¹ Karana nitu, waktu kami kada tahan lagi, kami mamutusakan gasan bagana saurang idir di Atena, ² wan mangirim Timotius, dingsanak kami wan palayan Allah, wan kawan sagawian kami dalam Injil Kristus, ka ikam gasan manguatakan wan manasihati ikam bakaitan lawan iman ikam, ³ supaya kadada saurang pun nang digoyahakan oleh pandaritaan-pandaritaan ini. Sabab, ikam saurang tahu bahwa kita memang ditentukan gasan nitu. ⁴ Bahkan, waktu kami basama ikam, kami tarus-manarus mamadahi ikam bahwa kita pacang mangalami pandaritaan, wan nitu sudah tajadi kaya nang ikam tahu. ⁵ Oleh karana nitu, waktu ulun kada tahan lagi, ulun mautus gasan mangatahui iman ikam. Ulun takut, kalau-kalau si penggoda sudah menggoda ikam wan kerih lelah kami jadi sia-sia. ⁶ Namun, wayahini, Timotius sudah babulik ka kami matan wadah ikam, wan sudah mambawa habar baik manganai iman wan kasih ikam gasan kami, bahwa ikam salalu manyimpan kanangan nang baik manganai kami wan kaganangan handak batamuan lawan kami, kaya kami jua kaganangan lawan ikam. ⁷ Karana nitu, dingsanak-dingsanak, sabarataan kasusahan wan pandaritaan ini,kami tahibur oleh ikam malalui iman ikam. ⁸ Wayahini, kami hidup jika ikam badiri teguh dalam Tuhan. ⁹ Sabab, ucapan syukur apakah nang kawa kami parsambahkan gasan Allah karana ikam, sabagai ganti sabarataan sukacita nang kami rasakan di hadapan Allah karana ikam? ¹⁰ Siang malam kami badoa lawan sungguh-sungguh gasan kami kawa batamuan pulang lawan ikam, wan kawa malangkapi apa nang masih kurang pada iman ikam. ¹¹ Wayahini, biarlah Allah wan Bapa saurang, wan Yesus, Tuhan kita, nang manuntun jalan kami ka ikam. ¹² Kiranya Tuhan maolah ikam batumbuh wan balimpah dalam kasih lawan saurang ka nang lain, wan sabarataan urang, kaya nang kami gawi ka ikam. ¹³ Kiranya Sidin managuhkan hati ikam kada bacacat walam kasucian di hadapan Allah wan Bapa kita pada kadatangan Tuhan kita, Yesus baimbai urang-urang kudus Sidin.