¹ Nomba kwali umu Faliseo uwaleitwa ishina lya Nikodimasi, intungulushi yaba Yuda. ² Uyu nuntu aishile kuli Yesu panshita shabushiku nokulanda kuli ena, "Rabi, natwishiba ukuti uli kafundisha uwaishile ukufuma kuli Lesa, takuli nangu umo uwingapanga ifilangilio ifyo uleshita kano alina Lesa." ³ Yesu abweseshe, "Mucishinka necishinka, ngaumo tafyelwe napeka, teti amone ubufumu bwakwa Lesa." ⁴ Nikodimasi alandile kuli ena ati, " Umuntu kuti afyalwa shani libili ilyo ninshi mukulu? Teti napeka engile munda yakwa nyina umukulu nokufyalwa, kuti afyalwa?" ⁵ Yesu abweseshe ubwasuko, "Mucishinka necishinka, kano umo afyalilwa mu menshi namumupashi, ngateifyo teti engengila namu bufumu bwakwa Lesa. ⁶ Naconse icifyalwa kumubili camubili, naconse icifyalwa kumupashi camupashi. ⁷ Cikupapusha ukuti nalanda kuli webo, 'Ufwile ukufyalwa napeka.' ⁸ Umwela upupa ukuli konse kuntu watemwa; mulomfwa iciunda cauko, nomba tamwishiba uko wafuma nangula uko uleya. efili uli onse uwafyalilwa ku mupashi." ⁹ Nikodimasi abweseshe nokumweba ukuti, "kuti fyabako shani ifi fintu?" ¹⁰ Yesu ayaswike nokumweba, "Niwebo kafundisha waba Isileli, wafilwa ukumfwikisha ifi fintu? ¹¹ Mucine, necine, ndekweba, tulanda ifintu twishibe, nefyo twinga pela bukambone pafyo twamonapo. Ilyo ninshi tamulesumina bukambone bwesu. ¹² Ngacakuti nakweba ifintu fyapano pacalo wafilwa ukusumina, kuti wasumina shani nganakweba webo ifintu fyamumulu? ¹³ Takwaba nangu umo uwanininepo ukya kumulu kanofye uyo uwakokele ukufuma kumulu-Umwana wa Muntu. ¹⁴ Ngafilya Mose asumbwile icisoka muciswebebe, efyo no Mwana wa Muntu akasumbulwa, ¹⁵ ukuti uli onse ukasumina muli ena akakwate umweo wamuyayaya. ¹⁶ Pantu Lesa atemenwe pano calo, ukuti apele Umwana wakwe fye uwafyelwe umofye mpo, ukuti onse uwasumina muli ena takonaike lelo akaba nomweo wamuyayaya. ¹⁷ Pantu Lesa tatumine Umwana mu calo no kwisasusha, nomba aishile ukwisapususha abamucalo ukupitila muli ena. ¹⁸ Onse uwasumina muli ena tasushiwa, lelo ushamushumina alisekwa kale pantu tasumina mwishina ilya Mwana wakwa Lesa umofye. ¹⁹ Uyu emulandu wabupingushi: Ulubuto nalwisa mu calo, nabaume batemwapo infinfi kucila ulubuto pantu imititile yabo yabubifi. ²⁰ Pantu onse uucita ifyabubifi alipata ulubuto, nakulubuto teti eseko, pakuti ificitwafyakwe filasebanishiwa. ²¹ Nangu cibe ifi, onse uucita icishinka esa kulubuto pakuti imilimo yakwe imoneka apabuta ukuti naibombelwa muli Lesa," ²² Panuma yaifi, Yesu nabasambi bakwe balile mumpanga ya Yudeya. Nakulya ailepwako inshita nabo nokukwibishiwa. ²³ Nomba Yowane nao aleibisha mu calo ca Aenoni mupepi naku Salimu pantu kulya ekwali amenshi ayengi sana. Nabantu baleya kuli ena baleya mukwibishiwa, ²⁴ elo Yowane ninshi tabalamuposa mu cifungo. ²⁵ Elyo kulya kwaishileima ifikansa pakati kabasambi bakwa Yowane nomu Yuda palwa lubatisho. ²⁶ Baile kuli Yowane nokulanda kuli ena, " Rabi, ulyamwaciba nao kulya bushilya bwa Mumana wa Yodani, ulya uo mwapelelepo ubunte, moneni , nao alebatisha, nabantu bonse baleya kuli ena. ²⁷ Yowane alyaswike, " Umuntu tekuti apokelele icili conse kano calipelwa kuli ena ukufuma kumulu. ²⁸ Mwebo mwebene kuti mwapela ubunte pafyo nalandile, 'Tenebo Klistu,'' lelo, 'Nebo natumwa kukumutangila.' ²⁹ Nabwinga lyonse wakwa shibwinga. Nomba umunankwe wakwa shibwinga, aiminine no kumumfwa, asekelele sana pakumfwa ishiwi lyakwa shibwinga. Ici, ifi, ecapwishisha ukusangalala kwandi. ³⁰ Nomba afwile ukufushiwa, naine ukucepa. ³¹ Uyo onse uwisa ukufuma pamulu mukulu pali fyonse. Nao uufuma pa calo afuma mu calo nokulanda alanda palwa calo. Uyo uwafuma kumulu acila fyonse. ³² Apela ubunte pafyo amona nokumfwa, lelo tapaba nangula umo uwasumina ubunte bwakwe. ³³ Uyo onse uwapokelela ubunte nokusuminisha ati Lesa wacishinka. ³⁴ Uwo onse uyo Lesa atuma alanda ifyebo fyakwa Lesa. Pantu tapela umupashi kuku pima. ³⁵ Tata atemwa Umwana nokupela fyonse mumaboko yakwe. ³⁶ Uyo onse uwasumina mu Mwana akwata umweo wamuyayaya, nomba uyo onse uwakana ukunakila umwana takamone mweo, lelo icipyu cakwa Lesa icikaponena pali ena."