¹ Amun, Kristus sudah menderita secara jasmani, handaklah pian mempersanjatai diri pian wan pamikiran nang sama, sabab urang nang sudah mangalami pandaritaan awak, sudah ampih baulah dosa ² sahingga dalam manjalani sisa hidup di dunia ini, inya kada lagi maumpati kamauan manusia, melainkan kahandak Allah. ³ Sabab sudah cukup waktu masa lalu pian gasan malakukan kabiasaan urang-urang nang kada manganal Allah; hidup dalam hawa nafsu, kemabukan, pesta pora, minum-minum, wan panyambahan barhala nang hibak kekejian. ⁴ Wayahini, bubuhannya takagum imbah mandapati bahwa pian kada maumpati lagi dalam kebejatan liar nang dilakukan buhanya. Uleh nangitu, bubuhannya mamfitnah pian. ⁵ Akan tatapi, buhannya akan mambari partanggungjawaban lawan Sidin nang akan manghakimi urang nang hidup wan nang mati. ⁶ Untuk alasan nangini, Injil dihabarakan gasan urang-urang nang wayahini sudah mati sahingga bila buhannya dihakimi di dunia ini sasuai lawan ukuran manusia, tapi buhannya hidup secara roh manurut ukuran Allah. ⁷ Pahabisan matan sagala sasuatu sudah parak. Sabab itu, waspadalah wan bajaga-jaga supaya kawa badoa. ⁸ Di atas samunyaan nitu, taruslah saling mangasihi wan bujur-bujur sabab kasih manutupi banyak banar dosa. ⁹ Tampaiyakanlah karamahan saikung wan nang lainnya tanpa mangaluh. ¹⁰ Karna satiap urang sudah manarima karunia, pakailah itu gasan malayani saikung wan nang lainnya sabagai palayan nang baik atas berbagai karunia matan Allah; ¹¹ siapa nang bapander, harusnya inya bapander sebagai urang nang manyampaiyakan firman Allah; wan siapa nang malayani, harusnya inya malayani lawan kakuatan nang Allah bariakan sahingga dalam sagala hal, Allah dimuliakan malalui Yesus Kristus. Gasan Sidinlah kamuliaan wan kuasa sampai salawasan. Amin. ¹² Dingsanak nang kukasihi, jangan takajut lwan api pancubaan nang datang gasan manguji pian, saulah-ulah sasuatu nang aneh tarjadi lawan pian. ¹³ Amun, basukacitalah karna pian umpat ambil bagian dalam pandaritaan Kristus, sahingga pian jua kawa basukacita wan bagambira kaina bila kamuliaan Sidin ditampaiyakan. ¹⁴ Berbahagialan bila pian dihina karna ngaran Kristus, saba Roh kamuliaan wan Roh Allah badiam di dalam pian ¹⁵ Akan tatapi, kada boleh di antar pian nang mandarita sabagai pambunuh, panyuntan, urang jahat, atawa urang nang hakun mancampuri urusan urang lain. ¹⁶ Akan tatapi, siapa haja nang mandarita sabagai urang Kristen, kada buleh inya supan, sabaliknya handaklah inya mamuji Allah karna mananggung sambatan nangitu. ¹⁷ Sudah wayahnya panghakiman dimulai tumatan kaluarga Allah. Wan, bila panghakiman Allah dimulai matan kita, kaya apakah kaadaan urang-urang nang kada patuh lawan Injil Allah? ¹⁸ Amun urang saleh haja ngalih disalamatakan, kaya apa urang nang jahat wan orang badosa?Amsal 11:31 ¹⁹ Oleh itu, maraha buhan nang mandarita karna kahandak Allah mamparcayakan jiwanya gasan Sang Pancipta nang satia, sambil tarus malakukan apa nang baik.