capata nebo pantu nebo pela bukambone palwa cena nemilimo yaciko iyabipa. ⁸ Imwe pilukeni muye kumalila; nebo nshayeko kuli ayo malila pantu inshita yandi tailafikia. ⁹ Panuma ilyo alandile ifi fintu kuli bena, aikele kuli Galili. ¹⁰ Nomba inshita bamunyina baile ku malila, elyo na ena wine aileko, tepa cintu bwingi lelo mukufisama. ¹¹ Naba Yuda balelolesha pali ena pamutebeto nakulandi ati, "Alikwisa" ¹² Kulya ekwali ukulanshanya ukukalamba mumabumba pali ena. Bambi balandile, "Muntu umusuma," Bambi balandile , "Iyo aleonaula ibumba." ¹³ Eico takwali nangu umo uwalelanda apabuta pali ena pakutina aba Yuda. ¹⁴ Nomba ilyo amalila bwangu bwangu yafikile pakati kanshiku kulya, Yesu aile mucilonganino atendeke nokufunda icebo cakwa Lesa. ¹⁵ Elyo aba Yuda bapapishe, nokulanda , "Ngo uyu muntu aishiba shani ifi fintu? Pantu tasambilila." ¹⁶ Yesu alibaswike nokulanda, "Ukufundusha kwandi te kwandi, lelo kwauyo uwantumine. ¹⁷ Na onse uwafwaya ukucita ubufwayo bwakwe, akeshiba palwa kufunda kwakwe, nangu ngakwafuma kuli Lesa, nangu nanda ifyapalwandi. ¹⁸ Uyo onse uulanda ifyafuma mumwine aifwaila ubucindami bwakwe, nomba uyo onse uufwaya ubucindami bwauyo uwantumine, uyo muntu wacishinka, eico tamwaba icabipa muli ena. ¹⁹ Bushe Moses tamipele ifunde? Lelo tapali nangu umo pali mwebo uusunga amafunde. Bushe cinshi mulefwaila ukwipaya nebo? ²⁰ Elyo ibumba lya yaswike, "ulingulu. Nani alefwaya ukukwipaya? ²¹ Yesu ayaswike nokulanda kuli bena, "Nacitile umulimo umo, naimwe mwapapile pafyo wali. ²² Mose apeele mwebo ukusembulula (te kutila ici cafuma kuli Mose, nomba cafuma kufikolwe), napesabata pene musembulula umuntu. ²³ Ngo muntu apokelela ukusembululwa pesabata mutila ifunde lyakwa Mose talitobeke, ni cinshi mwebo mukalipila nebo ico nganapanga umuntu apwililika umutuntulu umumi pasabata? ²⁴ Mwila pingula ukulingana nemimonekele yakwe, nomba mupingulefye bwinobwino." ²⁵ Bamo pabafumine ku Yelusalemu balandile, "Bushe te uyu balefwaya ukwipaya? ²⁶ Mona, alanda pambilibili, nabo tabalandile cintu kuli ena. Teti cibefyo bakatungulula ukwishiba sana ukuti uyu ni klisitu, kuti caba? Nomba natwishiba uko ena afuma. ²⁷ Nomba ilyo klisitu akesa, takuli nangu umo ukeshiba uko afuma." ²⁸ Nelyo Yesu apundile mwitempele, nokufunda elyo nokulanda, "Mwebo bonse namwishiba nebo nokwishiba uko nafuma. Nebo nshaishile nemwine, nomba ena uwantuma ine wacishinka, kabili tamwamwishiba. ²⁹ Nali mwishiba pantu nafuma kuli ena kabili ewatuma ine. ³⁰ Baliesha ukwikata ena, nomba takwali nagu umo uwabikile ukuboko pali ena pakuti inshita yakwe yali tailafika.Nomba abengi mucintu bwingi basumine muli ena, nabalya balandile, ³¹ "Ilyo Yesu akafika, akacita ifingi ifishibisho ifikacila ifi uyu alecita. ³² Ilyo aba Faliseo baumfwile icintu bwingi cileitepelesha ifintu ifingi pali Yesu, nabashi mapepo naba Faliseo batumine abashilika kukwikata ena. ³³ Yesu nelyo alandile, "Nebo na nomba ndinaimwe munshita iyacepesha, elyo nebo ndeya kuli ena uwatumine. ³⁴ Muli no kufwaya nebo lelo mwebo tamwa kasange. Uko nebo naya mwebo tamwakeseko," ³⁵ Elyo aba Yuda kulya balanshenye abenebeka, nikwi uko uyu mwaume akaya uko ifwe tatwinga mona ena? Bushe akaya kubasalangana muba Griki nokufunda abaGriki. ³⁶ Bushe lishiwinshi alanda? Mukafwaya nebo lelo tamwakambone; uko nkaya, kuti mwaisa mwaiseko? ³⁷ Nomba pa kulekelesha, ubushiku ubukalamba ubwa malila, Yesu aiminine no kupunda, nokubeba, "Ngomuntu aumfwila icilaka, ese kuli nebo nokunwa. ³⁸ Uyo uwasumina muli nebo, ngefyo amalembo yalanda, imimana ya menshi ya mweo ikafunda mwifumo lyakwe." ³⁹ Nomba alandile pali mupashi, abo bonse abasumina muli ena bakapokelela; no mupashi wali taulapelwa ico Yesu ali talacindamikwa. ⁴⁰ Bamo abali mwibumba, ilyo ba umfwile ayo mashiwi, balandile, "cacine ni Kasesema. Bambi balandile, "Uyu ni Klisitu." ⁴¹ Nomba bambi balandile, " bushe kuti cacitika klisitu ukwisa ukufuma ku Galili? ⁴² Bushe amalembo tayalanda ukuti Klisitu akesa ukufuma mubufyashi bwakwa Davidi nokufuma mu Betilehemu, mumushi umo Davidi ali? ⁴³ Ilyo ukulekana kwainine mu mabumba pamulandu wakwe. ⁴⁴ Bamo balefwaya ukwikata ena, nomba takwali nangu umo uwabikile amaboko pali ena. ⁴⁵ Ilyo ababomfi babwelele kuli bashi mapepo bakalamba nabaFaliseo, abalandile kuli bena, "Bushe cinshi tammuuletele ena? ⁴⁶ Elyo ababomfi bayaswike, "Takuli nangu umo uwalandile ngefi." ⁴⁷ Eico abaFaliseo bali baswike, "Bushe namwebo nabamibepa? ⁴⁸ Bushe bamo pali bakateta nangu paba Faliseo balimusumina? ⁴⁹ Nomba cintu bwingi tacaishibe amafunde, balitipilwe." ⁵⁰ Nikodimusi (umo uwa muba Faliseo aishile kuli ena intanshi) alandile kuli bena, ⁵¹ "Bushe amafunde yesu yapingula umwaume ilyo tabalaumfwa ukufuma kuli ena nokwishiba ifyo ena acita?" ⁵² Balyaswike nokulanda kuli ena, "Bushe naiwe wine wafuma ku Galili? Fwailisha nokumona takuli kasesema uwaisa ukufuma mu Galili." ⁵³ Elyo bonse cilaumo aile kwakwe kung'anda.