¹ Sabab ngintu, sabagai sasama panatua wan saksi mata pandaritaan Kristus, wan jua sabagai urang nang pacangan umpat ambil bagian dalam kemuliaan nang pacangan dinyatakan, ulun manasihati buhan panatua nang badiam diantara pian: ² Gembalaakanlah domba-domba Allah nang ada wan pian! Jangan sabab paksaan, tatapi awan rela, seperti nang Allah kahandaki; jangan mangarjakan gasan mandapatakan kauntungan nang hina, tatapi sabab kasadiaanmu. ³ Jangan pula pina nang kaya panguasa awan babuhannya nang diparcayaakan ka dalam tanggung jawab pian, tetapi jadilah taladan gasan kelompok itu. ⁴ Dengan demikian, katika kena Sang Gambala Agung datang, pian pacangan manarima mahkota kamuliaan nang kada pacangan layu. ⁵ Demikian jua pian, nang labih anum, hormatilah orang nang labih tuha; wan handaklah pian sabarataan baisian karandahan hati, nang saurang kapada nang lain sabab: Allah kada katuju wan urang nang cakah, tetapi Sidin mambari anugerah awan urang nang randah hati. Amsal 3:34. ⁶ Sabab ngitu, pian harus marandahakan diri di bawah tangna Allah nang bakuasa. Maka, Sidin jua nang akan maninggiakan pian pada waktunya. ⁷ Sarahakan haja barataan ka khawatiran pian wan Allah sabab Sidin nang mamalihara pian. ⁸ Baawas-awas wan bajaga-jagalah! Musuh oian, si Iblis, bakuliling pulang bulik nang kaya singa nang mangaum, bacari mangsa gasan di taguknya. ⁹ Lawanlah Iblis! bardirilah teguh dalam iman pian sabab pian tau bahwa di saluruh dunia, dingsanak sabarataan saiman pian pun mananggung pandaritaan nang sama. ¹⁰ Wan, imbah pian mandarita samantara waktu ngini, Allah sumber sagala anugerah nang hudah mamanggil pian gasan umpat ambil bagian dalam kemuliaan Sidin nang kekal didalam Kristus akan memulihkan, managuhkan, manguatakan, wan mambangun pian. ¹¹ Gasan Sidin haja, kuasa gasan salawasan. Amin! (Salam Panghabisan) ¹² Ulun manulis surat singkat ngini wan pian, malalui Silwanus, nang ulun pinandu sebagai dingsanak saiman nang satia. Ulun handak mambari samangat wan kasaksian gasan pian, bahwa ini adalah anugerah nang sajati matan Allah. Bardirilah tefuh didalam anugerah itu. ¹³ Jemaah nang ada di Babilonia, nang jua umat pilihan Allah, mangirimakan salam gasan pian. Markus, anak ulun dalam Kristus, bakirim salam gasan pian. ¹⁴ Barilah salam satu wan lainnya awan ciuman kasih. Damai sajahtara bagi sabarataan nang ada dalam Kristus. Amin.