¹ Elo pilato apiitile Yesu nokumukumuna. ² Abashilikale babilile icisote camyunga. Bacibikile na kumutwe wakwa Yesu nokumu fwika umukansu uwakashikila. ³ Baishile kuli wena nokulanda ati, ''Mulopwe, mwe mfumu yaba Yuda'' no kumuma ifikoti. ⁴ Elo pilato afumine panse peka nokulanda kuli bena, ''moneni, namuleta kuli mwebo palwalala pakuti mwishibe ukuti nshi sangilemo ubwafya.'' ⁵ Na Yesu afumine panse, na fwala ne cisote ca myunga nomukansu uwaka shikila. Pilato aalandile kuli bena.'' Moneni, kuno kuli umwaume!'' ⁶ Nomba bashimapepo bakulu ne filolo fya mwene yesu, fyali pundile nokulanda ati, ''Mupopeleni, mupopeleni!'' Pilato alandile kuli bena, ''Musendeni mwebwne no ku mupopela, pantu nshisangilemo ubwafya.'' ⁷ ba Yuda bali mwaswike, ''Natu kwata ifunde, no kukonka neli funde nalinga ukufwa pantu aleitutumuna ukuba umwana wakwa Lesa. ⁸ Elo pilato aumfwile ililyashi, alitinine saana, ⁹ no kwingila mu cipango peka nokulanda kuli Yesu, ''Nikwisa watuntuka? ''Nomba Yesu tale mwasuka. ¹⁰ Elo pilato alandile kuli ena, ''Taule nsosha? Tawishibe ukutila ninkwata amaka aya kukulekelako, na maka ya kukupopela?'' ¹¹ Yesu alyaswike ati, ''Taukwetepo amaka pali nebo kano ya pelwa ukufuma kumulu. Eico, uwampele kuli mwebo engakwata ulubembu.'' ¹² pali ici casuko, pilato alyeseshe ukumulekako, nomba aba Yuda bale punda, ati, ''Ngawa mulekelako uyu muntu, ninshi tauli munankwe wakwa kaisare. onse uuipanga umwaice ukuba imfumu mulwani wakwa Kaisare.'' ¹³ Elo pilato aumfwile aya mashiwi, atwele Yesu panse nokwikala pacitebe cakupingwilapo apetwa apakupapika amabwe.'' Momba mucilimi ca Aramaiki, ''Gabata.'' ¹⁴ Elo bwafika ubushiku bwa kupekanya ipasaka, panshita yalenga mutanda. Pilato alandile kuba Yuda, ''Moneni, kuno kuli imfumu yenu!'' ¹⁵ Bali pundile, ''Muta mfyeni, mutamyeni; Mupopeleni!'' Pilato alandile kuli bena, ''Bushe mpopele imfumu yenu?'' Bashimapepo bakulu bayaswike, Tatwakwta mfumu kano Kaisare.'' ¹⁶ Elo pilato abapele Yesu ukuti ba mupopele. ¹⁷ Elo bamupitile, no kuya , napita nomusalaba wakwe, ukutwala ku ncende iitwa ''Incende yamafupa.'' iitwa mucilimi ca aramaiki ati Gologota.'' ¹⁸ Ba popeele Yesu palya, nabaume babili, umbi bushilya naumbi bushilya na Yesu pakati. ¹⁹ Pilato alembele ne cakwishibilako no kucibika pa musalaba. Palya balembelepo: YESU UWA KU NAZARETI, IMFUMU YABA YUDA. ²⁰ Abengi aba Yuda balibelengele icakwishibilako pantu incende uko Yesu ba mupopele kwali nakupalamina nomusuma. icakwishibilako calembelwe mu Aramaiki, mu Latini, namu Greeki. ²¹ Elo bashimapepo bakalamba aba ba Yuda balandile kuli pilato, 'imfumu yaba Yuda nomba uyu alelanda ati ndimfumu yaba Yuda.'''' ²² Pilato alyaswike, ''Nganinemba ninshi ninemba.'' ²³ Elo abashilika bapopeele Yesu, bapiitile ne nsalu shakwe, nokusha kanya pane, cila mushilika ali kwetepo cimo; Lelo uyu mukansu walifye wena walifye umuntulinkuli, uwa pikulwa umwabulo mulundo. ²⁴ Elo batampile ukulanda kuli cila umo umo, ''Twilepula, nomba na tupendulefye pakwebati twishibe ninani calaponena; Pakwe bati icalembwa cifikilishiwe icilandati, balyakene umukansu wandi umo babelele nokupendula pafya ku fwala fyandi.'' Efyo abashilika bacitile. ²⁵ Mupepi no musumba wakwa Yesu paimi nine banyina, bankanshi ya banyina, Maria muka kolopa na maria Mandalena. ²⁶ Elo Yesu amwene banyina no musambi uyo ate mwishishe nabeminina apepi, Alandile kuli banyina, ''Wemwana kashi, mona, umwana obe!'' ²⁷ Elo alandile na kumusambi, ''mona banoko!'' ukufuma pali yo nshita umusambi amusendele ku ng'anda yakwe. ²⁸ Panuma yaifyo, elo amona ukutila ifintu fyonse fya fikilishiwa na pakuti amalembo yafikilishiwe, Yesu alandile, ''Naumfwa icilaka. ²⁹ Bombo umwali ubwalwa ubwakalipa yabikilwe filya, lelo babikile ku mwepu ubwalwa ubwakalipa nokutunga kwitete nokuupela ku kanwa kakwe. ³⁰ Elo Yesu anwine umwangashi uwakalipa alandile ati, ''Capwa. Aokobwele nomukoshi ngo ulekele umweo. ³¹ Elo aba yuda, pantu bwali bushiku bwa kupekanishisha, tabalefwaya ifintumbi ukulala pa musalaba (Pantu ubu bushiku ubwe sabata bwali ninshiku nkulu), balombele kuli pilato ukuti bafunaule amolu nokuba fumyapo. ³² Elo abashilika baishile noku funaula amolu ku mwaume uwa kutampilapo no wakonkapo abapope lwe na Yesu. ³³ Elo baishile pali Yesu, bamwene ati nafwa kale, tabamu funawile molu ena. ³⁴ Eico umushilika umo amutunkwile umusumbo mu mbafu, palya pene imilopa na menshi fyali fumine. ³⁵ Umo uwamweneko apeela bukambone pali ici, na bukambone bwakwe bwa cishinka. Naishiba ukwebati ifyo alelanda fya cishinka, pakutila namwebo musumine. ³⁶ Nefi fintu ficitika muku fishapo amalembo yakuti, ''Tabaka mufune ifupa nangu limo.'' ³⁷ Peka, icalembwa na cimbi cilanda ati, ''Bakalamutamba uo balashile.'' ³⁸ Panuma ya ifi fintu, Yosefe uwaku Arimataya, uwalipo umusambi wakwa Yesu (Nomba mubumfisolo pa kutina aba Yuda), alombele kuli pilato ukuti amusuminishe ukufumyapo umubili wakwa Yesu. Pilato alimusuminishe. Epokwisabula icitumbi ca kwa Yesu. ³⁹ Nikodemas nao alishile, uwaishile kuli Yesu pakwamba ubushiku. Aletele amafuta aya murina aloe, Yafinine ama kilo umwanda umo. ⁴⁰ Eico basendele icitumbi cakwa Yesu nokucipombelesha mu nsalu ba cisuba na mafuta ayanunkila bwino, ukukonka no lutambi lwaci Yuda pakushika icitumbi. ⁴¹ Lelo kuncende uko bamupopele kwali ibala; namwibala mwali imanda umo bashatalile abashikamo umuntu. ⁴² Pantu bwali bushiku bwa kupekanya ubwa ba Yuda elo na kabili neco imanda yali mupepi, emo Yesu bamubikile.