¹ Nguyugha ukuti mwipyana, papo umwene mwana, atakumbana na ba tumwa, napo we mwenecho wa fyuma fyosyi. ² Pakuti pakawalilo aka akali mukeke sona baliko bo bakumusungilila muku ketelesha ufyuma fyake mupaka akamasyiwe nu tata wake. ³ Po sona potukaba twe bana, bakabapo abambombo bo bakoghopagha indaghilo isya bandu pa chisu. ⁴ Loli mo ukukwanilisyiwa kwa kabalilo kwa fika, uchala akatuma umwana wake, yo akapapiwa mu mwanakasi, akapapiwa umwakukonga indaghilo. ⁵ Akabomba ichi ukuti abaponesye bosi abandu bo bakaba pasi pandaghilo ukuti bang'anamuke imyoyo ukuba bana ba chala. ⁶ Sona chifukwa chakuti mwe bana bake, uchala akatuma mundumbula syabo umbepo wa mwana wake yuyo akwitiwa ukuti, ''Abba, tata.'' ⁷ Ta ukawepo sona we wambombo, lole we mwana, powe mwana , kwakubaghila nakabombele kambombo sya chala nukuba mupyana wake. ⁸ Ukuyana na kabalilo kala, po utakamumanya uchala ukaba we wa mbombo ku bosi bo bakabako abachala babo fipeliwe bubu, tabobachala napanandi. ⁹ Loli ipano po wisa ukumumanya Uchala pamo waghe umanyikitwe nu chala, choni chicho mukunyokela kunyuma nukukonga indaghilo sya bambula kumumanya uchala, mukulonda ukuba mwe bambombo akawalilo kosi. ¹⁰ Mukwimika amasiku agha kughindikiwa, ni mwesyi imipya, nutubalilo posona ni fyinja. ¹¹ Akuti ali nubogha kukwabo chifukwa musila simo amaka ghake papabo ghangaba ghambula ching'anamulo. ¹² Ngubasuma, bakilisitu, ukuti mube ngati nene. mutambommbilepo ichibibi na chimo. ¹³ Loli mumanye ukuti chikaba chifukwa chabulwale bwa mubili wangu bobukamba ulusako ukupalasya amasyu amisa kukwinu akabwandilo. ¹⁴ Pobuli umubili wangu ghukababika mungelo, mutangosya isoni pamo ukungana, loli mukambokela ngati ngaba mungelo wa chala sona ngati wiyesu kilisitu umwenecho. ¹⁵ Ka ukuhoboka kwinyu kwaya kwighi ipano? Ingubabula ukuti, pala chikaba pala chikaba chakwenelela, imbe mukafwambula amaso ghinu nukumba une. ¹⁶ Ka apa nang'anamula ukuba mulwani winu chifukwa chakubabula ubwanaloli. ¹⁷ Abalughu bake bakulonda ukupoka abandu, loli chifukwa na chimo ichisa. Bakulonda ukubafumyako ku kwake ukuti babe na maka pakubuka mumwake. ¹⁸ Chikuba chindu chakuhobosya pa kuba na maka pafundo inyisa sona napala indapa pipi nuwe. ¹⁹ mwana wangu, indi nifyakubaba ngati we mayi yuyo akupulika ifya kubaba pa kupapa nune indi nifyakubaba ifikulu mpaka ukilisitu ise apapiwe mukati mwabo. ²⁰ Ngulonda ukuti abe pakati pabo nukuchenja akayughile ka masyu ghake. ²¹ Mbula, yo akulonda ukuba pasi pandaghilo, ka mutakupulikisya indaghilo? ²² Pakuti chikalembiwa ukuti u Abulahamu akaba na bana babili, yumuwyene akapapiwa mumulindu uwambombo umunine mukolo umusatuliwa. ²³ Umwana yumo akapapiwa ku mulindu uwa mbombo ukuyana nu mubili loli umunine akapapiwa mumukolo uwa minong'ono amisa. ²⁴ Ichi chikang'anamulika kuba chighelesekesyo cha banakasi aba bababili cha simanya yo akapapa abana kuwa mbombo ingamu Hagala. ²⁵ Ulu Hagala akwimila ichighamba cha sinayi ku Arabiya sona akwimila uyesu salemu umupya kuko akaba wambombo pamupene na bana bake. ²⁶ Loli u yelusalemu wakumwanya wa mutende sona weyo wemayi. ²⁷ Mo chikalembiwa ukuti sekelelegha uwe wechumba we utakupapa. Kuta ngani sona ni chongo icha kuhiwoka pakukwesya amasyu, chifukwa utakomanite nindamyo isyakubaba ngati ukupapa umwana. Chifukwa abana ba bobali bene nu mayi wabo sona nu tata wabo. ²⁸ Mwe ba kilisitu banyitu ngati we Yisake, mwe bana wakupanga nu chala. ²⁹ Pakabalilo kala yumo yo akapapiwa ngati bana bosi aba mibili nayo bakamubingagha chifukwa akapapiwa nu mbepo mwikemo ni panganolya chala. Chocho chiliko nulu. ³⁰ Loli ka amasyu ghakuti choni? ''umutume umwanakasi uwa mbombo nu mwana wake. Papo umwana wa mwanakasi uwambombo atakabe nu wakupyana pamupene nu mwana wa mwanakasi uwa kayilo sona wambula chifukwa chimo na minong'ono amisa. ³¹ Popapo baghaniwa, mwa kilisitu, tatwe bana wa mukolo uwa mbombo loli awa mukolo umwabuke.