¹ Elo Yesu aishibe ukuti aba Faliseyo nabomfwa ukuti alepanga umulimo wa kwibisha asambi ukucila Yoan. ² (Nangula cibe Yesu umwine taleibisha, lelo basambi bakwe), ³ Alishile Judah nokubwelelamo peka ku Galileya. ⁴ Lelo tacali ica mwangukila ukuya pita mu Samaria, ⁵ Eco afikile ku musumba wa Samaria, uwitwa Sychar, mupepi nakuka putulwa ka calo ako Takobo ashile apela umwana mwaume wakwa Yosefe. ⁶ Icilambe cakwa Yakobo cali palwa pene. Yesu alyumfwile ukunaka ukwa kufuma ku lwendo lwakwe, eico aikele mupepi necilambe. akashita kali nakalimo inkoloko mutanda. ⁷ Namayo umwikashi alishile mukutapa amenshi, na Yesu alandile kuli ena, ''Mpeniko amenshi ykunya.'' ⁸ Elo abasambi bakwe libe nabaya mu musumba mukushita ifilyo.'' ⁹ Elo namayo umwikashi wamu Samaria alandile ati kuli ena, kuti caba shani weebo, uli Muyudah, ulimukunomba nebo, nena mayo umwina Samaria, yamo aya kunwa?'' Pantu aba Yudah tantumfwana nnabena Samaria. ¹⁰ Yesu ali mwaswike nokutila nebo, ''nga wingeluka ica bupe bwa kwa Lesa, nangula wingeshiba untu ulelanda kuli webo, mpelako aya kunwa,' nga kuti wamulomba, nga kuti akupelako amenshi yabumi; ¹¹ Na namayo alilandile kuli ena, ''shikulu, mwebo tamukwetepo nangu icitapo necilambe calilepa. nikwi uko mwebo mwakwatila amenshi yabumi? ¹² Mwebo tamucililepo, mwebo, ukucila umufyashi wesu Yakobo, uyo uwatupela icilambe nokula nwamo fwebene, ngefyo fine abana abaume pamo pene nefitekwa?'' ¹³ Yesu abweseshepo icasuko, bonse abanwako aya amenshi ayalefuma muli ici cilambe bakomfwa peka icilaka, ¹⁴ lelo uyo onse uunwako amenshi aya kufuma kuli nebo aya ndepela takabe necilaka napeka. Pakuti, aya menshi yantu nebo ndepela yali nokuba akamfukumfuku ka menshi muli nebo, nikamulonga akapongoloka kubumi ubwabula impela.'' ¹⁵ Na namayo alandile kuli ena, ''shikulu, mpeniko aya menshi pakukuti ninkalaumfwa icilaka pakuti nikalaisa llibili libili kukutapa amenshi. ¹⁶ Yesu alandile kuli ena, ''kabiye, kamwite umulume obe, nabwana mubwele. ¹⁷ Na namayo alyaswike nokulanda kuli ena, ''Nshakwata umulume wandi, ''Walanda bwino, 'Ati nshakwata umulume; ¹⁸ Pantu wali nabalume basano, napeka, uyo muli nao temulume. Pantu ngefyo walanda ca cishinka.'' ¹⁹ Na namayo alandile ati kuli ena, ''Shikulu, namona ukutila nimwebo kasesema. ²⁰ Abafyashi besu bsle pepa muli ishimpili, lelo mwebo mwalanda ati Jerusalemu ecifulo ukofye abantu bafwile ukulapepa.'' ²¹ Yesu alandile kuli ena, ''Sumina muli nebo, kuti akashita kali mukwisa uko mwebo tamwakapepele tata nakalimo palupili mu Jerusalemu. ²² Mwebo mupepa ico tamwaishiba. Ifwe tupepa ico twaishiba, pakuti ukupusushiwa kwaishile ukupitila mu ba Yudah. ²³ Nangu cibe ifyo, akashita kali mukwisa, nanomba kali pano, elo baka pepa wacishinka bakapepepa tata mu mupashi namucinshinka, aba abamusango uyu ebalya tata afwaya saana elo alemupepa. ²⁴ Lesa ni mupashi, nabantu aba mupepa ena bafwile ukula mupepepa mu mupashi namu cishinka.'' ²⁵ Na namayo alandile kuli ena at, ndi mukwiluka ukuti Messiah ali mukwisa (uyo untu beta Kristu). Elo ena akese, ali nokulondolola fyonse kuli fwebo.'' ²⁶ Yesu alandile kuli ena, Enebo wine, umuntu untu bale laandapo. ²⁷ Pali kalya kene kashita abasambi bakwe bali bwele. Nomba nabo bata mpilefye ukupapa nga nicinshi ena alelandila naena uyu na mayo, lelo tapali nangu umuntu uwalandile, ati ''Nicinshi uli mukufwaya ukulanda nakwe?'' ²⁸ na namayo ashile icipe cakwe ica menshi, abwekelemo ku musumba, nokulanda ku bantu, ²⁹ ''Iseni mumone umuntu uulandile pali fyonse ifyo na citile. Nakalimo kuti aba Kristu, kuti caba?'' ³⁰ Bashile umusumba nokwisa kuli ena. ³¹ Mukashita kalya kene, abasambi baleisosha pali ena, ukulanda ati, ''Rabbi, lyeni.'' ³² Lelo ena atile kuli bena ''Ninkwata ifyo ifyakuti ndyee ifyo mwebo tamwishibe,'' ³³ Eco abasambi balandile umo nomunakwe, ''Takuli nelyo umo uumuleteleko akantu nangula kamo akakuti engalya, eko bali? ³⁴ Yesu alandile kuli bena,'' Ifilyo fyandi ku cita ubufwayo bwa uyo uwantumine nebo nokupwilikisha umulimo wakwe. ³⁵ Temwebo mwalanda ati, ''Kuli imyeshi ukucila pali nebo peka ubusomboshi bwalaisa'? Nebo ndelanda kuli mwebo, inuneni mumone peka moneni amabala pantu nayapya nokulinga ubusomboshi! ³⁶ Uyo uulesombola apokelela amalipilo napeka akolonganya ifisabo fya bwikalo ubwabula impela, pakutila uyo uulebyala noyo ulesombola bonse basansamukila pamo. ³⁷ Muli nebo imilandile; umo abyala, na umbi asombola,'' Cacishinka. ³⁸ Natuma mwebo ukuti musombole pafyo mwebo mushabombele. Bambi bali bomba, namwebo namwingila mu milimo yobe.'' ³⁹ Abena Samaria abengi abamuli uyo musumba balisumine ena pamulandufye wakumfwa akasebo kakwa na mayo uwapele bukambone busuma,'' Ati alandilefye fyonse ifyo nacita.'' ⁴⁰ Eco ilyo abena Samaria baishile kuli ena, bali nobukabilo ubwa kukabila ena ekale nabena, lelo aikelefye inshiku shibili. ⁴¹ Lelo bambi icintu bwingi basuminefye pamulandu wakumfwa icebo cakwe. ⁴² Balandile kuli na mayo, ''Fwebo tatusuminine pamulandu wa kumfwakufyo wa cilanda, lelo fwebo pafyo fye fwebene twa yumfwila, nafwebo twaishiba ukuti uyu muntu ca cine nikapususha wa calo conse.'' ⁴³ Pamulandu wa isho nshiku, ali fumuneko kulya pamulandu wa Galileya. ⁴⁴ Pantu Yesu fye umwine alilandile atile ati kasesema tapelwa mu cinshi ku calo cabo. ⁴⁵ Elo afikile ku Galileya, Abena Galileya bali musekele. Eco bali balimwenefye fyonse ifintu ifyo alecita mu Jerusalemu pa cakucilila, ico bonse nabonse balileko kulya ukwali ica kucilila. ⁴⁶ Peka alishile napeka ku kana wa mu Galileya, iko apangile amenshi ya sanguka umwangashi. uko kwali umo uwali umukulu wa mutebeto untu umwana wakwe umwaume ali nalwala. ⁴⁷ Eico ena pakumfwa ukuti Yesa naisa ukufuma ku Galileya, ile kuli Yesu nokumwipusha ukutila akooke nokundapaumwana wakwe umwaume, ico ali pepi nokufwa. ⁴⁸ Yesu epa kulanda kuli ena, ''Nakalimofye wa mona ifilagililo nefi papwa, teti musumine.'' ⁴⁹ Na shimucindikwa alandile kuli ena, ''Shikulu, iseni kookeni ku mwana wandi alafwa. ⁵⁰ Yesu alandile kuli ena, ''kabiye umwana obe ali nobumi.'' uyu muntu alisumine amashiwi Yesu alandile kuli ena, eico alile nokuya. ⁵¹ Elo alekookela pesamba, akumene nabancito bakwe, nokulanda ati, umwana obe nalindafye bwino. ⁵² Eico abepwishe akashita umwana atampile ukumfwako bwino. Bali mwaswike, nimailo yafumineko kakulenga cine lubali elo impepo ya mulekeleko.'' ⁵³ Nawishi alibukishe ati, nikalya kene kashita Yesu alandile kuli ena ati,.'' umwana obe ali nobumi.'' Eico umwine pamo nabonse aba mu ng'anga yakwe balisumine. ⁵⁴ Ici ecilangililo calenga bubili ifyo Yesu acitile elo afumine ku Judeya uku kugalileya.