¹ Pakuti ukilisitu akatusatula utwe twikale mubwabuke. Pa ichi wimilile nganganga, mutakikale mubupinyiwa ubwabutumwa. ² Keta une pabuli, nguyugha nuwe ukuti nadi mukwitika pachekiwa, kilisitu tamweghepo nachimo nawe. ³ Ingubasimikisya sona umundu wesiyo akwitika achekiwe munongwa indaghilo syosi. ⁴ Mutanacho nachimo nukilisitu, umwe mwe mukuboneka basayiwa nindaghilo; mukaba pakulekana nacho ichisa. ⁵ Pakuti ukwendela mwambepo, mulwitiko, tulindilile ukusubila ubwanaloli. ⁶ Pakuti mwakilisitu yesu, ukuchekiwa pamu kusita kuchekiwa patalipo amaka, loli ubwanaloli ubwakupangisya ulughano. ⁷ Mukakindagha akisa. Wewenuyo akabakanila ukuti mutakapulikile ubwanaloli? ⁸ Indamyo syinu syitakufuma kwayo abakolile! ⁹ Chilungo chinandibu chikufufumisya ichinyenya chosyi. ¹⁰ Une ngusubalila umwe mwa chala, ukuti utanganyinong'onera sona isingi. Loli uwakubatamia umwe napo angaba wewenu tibakalongiwe. ¹¹ Mwebakamu, nadi nalumbilila sona ukuchekiwa, choni cho ngali nulu ngutamiwa? Musila yiyo chochikapingika chatilapo. ¹² Loli bobakubatangwanisya nalondagha ukuti pamo bakomanie ubumi bwabo. ¹³ Pakuti mukakoleliwa kubwabuke. bakamu loli manye mububombele ngati lusako lwa kubombela ifya mumubili, mulughano mwafwanaghe yumo numunine. ¹⁴ Pakuti isyu lyoka likukwanisya ululaghilo losi : ''ughane umupalamani wako ngati mowighanile uwe wemwene. ¹⁵ Loli nandi mukulimbana nu kufulasania mwibene, mube maso ukuti mungamalana mwibene. ¹⁶ Loli ngubabula, mwendaghe mwa mbepo po tamubombaghe ifinyonywa fya mumubili. ¹⁷ Pakuti umubili wukususania nu mbepo, wepe umbepo akususania nu mubili. Pakuti ifi fili pawulwani wesi numunine. ¹⁸ Loli nandi kulongosiwa nu mbepo, utali pasi pa lilaghilo. ¹⁹ Loli imbombo sya mubili sikuboneka : ubwamalaya, ifinyenywa, uwumyasi. ²⁰ Ukwiputa kufifwani, ifipandwa, ulubengo, ulombwa, akabini, kwitutumula, ukwisabula, ²¹ Akabini, ubwachingwela, ukungwa muluhoboko, nifindu fimo ngati fifi. Ngubasokesya umwe, ngati mo ngabasokesekesya pabwandilo yo akupanga fifi ata akingile ku chitangalala cha chala ²² Iseke sya mwa mbepo, ulughano ulusekelo, umutende, ulutengano, ubufisa lyoyo, ichisa, ubwisa, ulwitiko, ubwololo nu kwikola, ²³ ukumyeka nu kwikola; patalipo sona indaghilo ukukinda ifi. ²⁴ Bosi bobali nu kilisitu uyesu bakomite umubili, nifinyonywa fyake nukulikalika kwake. ²⁵ Linga tuli mwambepo, po sagha twendaghe mwambepo. ²⁶ Tutakabe ba kwitufya kukalipilana yumo nu munine, nu kupangilana akabini.