¹ Panuma yaifi fintu, Yesu aile kuncende imbi iya cimana cikulu ica Galili, icobeta limbi ati icimana cikula ica Tibelya. ² Icintu bwingi calemukonka kumulandu wafishibilo ifyo balemona alepanga pali abo abalwele. ³ Yesu apiliwike ulupili kabili aikele panshi na basambi bakwe. ⁴ (Nomba ukusefya kwa cakucilila, ukwa ba yuda, kwali mupepi.) ⁵ Ilyo Yesu ainwine amenso nokumona icintu cilimukwisa, alandile kuli Filipo, "Nikwisa walashita umukate pakuti aba bantu balye?" ⁶ (Nomba Yesu alandile ifi pakwesha Filipo pantu ena umwine alishibe ifyo alino kupanga.) ⁷ Filipo alimwaswike, "Imikate ya kushikta nama Danali imyanda ibili teti ikumane ukuti umo umo akwateko nangula kanono." ⁸ Umo uwa mubasambi, Andeleya, wabo wakwa Simoni Petulo, alandile kuli Yesu, ⁹ "Kuli umulumendo kuno uukwete imikate isano iya bari nesabi libili, nomba nifinshi utu twine twingapanga pa bantu bafula ifi?" ¹⁰ Yesu alandile, " Lekeni abantu bekale panshi." Nomba kwali ifyani ifingi pancende palya. Eico abaume baikele panshi, balipo impendwa amakana yasano. ¹¹ Elo Yesu abulile imikate na panuma ya kutasha, apele abao abaikele. Apangile fimo fine ne sabi, ukulingana nefyo balefwaya. ¹² Ilyo abantu baikwite, alandile ku basamba bakwe, "Kolonganyeni ubufungau bwashala, pakutila talufishe nnagu kamo." ¹³ Elo ba kolonganike ubufungau bwa mikate nokwisusha imitonga ikumi limo na fibili ukufuma kumikate isano iya yabali ku bantu bonse abalile. ¹⁴ Nomba, ilyo abantu bamwene icishibilo apangile, ba landile, "Uyu cacine ni kasesema uuleisa mu calo." ¹⁵ Ilyo Yesu aishibe ati bali mu pepi nokwisa mwikata kumaka pakuti pamupange imfumu, aile peka ku lupili eka. ¹⁶ Ilyo cali icungulo, abasambi bakwe batentemukile ku cimana icikulu. ¹⁷ Bapilwike mu bwato , balaya ku Kakapenamu. Kwali fitile pali ilya nshita, na Yesu ali talaisa kuli bena. ¹⁸ Icimwela icikulu cale pukuma, ne cimana icikulu catampile ukufundauka. ¹⁹ Ilyo baobeleko inkafi amakumi yabili na yasano nangula amakumi ya tatatu, ba mwene Yesu aleenda papa cimana, no kulaisa mupepi no bwato, kabili balyumfwile umwenso. ²⁰ Nomba alandile kuli bena, "Ninebo! Mwitina." ²¹ Elyo balekabila ukumupokelea mu bwato, na palyapene ubwato bwalifikile ku mulundu uko baleya. ²² Ubushiku bwa konkelepo, icintu bwingi icali naciminina bushilya bwa cimana icikulu camwene ukuti takuli ubwato bumbi kanofye bumo, kabili na Yesu tanininemo na basambi bakwe lelo abasambi bakwe bali nabaya beka. ²³ Nangula cali ifi, kwali amato yambi ayafumine ku Tibelya mupepi naku ncende uko balile imikate panuma Shikulu yapela ukutasha. ²⁴ Ilyo icintu bwingi camwene ati Yesu na basambi bena tabaliko, bena bene bapilwike mu bwato no ku kuya Kapenamu ukulafwaya Yesu. ²⁵ Panuma ya kumusanga bushilya bwa cinama cikalamba, balandi kuli ena, "Rabbi, nililali mwaishile kuno?" ²⁶ Yesu abaswike, nokulanda ifi, "Cine, cine mulemfwaya, tepamulandu wa fishibililo, lelo nipamulandu wa mikate mwalile no kwikuta. ²⁷ Mwilabombela icakulya iconaika, nomba mulebombala icakulya icikalilia ku bumi bwa kutwalilila umwana wa Muntu akamipela , pantu Lesa Tata alibikapo icikakatikilo pali nebo. ^{28 29} Elyo balandile kuli ena, "Nifinshi twingacita, pakuti tubombe incito yakwa Lesa?" Yesu abaswike no kulanda kuli bena, "Iyi encito yakwa Lesa: Ukuti mwasumina muli uyo atuma," ³⁰ Elo balandile kuli ena, " Nicinshi icishibilo kanshi wingapanga, pakuti tumone no kusumina? Nifinshi walapanga? ³¹ Ifikolwe fyesu fyalile Mana muciswebebe, ngefyo calembwa, 'Abapele imikate ya kulya ukufuma kumulu."' ³² Elo Yesu abaswike, " Cine, cine, Te Mose uwamipele imikate iyalefumine mu mulu, lelo ni Tata aba mumulu ewalepela umukate wa cine ukufuma ku mulu. ³³ Pantu umukate wakwa Lesa ni ulya uwisa ukufuma mu mulu no kupela ubumi kuba mu calo. ³⁴ Elo alandile kuli ena. " Mukwai, muletupela uyu mukate lyonse." ³⁵ Yesu alandile kuli bena, "Nine mukate wa bumi; uyo uwisa kuli ine takomfwe insala , no wasumina muli ine takabale omfwa icilaka. ³⁶ Lelo nimyeba icacine na mumona nomba tamulesumina. ³⁷ Bonse abo Tata ampela bakesa kuli nebo, noyo onse uwisa kuli nebo nshakamupose panse. ³⁸ Pantu naisa ukufuma mumulu mukukana panga ubufwayo bwandi, nomba bufwayo bwa uyo uwantumine. ³⁹ Ubu ebufwayo bwa uyo uwantumine, ubwa kuti nikalufyapo nangu umo pali abo bonse ampele, nomba bakabushiwa pa bushiku bwakulekesha. ⁴⁰ Pantu ubu ebufwayo bwakwa Tata, ubwa kuti onse uwamona umwana noku musumina akakwata ubumi bwa kutwalilila noku mubusha pa bushiku bwa kulekelesha. ^{41 42} Elo aba Yuda batampile ukung'wintana pali ena pantu alandile ati, "Ninebo mukate uwaisa ukufuma ku mulu." Balandile, "Bushe uyu te Yesu umwana umwaume wakwa Yusufu, uyo wishi nanyina twaishiba? Nga nomba ni cinshi alalandila, 'Naisa ukufuma ku mulu'?" ⁴³ Yesu alyaswike no kulanda kuli bena, "Lekeni ukung'wintana pakati kenu. ⁴⁴ Takuli nangu umo uwingesa kuli nebo kano Tata uwantuma amukula, kabili nkamubusha pa bushiku bwa kulekelesha. ⁴⁵ Calilembwa muli ba kasesema, 'Bonse bakafundwa na Lesa.' Onse uwaumfwa noku samabilila kuli Tata esa kuli nebo. ⁴⁶ Te onse uwamaona Tata, kanofye uwafuma kuli Lesa-ena alimona Tata. ⁴⁷ Cine, cine onse uwasumina nakwata umweo uwa kutwalilila. ⁴⁸ Nine mukate wamweo. ⁴⁹ Ifikolwe fyenu fyalile Mana muciswebebe, kabili fyalifwile. ⁵⁰ Uyo emukate uwakoka ukufuma ku mulu, pakuti umuntu nga alyako ekafwa. ⁵¹ Ndi mukate uupela ubumi uyo uwakoka ukufuma kumulu, Nga onse alyako kuli uyu mukate akekalilila penape. Umukate untu nkapela mubili wandi kubumi bwa bapano isonde. ⁵² Aba Yuda balifulilwe no kutampa ukulatalikana abane beka, balenanda " Uyu muntu kuti atupela shani mubilli yakwe ukuti tulye? Elyo ⁵³ Yesu alandile kuli bena, "Cine, cine ngatamulile umubili wa Mwana wa Muntu no kunwa umulopa wakwe, tamwakabe umweo muli mwebo. ⁵⁴ Uyo onse uulya umubili wandi nokunwa umulopa wandi alikwata umweo wakutwalilila, kabili nkamubusha pa bushiku bwaku lekelesha. ⁵⁵ Pantu umubili wandi cakulya cacine, no mupopa cakunwa cacine. ⁵⁶ Uyo uulya umubili wandi no kunwa umulopa wandi akekalilila muli nebo, naine muli ena. ⁵⁷ Ngafilya Tata uwamweo autumine, elo njikala uwa mweo ku mulandu wakwa Tata, efyo noundya nao wine, akaba no bumi pamulandu na nebo. ⁵⁸ Uyu emukate uwakoka ukufuma kumulu, teulya ifikolwe fwenu fyalile no kufwa. Uyo uulya uyu mukate akekalila umuyayaya. ⁵⁹ Nomba Yesu alandile ifi fintu muma Sinagogo ilyo alefundisha mu Kapenamu. ⁶⁰ Elyo abasambi bakwe abengi abaumfwileko balandile, "Uku kufunda kwayafya; Nani enga kumfwa?" ⁶¹ Yesu, alishibe mu mutima wakwe ukuti abafundwa bakwe baleing'wingw'isha pali ici, alandile kuli bena, "Bushe ici camikalipa?'' ⁶² Ngacakuti mwamwene umwana wa Muntu aleipiluka ukuya uko ali kale? ⁶³ Umupashi eulenga ukuba no mweo; umubili tawafwa. Amashiwi ayo nalanda kuli mwebo Mupashi kabili ya bumi. ⁶⁴ Lelo pali bamo palimwebo abashilesumina." Pantu Yesu alishibe pakutampa abo abashakasumine noyo uukamufutuka. ⁶⁵ Alandile, " Mulandu waici. Nalandile kuli mwebo ukweba kuti takuli nangu umo uwingesa kuli nebo kanofye Tata amusuminisha." ⁶⁶ Pamulandu waici, abengi pa basambi bakwe balile kabili tabakonkenyepo ukwenda nankwe. ⁶⁷ Elo Yesu alandile kubekumi na babili, " Tamulefwaya ukuya namwebo, te ifyo fine?" ⁶⁸ Simon Petulo amwaswike, " Shikulu, nikuli nani twingaya? Ukwete amashiwi ya Mweo uwakutwalilila, ⁶⁹ kabili natusumina nokwisa ishiba ukuti nimwebo uwamushilo wekafye uwakwa Lesa." ^{70 71} Yesu alandile kuli bena, "Bushe nshamisalile mwe bekumi na babili, na umo pali mwebo ni ciwa?" Nomba alelanda pali Yuda umwana wakwa Simoni Isicalyoti, pantu eumo pa bekumi na babili, uwali no kufutika Yesu