¹ Panuma yafintu ifi, Yesu ailangile ku basambi peka pa mumana wa Tiberias. ifi efyo ailangile: ² Simon petelo ali pamo na Tomasi uwitwa Didymus, Nathaniel ukufuma ku Cana, mu Galilee, abana baume, bakwa Zebedee,na basambi bambi babili abakwa Yesu. ³ Simon Petelo alilandile kuli bena, ''naya mukwi paya is+abi.'' Balandile kuli ena, ''naifwe bene tulekonka.'' Baliile nokupiluka mu bwato, nomba tabaipeyepo nangu limo ubushiku bonse. ⁴ Lelo, elo bwacele palucelo, Yesu aiminine kunse yamumana, nomba abasambi taba mwishibe ati ni Yesu. ⁵ Elo Yesu alandile kuli bena, ''balumendo namukwatapo icilyo?'' Balimwaswike, ati, ''awe.'' ⁶ Ali bebele, ''teyeni amakonde kukulyo kwa bwato, mwalaipayako linono.'' Eico baliteyele amakonde bafililwe ukwimya amakonde pantu mwali impendwa iikulu ye sabi. ⁷ Elo umusambi uo Yesu atemenwe alandile kuli petelo, ''Ni shikulu.'' Elo Simon Petelo aumfwile ukutila ali ni shikulu akakile ilaya mumu sana (Pantu alisamwine)' no kuliposa pa mumana. ⁸ Abasambi bambi bali shile mubwato (pantu tapepele na kunse, nalimo imikono imyanda ibili,) nokufumya isumbu nesabi. ⁹ Elo bafumiine kunse bamwene umulilo wa malasha ne sabi, pali no mukate. ¹⁰ Yesu alandile kuli bena. ''Leteni isabi ilyo mwipeye.'' ¹¹ Simon Petelo aliile peka nokwimya amakonde ku nse, mwalifumine isabi ilingi umwanda umo, amakumi yasamo na itatu, nsnguls isabi lyafulile, isumbu talyalepwike. ¹² Yesu alandile kuli bena, ''Iseni nokulya umwikulo.'' Tapali nangu umo pabasambi uwalimukwipusha ati, ''Nimwebani?'' Balishibe ukuti ni shikulu. ¹³ Yesu alishile, abulile umukate, nokubapela, nesabi pamo. ¹⁴ Uyu wali emuku wabutatu uo yesu ailangile kubasambi panuma yakwima ku bafwa. ¹⁵ Panuma yakulya umwikulo, Yesu ali mukulanda kuli simon petelo, ''simon mwana mwaume wakwa yohane, bushe walintemwa, ukucila ifi?'' Petelo alilandile kuli ena, ''E shikulu, mwalishiba ukuti nalimitemwa.'' Yesu alandile kuli ena, ''ilishani imikoko shandi.'' ¹⁶ Alilandile nankwe na peka pamiku ibili, ''Simon mwana mwaume wakwa yohane, bushe Petelo alandile kuli ena, ''E shikulu, mwalishiba walintemwa?'' Yesu alilandile kuli ena, ''sunga bwino imikoko shandi.'' ¹⁷ Alilandile kuli ena umuku walenga itatu, ''Simon mwana yohane, bushe walintemwa?'' Petelo ali umfwile ubulanda pantu Yesu amwipwishe imiku itatu, ''Bushe walintemwa?'' Alandile kuli ena, ''Shikulu mwalishiba fyonse, mwalishiba ukuti nalimitemwa. Yesu alandile kuli ena, ''ilishani imikoko yandi. ¹⁸ Ndimuku kweba mucishinka ati, elo wali umulumendo, walimukuifwika weka, aka kufwala mu musana no kuya uko utemenwe, lelo elo wakula ukemya amaboko, yobe nokufwikwa kuli bambi nokutwala uko tauli mu kufwaya.'' ¹⁹ Yesu alimukulanda ifi, peka pakalanga umusango wamfwa petelo ali noku tatakwilamo Lesa. Panuma yakulanda ifi, alandile nakuli petelo, ''nkonka.'' ²⁰ Petelo alipilibwike nokumona umusambi uo Yesu atemenwe alebakonka, umusambi atile pacifuba ca kwa Yesu pa mulalilo uwandile, ati, ''Shikulu, nani alemwalukila?'' ²¹ Petelo alimumwene nokulanda kuli Yesu, ''Shikulu alimukupaunga cinshi?'' ²² Peka Yesu alandile kuli ena, ''nga ndekufwaya ukuti ekalilile mpaka nkabwele, cinshi kuli webo? Nkonka.'' ²³ Ilyashi ili lyasalangene mu bene beka, ukuti ulya musambi ekamonamfye Yesu talandile kuli petelo ukuti ulya musambi takafwe nge ndimukufwaya kuti aikalila mpanka nkabwele, cinshi kuli webo?'' ²⁴ Eyu musambi uwali kambone pamulandu waifi fintu nokufilemba-kabili twalishiba bukambone bwakwe bwacishinka. ²⁵ Kwaliba nafimbi fintu ifingi ifyo alembele. Nga kuti fyalilembelwe cimo cine, icalo conse nga tekuti mube amabuuku yalembwamo.