¹ Mwe baba galatiya mwebakofo ! ngimba wenini yo akabalogha umwe mukabululiwa akisa ngani, ,mukabuliwa isya bufwe bwa yesu kilistiu po mukaketagha namaso ghinu , ² chochichi chene ngulonda imanye ukufuma kukwinu . mukamupokela umbepo chifukwa cha kukonga indaghilo pamo chifukwa chakupulika nukusubila. ? ³ Momo mubelile ubukonyofu ukwanda, mukanda ikisa ngani mwambepo mukulonda mumalile akabibi. ⁴ Mwatamiwa ifindu ifingi kwambula pindu , Nalori fikaba fybubu? ⁵ Ngimba uchala akabapa umbepo mwikemo nukubomba ifisyughu mumwinu chifukwa chakuti mukusikonga indaghilo , pamo chifukwa chakuti mukusubila amasyu ghomukapulika? ⁶ Ngati Abulaham ,'' akamwitika uchala syosi sikamupangisya ukuyugha ukuba mugholofu ? ⁷ Musila yimo ngati iyi tumanye ukuti sona ukuti bosi abalwitiko bnana bana ba Abulahamu Aghene ⁸ Amasimbo papo ghasibonile ngani ukuti uchala ukubabonesya ubuloghofu aba panja ,ukulumbiliwa kwa masyu gha chala munyowe sya abulaghamu mukuti mumwake mo ichisu chikuya pa kusayiwalamo , Aba lwitiko bakuya pakusayiwa'' ⁹ po abalwitiko po bakuya pakusayiwa pamupene nu Abulahamu uwalwilitiko. ¹⁰ Abandu bosi bo bakusubila indaghilo bakughuniwa pakuti silembiwe ukuti '',mughuniwa umndu yo atakukonga fyosi fyofilembiwe mwibuku ilya ndaghila , nukusibomba ,'' ¹¹ Sikumanyikwa bubu pa bwelu nayumo uchala akamuyugha ukuti mugholofu pandasi pake ukukonga indaghilo. chifukwa abandu abagholofu bakwisa pakuba wabumi mulwitiko . ¹² Loli indaghilo sitimite palwitiko pakuti umundu wesi yo akubomba indaghilo akwisa pakuwa nu bumi.'' ¹³ Kilisitu akatutabula kufighune fya ndaghilo umwene weyo akaba yumo mumalo ghitu pakuti silembiwe '' mughuniwa wesi umundu yo apayikiwe pikomo '' . ¹⁴ Pakuti ulusayo lwa Abulahamu lwisile kuba panja mwa yesu kilisitu , kokuti mulwitiko tupokelghe u mmepo wa chala yo akafinga ukutupa ¹⁵ Bmukulu (banyitu ),inguyugha ngati syabandu . Waghe abandu babili bikitana ululaghilo , nayumo yo angangomola kumbali pamu ukongeleaya . ¹⁶ Uchala akafinga ulufingo kwa Abulaham nakuluko lwake . lutakayugha ukuti , ''Abaluko,'' chikungámula ukuti abandu abingi loli bakuti , nuluko lwake , chingánamula ukuti umundu mwene yo ali mwa kilisitu ¹⁷ Syonguyugha syakuti , indaghilo syo sikisa panyuma pafinja 430 sitangakomania ulufingo lwa ¹⁸ chala.Pakuti ichiliongo ichakufuma kwa chala chimite pandaghilo kokuti chitakwima sona pipangano.Loli uchala muchisa chake akamupa Abulahamu ukwendela mwipangano. ¹⁹ ka imbombo ya ndaghilo yachoni ? sikongelesiwa ukulangisya mo ukunanga kubelile mupaka uwaluko ulwa Abulahamu yula ise yo uchala uchala akamulaghila indaghilo syo sikapeghiwa nabandumi ukwendela ;pakufughama. ²⁰ U umufumsya atakulondiwa pala umundu ali yumuywene , loli uchala ali mwene. ²¹ Ngimba indaghilo sikususania ni pangano lya chala? Awe napo pa nandi! Pakuti linga abandu bakapokela indaghilo isyakubapa ubumi ngali bakuyughiwa ukuba bagholofu pamaso gha chala pakusighusa indaghilo sila sila. ²² Loli amasimbo ghakuti ichisu chosi chili pasi pabutulanongwa. Uchala akabomba isi nipangano lyakuti mubombelaghe uyesu kilisitu mulwitiko chikapeghiwa kubandu bobakusubila. ²³ Loli bo ulwitiko lukali pakwisa, tukaba twebapinyiwa ba ndaghilo tukaba bapinyiwa mupaka po ulwitiko lukisilagha. ²⁴ Po indaghilo yikaba mulindilila witu mupaka po kilisitu akwisila, umwakuti tungayughiwa ukuba bagholofu ukwendela mulwitiko. ²⁵ Loli ipano lwisile ulwitiko, po tuta nabakutulindilila sona. ²⁶ Po mwebosi mwebana bachala ukwendela mulwitiko mwa kilisitu yesu. ²⁷ Pakuti umwe mwe mukoshiwa mwa kilisitu yesu, mwifwikite mwebene ukilisiti. ²⁸ Pata umu Yuda pamu umu Giliki, pata umutumwa pamu umwawuke, pata umulisya pamu umukolo, pakuti mwe bamubene mwa kilisitu yesu. ²⁹ Po linga mwe bakilisitu, koti mwe baluko lwa Abulamu, sona ukwegha ichilingo ukuyana ni pangano.