¹ Panuma Yesu alandile aya amashiwi, alile na basambi bakwe bushilya bwamukonko uwa Kidiloni, ukwali ibala ilyo aingilemo na basambi bakwe. ² Nomba Yuda, uwali nokumufutuka, naowine alishibe incende, pantu Yesu balekumana na basambi bakwe inshita ne nshita kulya. ³ Elo Yuda, atungulwile ibumba ilya bashilika naba shimilimo ukufuma muli bashimapepo bakalamba namu ba Faliseo, baile kulya nafyengo, imisaniko, nefyanso. ⁴ Elyo Yesu, uwaishibe ifintu fyonse ifyalecitika kuli ena, aile kuntanshi yabo noku bepusha, "Ninani uyo mulefwaya?" ⁵ Balimwaswike, "Yesu umwina Nasaleti." Yesu alandile kuli bena, "Ninebo." Yuda, uwamufutwike, naena aiminine nabashilika. ⁶ Nomba ilyo alandile kuli bena, "Ninebo," balibwelele kunuma nokupona panshi. ⁷ Napeka alibepwishe, "Ninani mulefwaya?" Nabo balilandile ati, "Yesu umwina Nasareti." ⁸ Yesu alyaswike, "Nacimyeba ukuti Ninebo. Ngacakutila mulefwaya nebo, lekeni aba baye." ⁹ Pakuti ishiwi lifikilishiwe ilyo alandile: "Abo bonse abo mwampela , nshalufyapo nangu umo." ¹⁰ Elo Simon Petulo, uwali no mupanga, afumishe nokukoma umusha wakwa shimapepo mukalamba nokumupula ukutwi ukwakukulyo. Neshina lyamubonfi ali nimalikasi. ¹¹ Yesu alaindile kuli Petulo, "Ingisha umupamga mucitubo. Bushe kuti nakana ukunwa ulukombo ulo Tata apela kuli nebo?" ¹² Nomba ibumba lya bashilika na bakapitalo, naba shimilimo baba Yuda, baikete Yesu noku mukaka. ¹³ Bamutwele kuli Ananiasi, pantu ali niwishifyala wakwa ka kayafasi, uwali shimapepo mukala. ¹⁴ Nomba Kayefasi ewapele itontonkonyo kuba Yuda ukuti umuntu umo nalinga ukufwila abantu bonse. ¹⁵ Elyo Simoni Petulo akonkele Yesu, pamo nomusambi umbi. Naulya musambi alishibikwe kuli shimapepeo mukalamba, alingile pamo na Yesu mumusolo wakwa shimapepo; ¹⁶ Nomba Petulo ali naiminina kunse yamumwinshi. Umusambi umbi, uwaishibikwe kuli shimapepo mukalamba, alile nokulanda ku mukashana uwalelonda pamwinshi, nokumwingisha petulo. ¹⁷ Elo umubonfi mwanakashi, kalonda wa mwinshi , alandile kuli Petulo. "Nobe uli wamusambi ba uyu muntu?" Alandile. " Tenebo." ¹⁸ Nomba ababomfi naba mubuteko abali nabeminina palya, nabapanga nomulilo wamalasha, bali mukonta , pantu kwali nakutalala. Petulo nao ali nabo, naiminina aleonta. ¹⁹ Bashi mapepo bakalamba napeka balimwipwishe palwabasambi bakwe nama fundisho yakwe. ²⁰ Yesu alibaswike bena, "Nanda palwalala ku calo. Lyonse nalefunda muma sinagogo namu mama tempele umo aba Yuda bakolongana. Tapali ifyo ndimukulanda mubunfisolo. ²¹ Nicinshi mulendipushisha? Ipusheni abo abomfwa nebo pafyo nalandile. Lolesheni, aba bantu balishiba ifyo nalandile." ²² Nelyo Yesu alandile ifi, umo uwa mubuteko nowaiminine palya aumine Yesu inkapila nokulanda kuli ena, " Bushe ifyo efyo wingasuka shimapepo mukalamba?" ²³ Yesu alimwaswike ena, ngacakuti ndimukulanda ifyalubana, nshinina icilubo, nomba ngacishinka, nicinshi wangumina?" ²⁴ Kabili Ananiyasi amutumine namukaka kuli Kayafasi shimapapo mukalamba. ²⁵ Nomba Saimoni Petulo ali naiminina aleicenjelesha umwine. Abantu napeka balandile kuli ena, bushe tauli wamubasambi bakwe webo?" ²⁶ Umo uwamubabonfi ba bashimapepo bakalambanuwali nilupwa wamawume uyo baputwile ukutwi kuli petulo, alandile, nicinshi nshacikumwena mwibala naena?" ²⁷ Peka petulo alikene na peka; palya pene namukolwe alilile. ²⁸ Nelyo Yesu bamufumishe kuli Kaisala ukumutwala kuciputulwa cikulu icabuteko. Cali lucelo sana, lelo tabaingile muciputulwa cabuteko pakuti amalembo yafikilishe. ²⁹ Nomba Pilato alifumine panse kuli bena nokulanda, " Bwafyanshi mwasanga ubo mulemushinina?" ³⁰ Balimwaswike nokulanda kuli ena, "Ngacakuti uyu muntu tali nicinta bubifi, ngata tumuletele kuli mwebo." ³¹ Pilato ena alandile kuli bena, musendeni mwebene beka mubupingushi bwenu ukulingana nefunde lyenu." Aba Yuda balandile kuli ena, tecakwifunde ukwipaya umuntu uuli onse." ³² Balandile ifi pakuti ishiwi lyakwa Yesu lingafikilishiwa elyo alandile ukulangilila imfwa alingile ukufwako. ³³ Napeka Pilato aingile muciputulwa cabuteko peka nokwita Yesu nokulanda kuli ena, "Bushe uli mfumu yaba Yuda?" ³⁴ Yesu alimwaswike, " ulimukalanda wemwine, nangu bambi bacilanda kuli webo?" ³⁵ Pilato alyaswike, "Nebo nshili mu Yuda, bushe ninebo? Abantu bobe nabashimapepo ebakulete mu minwe yandi nebo. Nifinshi wacitile?" ³⁶ Yesu alyaswike, "Ubufumu bwandi tebwamuli cino calo. Ngacakuti ubufumu bwandi bwapali cino calo, ninshi ababonfi bandi bakalwa pakuti nshipelwe kuba Yuda. ³⁷ Pilato peka alandile kuli ena, "ninshi uli mfumu?" Yesu alyaswike, "Naulanda ati ndi mfumu. Uyo emulimo uyo nafyalilwe, napalyuyu mulimo icalenga ukwisa pa sonde, pakuti mpele bukambone bwacishinka. Umuntu onse uwa mulibucishinka omfwa kwishiwi lyandi. ³⁸ Pilato alndilekuli ena, "bushe icishinka nicishinka?" elyo alandile ifi, alile panse napeka kuba Yuda nokulanda kuli bena, "Nshisangilemo ububi muli uyu muntu. ³⁹ Nomba namukwata ulutambi ulwakufumya umuntu umo mucifungo palwa ilyo mulesefya icakucilila. Bushe mulefwaya mifumishe imfumu yaba Yuda?" ⁴⁰ Elo bapundile napeka nokulanda, "Teuyu muntu, kano Banabasi." Nomba Banabasi ali kacinfya.