BAGALATIYA CHAPUTALA 6
1
Mwa kilisitu wanyane pala yumo aghiwa akunanga, mwebandu abakilisitu mubaghile ukumumanyisha mwa mbepo. Mube mwebakwiyisya, ukuti ukuti umwe muleke ukugheliwa.
2
Munyamule indamyo sya banyinyu ukuti mukwanilishe indaghilo sya yesu kilisitu.
3
Pala linga yumo akwipima ukuti weyuyo napo tamwo abelile umwene amanye ukuti akwisimbula mwene.
4
Ali wesi abaghile ukuti ipime imbombo syake sona ninyinong'ono sya kwikwesya siya kuba syake nu lwake sona tasikabe syamundu uyungi nasiku.
5
Chifukwa ali wesi takanyamulaghe amabubibi ghake.
6
Wesi yo akumanyila amasyu ghachala abaghile ukughabana fyosi ifyisa nu munine yo akumanyisya.
7
Koma ukwisimbula. takokuti uchala ata namahala, chosi cho umundu akubyala sona chocho aya pakwinula.
8
Linga umundu akubyala imbeyu sya kumubili, aya pakwinula ifya bufwe. Loli yuyo akubyasla imbeyu yakwambepo aya pakwinula ubumi bwa bwila nabwila.
9
manye twilekaghe pakubomba ubwisa, tuya ukwinula ifyingi pakabalilo kake, linga tutakuleka pakumubombela.
10
Posi potwaba nulusako satubatulaghe nabanyitu ngani ngani babo botuli nabo pamupene mulwitiko.
11
Keta abokalata abakulu babo ngusimbila ku kwinyu ninyobe yangu.
12
Bosi babo bakulonda babahobosye nichimanyilo cha kumuwili bakulonda ukuti umwe muchenjiwe. Bakupanga ichi ukuti abene baleke ukutamiwa ni mbinjika ya kilisitu.
13
Po buli babo bachenjiwe pabene takokuti bobakusunga indaghilo, loli bakulonda ukuti pala abangi ba chenjiwa babe bakumoghela chifukwa cha mibili yinyu.
14
Loli umwene indi abe wakusekela chifukwa cha mbinjika ya malafyale yesu kilisitu, musila yakuti ichisu chikafwila mwa yesu sona wepe akafwila ichisu.
15
Patalipo chimo cho chikuba chipya linga umundu achendiwa pamo atachenjiwe, loli cho chikulondiwa ngani kuba chipeliwa ichipya.
16
Ku bosi bo bakwenda mukulonda kwake, ichisa nu lughano fibange pabo, sona nakuba Israel ba chala
17
Ukufuma pakabalilo aka nayumo uwakuti andamyenge pano nanyamula ifimanyikwilo fya mubili wa yesu.
18
Amaka gha malalafyale yesu kilisitu ghabe numwe mwebosi ba kilisitu mwambepo. ameni.