¹ Awe ilyo bwacele ubwantanshi ubwa mulungu , ilyo kucili akafifi, Maliya Magadelena aile kunshinshi nokumona ilibwe nalisendwa ukufuma pamanda. ² Eico alibutwike nokuya kuli Simoni petro no musambi umbi uo Yesu atemenwe, nokulanda kuli ena, "Umubili wakwa shikulu nabasenda ukufuma kumanda, nafwebo tatwishi uko bamubikele." ³ Elo Petro no musambi baile, nokuyafika ku nshinshi. ⁴ Aba babili belebutukila pamo, no musambi umbi alibutukishe ukucilila Petro nokufika bwangu ku nshinshi. ⁵ Ilyo ainaminemo, amwene insalu nashilambalala palya, nomba taingile mukati. ⁶ Elyo Simoni Petro amukonkele panuma yakwe no kwingila mumanda. Amwene insalu nashilambalala mukati ⁷ pamo necitambala cali ku mutwe wakwe. Tacali pamo nensalu shalamabalele mulya nobma shali nashifungwe ishine sheka. ⁸ Elyo umusambi umbi, uwabalilepo ukufika kumanda, nao aingilemo, amwene nokusumina. ⁹ Pantu bali tabalaishi ilembo lyakwima kwakwe kubafwa. ¹⁰ Eico abasambi balibwelelemo kumayanda yabo peka. ¹¹ Nomba Maliya aiminine kunse yanshinshi alelosha, ilyo alelosha, aile aleingila munshinshi. ¹² Amwene abangeli babili naba fwala ifyakubuta nabekala, umo ekele kumutwe, elyo umbi nao ekele kuntambalilo ukwabikilwe umubili wakwa Yesu. ¹³ Nabo balandile nao, " Wemwanakashi, nicinshi ululelosesha?" Alandile kuli bena, "Pantu nabasenda Shikulu, elo nshishibe uko bamutwele." ¹⁴ Ilyo alandile ifi, alipilibwike no kumona Yesu naiminiba kulya, nomba taishibe ukuti ni Yesu. ¹⁵ Yesu aladile kuli ena, "Wemayo." Kanshi cinshi ulelosesha? Nani ulimukufwaya?" Ena muli kampingu alemona kwati mulimi, efyo alandile kuli ena, "Kafundisha, ngana mumusende, njebeni uko mumubikile, naine nje musende." ¹⁶ Yesu alilandile kuli ena, "Maliya." Apilibwike, no kulanda kuli ena mu Cilamaiki, "Rabi" ( icilepilibula Kafundisha). ¹⁷ Yesu alandile kuli ena, "winjikata pantu nshilafika kuli Tata, kabiye kuli bandume yobe no kubeba ukuti ndeya kuli Tata shinwe, Lesa wandi kabili Lesa wenu." ¹⁸ Maliya Magadelena aile no kulanda kubasambi, ''Nimbona Shikulu," nokutila na njeba fyonse ¹⁹ Mucungulo, pa bushiku bwantanshi ubwamulungu, ifibi fyali nafisalikwa umwaikele abasambi pantu baletina aba Yuda, Yesu aishile nokwiminina pakati kabo nokulanda kuli bena, "Umutende ube nemwe." ²⁰ Panuma yakulanda nabo, ali balangile iminwe na mulubafu. Abasambi bali nensansa pantu bali mwene Shikulu. ²¹ Yesu alandile kuli bena napeka, '' Umutende ube mwebo. Ifyo Tata antuma efyo naine ndemituma." ²² Ilyo Yesu alandile ifi, alibaputile umupu no kutila, ''Pokelelni umupashi wa mumushilo. ²³ Uyo onse mwaela imembu, ninshi naelelwa; uyo onse mwakana ukwelela imembu, ifyo fine shakana ukwelelwa." ²⁴ Tomasi, uwa mubekumi naba babili uwitwa mpundu, talipo ilyo Yesu aishile. ²⁵ Abasambi banankwe bali landile kuli ena, Balandile kuli ena ''Kano namona mumunwe yakwe umo bamupopele ne misomali, nokwikatamo mukati kaminwe yakwe, elyo ndesumina." ²⁶ Panuma yanshiku cine konse konse abasambi bali mukati peka, na Tomasi ali nabo. Yesu alishile ninshi nefibi nafisalika, nokwiminina pali bena, nokutila, " Umutende ube naimwe." ²⁷ Elyo alandile kuli Tomasi, "Leta iminwe yobe nokumone amaboko yandi, leta iminwe yobe no kubika mulubafu. Wiba uushisumina, nomba sumina." ²⁸ Tomasi alyaswike nokulanda ati, ''Shikulu wandi kabili Lesa wandi." ²⁹ Yesu alindile kuli ena, "Nico wambona, eco wa suminina. Balishuka abasumina nelyo tabamwene." ³⁰ Nomba Yesu acitile ifishibilo ifingi mu menso yabasambi, ifishibililo fimo tafyalembwa mwibuku ili." ³¹ nomba fyonse ifi fyalembelwe pakuti musumine ukuti Yesu ni kapususha, mwana wakwa Lesa, no kuti bamusumine, nokubano bumi mwishina lyakwe.