¹ Panuma yaifi kwali ukusefya ukwa ba Yuda, na Yesu aninine ukuya ku Yelusalemu. ² Nomba mu Yelusalemu pamwinshi uwitwa umwishi wamukoko pali icishiba, mucitundu ca Alamaiki citwa ati Betisaida, calikwete insaka mutanda. ³ Icintubwingi icabantu abali nabalwala, nge umpofu, ifilema, nangula abalwele ubulebe. ⁴ "Malaika wakwa Lesa alekoka inshita limo limo mukufundaula amenshi uyo onse uwatolokelamo ulubilo mucilambe alepola kubulwele bonse ubo alwala." ⁵ Umwaume umo alipalyapene uwali nalwala imwaka amakuni yatatu nacine konsekonse. Nelo ⁶ Yesu amumwene ena nalambalala palya, elo aibukishe ati alikokolapo palya, alandile kuli ena, " Bushe ulefwaya ukupola?" ⁷ Umulwele alyaswike ati, "Kafundisha, nshakwatapo uli onse uwakundikisha mu cilambe elo amenshi yafundaika. Lyonse nganaisa, ninshi umbi naiposamo kale pali nebo." ⁸ Yesu alandile kuli ena, "Ima, senda ubutanda, nokwenda." ⁹ Palyapene umwaume alipolele, nokusenda ubulili bwakwe nokwenda. Nomba ubu ubushiku bwali bweSabata. ¹⁰ Elo aba Yuda balandile kuli ena ati nani wakuposha, "Pantu liSabata kabili taufwile ukwimya ubutanda bobe. ¹¹ Alibaswike, "Uyo uwacilenga ine ukupola acilanda kuli nebo ati imya ubutanda nokwenda."' ¹² Balimwipwishe ena, "Ninani uyo umwaume uwacilanda kuli iwe ati, 'Imya ubutanda no kwenda?'' ¹³ Nangu cali ifi uwaundepwe taishibe uwamundepe pantu Yesu ali nafumapo kale mubunfisola, pantu pali icintubwingi pali ilya incende. ¹⁴ Panuma yaifyo, Yesu amusangile mwi Tempele nokulanda kuli ena, "Mona, wapola! wikabembuka napeka, pakuti icabipa cikakutitikila napeka." ¹⁵ Umwaume alile nokuyalanda kuba Yuda ati ni Yesu wacimuposha. ¹⁶ Pamulandu waifi aba Yuda bali mucushishe Yesu, pantu acitile filya fintu pa Sabata. ¹⁷ Yesu alyaswike kuli bena, " Taata alimukubomba neliline, naine, ifyofine, ndimukubomba." ¹⁸ Pamulandu waifi aba Yuda balifwaile ukumwipaya tepamulandufye wakonaula Isabata, lelo napakwita Lesa ati wishi, ukuibika cimocine na Lesa. ¹⁹ Yesu alibaswike bena, " Mucishinka, umucishina, umwana tapali ifyo engacita umwine , kamofye ifyo amona kuli Wishi acita, pantu ico conse Wishi alecita, momwana ifyofine efyo acita. ²⁰ Pantu Wishi alitemwa umwana nokumulanga fyonse ifyonse acita umwine, kabili akamulanga ifintu ifikulu ukucila napali ifi icakuti mukapapa. ²¹ Pantu Wishi alemya abafwa no kubapela umweo, ifyo fine nomwana kuti apela umweo kuuli onse. ²² Wishi tapingula nangu umo, nomba apela ubupingushi bonse kumwana ²³ pakuti umuntu acindike umwana ngefyo acindika Wishi. Uyo ushaishiba umwana, taishiba Wishi uwamutumine kuli bena. ²⁴ Mucishika, mucishinka, uyo uwaumfwa amashiwi nokusumina mu wantuma aba no mweo wamuyayaya nokukana pingulwa, nomba afuma kumfwa nokuba nomweo. ²⁵ Mucishinka, mucishinka, ndimukumyeba inshita ili mukwisa, naifika, elo abafwa bakomfwa ishiwi lya mwana wakwa Lesa, na bonse abakomfwa bakekala. ²⁶ Ngefyo Tata akwata umweo mumwine, efyo apela nakumwana pakuti akwate umweo mumwine, ²⁷ na Wishi apela amaka umwana aya bupingushi pantu Mwana wa Muntu. ²⁸ Mwipapuka pali ici, kuli no kuba inshita iyo umuntu uuli mumanda akomfwa ishiwi lyakwe ²⁹ nokufuma: abo abacita bwino ku kubuka kwabafwa ukwamweo, nabo abacita ububufi kukubuka kubafwa kubupingushi. ³⁰ Tapali ifyo ningacita ine nemwine. Ilyo ndimukumfwa, ninshi ndimukupingula, no bupingishi bwandi bwali pwililika pamulandu nshifwaya ifyapalwandi lelo bufwayo bwawantuma. ³¹ Ngandepela ubunte bwandi nebo, ninshi ubunte bwandi bwabufi. Ngamfwile ukupela ubuntu bwandi, ubunte bwandi kuti bwaba ubwabufi. ³² Paliba umo upela ubunte pali nebo , nanebo nalishiba ati ubunte apela pali bwacishinka. ³³ Mwatumine Yowane, nao apele ubunte. ³⁴ Nomba ubunte mpokelela tabufuma kumuntu. Ndimukumyeba ifi fintu pakuti mupusuke. ³⁵ Yowane ali Litila ilyaleyaka no kubeka, nomba mwalefwayafye ukusekelela mulubuto lwakwe mu inshita iyinono. ³⁶ Ubunte ubo nkwete bukulu ukucila Yowane, umulimo Tata ampela ukuti nkapwishe, muli uukulu uyo mbomba, ubunte pali nebo ukuti Tata ewantuma. ³⁷ Tata umwine uwantuma akapela ubunte pali nebo, Tamwaumfwapo ishiwi lyakwe nangula kumona umubili wakwe. ³⁸ Tamwakwata amashiwi ayaikalila muli mwebne, pantu tamwasumina muli uyo uwantuma. ³⁹ Mulafwaya amalembo pantu mutontonkanya ati nimumalembo mwaba umweo wamuyayaya, naya malembo yapela ubunte bwandi, ⁴⁰ nokukana fwaya ukwisa kuli nebo pakuti mukwate umweo wamuyayaya. ⁴¹ Nshipokelela lulumbi ukufuma ku muntu, ⁴² nomba nalishiba ati muli mwebo tamwata icitemwiko cakwa Lesa. ⁴³ Naisa mwishina lyakwa Tata, nomba tamwampokelela. Lelo umbi ngaisa mwishina lyakwe, kuti mwamupokela. ⁴⁴ Kuti mwasumina shani, uyo uusumina ubukata ukufuma kumunankwe nokukanafwaya ubukata ukufuma kuli Lesa umompo? ⁴⁵ Witontonkanya ati nebo nkakufyenga pacinso cakwata Tata. Lelo uumifyenga ni Mose, uo mwakwatamo isubilo. ⁴⁶ Ngacakuti mwasumine Mose, nanebo ngamwalinsumina, pantu alembele pali nebo. ⁴⁷ Ngamwakana ukusumina ukulemba kwakwe, bushe kuti mwasumina amashiwi wandi?"