¹ Waktu mile sok karah dakoh, Yesus maka ka sammo' apar. Ge, ngalaka Ni' munyung, murid-murid-A' utukng wa-Ini'. ² Ge, Ni nika baba-A' ge Ngajar ayo' a', watn-A', ³ "Gatn berkatilah sok da papa ka sadatn roh sabab ayo' a' da umpu Kerajaan Surga. ⁴ Gatn berkatilah ayo' a' da berdukacita sabab ayo' a' ao' gatn hibur. ⁵ Gatn berkatilah sok da lembut ate a' sabab ayo' a' ao' mewarisi tana paitn. ⁶ Gatn berkatilah ayo' a' da saburukng ge da aus ao' kebenaran sabab ayo' a' ao' gatn ngabasoh a'. ⁷ Gatn berkatilah ayo' a' da berbelas kasihan sabab ayo' a' ao' gatn pamase. ⁸ Gatn berkatilah ayo' a' da bersih ka sadatn ate sabab ayo' a' ao' mile Jabata. ⁹ Gatn berkatilah ayo' a' da minsakng damai sabab ayo' a' ao' gatn muji anak-anak Jabata. ¹⁰ Gatn berkatilah ayo' a' da gatn aniaya demi kebenaran sabab ayo' a' da umpu Karajaan Surga. ¹¹ Gatn berkatilah imu' apabila sok mencelamu' ge meng aniayamu', ge magaat segala macam saratn jahe' ta hadapmu' nige' fitnah karna Iko'. ¹² Bersukacitalah ge bergembiralah karna ahyo upahmu' ka surga karna ladakohlah ayo' a' meng aniaya ayo' nabi katinga imu'." Sia' ge Tarakng Dunia. ¹³ "Imu' anilah sia' dunia, tapi kalo sia' dakoh jadi cibe, nige' jai ni' ao' gatn ngampade a'? Ni' kati bagune sama sekali selain yak matatn ge gatn ninyak-ninyak kat talino." ¹⁴ "Imu' anilah tarakng dunia. Kota da ani ka sammo' apar kati bisa gatn nyukat a'. ¹⁵ Ayo' sok uga kati nutukng palita ge napo a' ka saroh gantang, melain a' ka sammo' kaja palita, ge ni' nugo' samaan da ani ka sadatn ramin. ¹⁶ Bialah tarakngmu' juga babalo nige' cara da samu supaya ayo' a' kaatn mile parbuatan-parbuatanmu' da baitn ge memulia a' Bapamu' da ka surga." Pangenapan Hukum Taurat ¹⁷ " iya ba pikir bahwa Iko' utukng yak mangkilang Hukum Taurat ato kitab ayo' nabi. Iko' utukng inya mangkilang a' melain a' yak mengenapi a'. ¹⁸ Iko' muji a' da sebenar a' wa mu', sampe rangit ge tana paitn berlalu, kati ani nyeteng iota ato nyiteng coretan pun da ao' ilang umpatn Kukum Taurat sampe samaan a' gatn genapi. ²¹ Imu' laka dangah da gatn muji wa nenek muyang ite, 'iya ngamis,' ge 'Asi da ngamis pantas gatn minsakng ka pangadilan.' ²² Ao' tapi, Iko' muji a' wa imu' bahwa asipun da baji wak' age a' pantas madi sadatn hukuman, ge asi pun da nyansana wak' age a', 'imu' totol,' pantas madi ka hadapan Mahkamah Agama, ge asi pun da nyansana, 'imu' baga,' pantas madi sadatn api neraka. ²³ karna dakoh, jika imu' mempersembahkan persemhanmu ka sammo' papante, ge ka teetn imu' taringat bahwa agemu' umpu sesuatu tahadapmu', ²⁴ Nagatn ta lah persembahanmu' dakoh ka depan papante ge anolah yak lebih uru gatn damai a' nige' agemu', laka dakoh urelah ge persembahkan persembahanmu'. ²⁵ Sacapat mungkin, badamailah nige' sok da nuduhmu' selagi imu' sadatn pagala samahu a' supaya iya penuduhmu dakoh mangkatmu ka hakim, ge hakim dakoh mangkatnmu' ka pegawai a', ge imu' gatn jeblos a' ka sadatn panjara. ²⁶ Iko' muji a' da sebenar a' wak' imu', imu' kati ao' pernah mungkas umpatn teetn sampe imu' laka mayar sen da pangkabas. " Sok da Babayu ²⁷ "Imu' laka dangah bahwa gatn muji, 'iya babayu.' ²⁸ Ao' tapi, Iko' muji a' wak' imu' bahwa satiap sok da nyantunung sok mahung ge ngate a' nige' ni', ni' laka babayu nige' mahung dakoh ka sadatn ate a'. ²⁹ Kalo matu santaomu' umasmu' baduse, nyungkil ta lah matumu' dakoh ge matatn ta lah. Sabab, labih baitn imu' ilang da nyeteng anggota unganmu' daripada samaan unganmu' gatn matatnka sadatn neraka. ³⁰ Ge, jika barekng santaomu' umasmu' ba duse, nyantakng ge matatn a' ta lah barekngmu' dakoh karna labih baitn imu' ilang da nyeteng anggota unaganmu' daripada samaan unganmu' gatn matatn ka sadatn neraka. Aturan tantang Penceraian ³¹ Laka gatn muji a': Asi da nyerai a' saut a' arus mangkatn surat cerai ka saut a' dakoh. ³² Ao' tapi, Iko' muji a' wak' imu' bahwa asi da nyerai saut a', kecuali karna ba bayu, ni' umas saut a' ba bayu. Ge, asi da basaut nige' mahung da laka gatn nyerai a' dakoh, ni' uga ba bayu. Mengenal Sumpah ³³ Nyakali agi, imu' laka dangah da gatn muji a' wak' samba moyang ite, 'iya ba sumpah palsu, tapi ngampanhu ta lah sumpahmu' dakoh ka hadapan Tuhan.' ³⁴ Namun, Iko' nyansana wak'mu: iya sekali-kali imu' ba sumpah, baitn demi surga karna surga anilah takhta Jabata, ³⁵ atopun demi tana paitn karna tana paitn anilah tampat paniyak kaja-A, atopun demi Yerusalem karna dakoh anilah kota Sang Raja ahyo. ³⁶ Iya uga imu' ba sumpah demi abakmu' karna imu' kati kaatn umas nyiteng abok pun, ranakng ato sunggut. ³⁷ Namun, hendaklah saratnmu', ae jika ae, kati jika kati, karna da selebih a' umpatn dakoh umpatn si jahe'. Mengenai Pembalasan ³⁸ Imu' laka dangah jai da laka gatn muji, 'Matu ganti matu ge japu ganti japu.' ³⁹ Namun, iko muji a' wak'mu' iya lawan da jahe', melai a' asi da namparmu' ka kuko' santao, mangkatn uga wak' a' kuko'mu' da laitn uga. ⁴⁰ Ge, Jika nyungan sok ngate nuntutmu' ge nangkap bajumu', mangkatn uga jubahmu' wak' a' ta. ⁴¹ Ge, asi da memaksamu' bajalatn 1 mil, bajalatn uga ta lah samahu a' sejauh 2 mil. ⁴² Mangkatn ta lah ka sok da mahe wak'mu' ge iya nolak sok da ngate nyame umpatnmu'" Kasihilah Musuhmu' ⁴³ "Imu' laka dangah da gatn firman a', kasihilah samu adupmu,' ge 'bencilah musuhmu.' ⁴⁴ Namun, Iko' nyansana wak'mu', kasihilah musuh-musuhmu' ge ba doalah bagi ayo' sok da nganiaya imu', ⁴⁵ nige' pangkohlah imu' kaatn jadi anak-anak Bapamu' da ka surga karna Ni' menerbitkan matu ando-A bagi da jahe' ge da kati benar. ⁴⁶ Sabab, kalo imu' hanya mengasihi ayo sok da mengasihimu', upah jai da imu' kaatn a'? inya bak pangumpul pajak uga umas a' hal da sammu'? ⁴⁷ Ge, jika imu' mangkatn salamhanya wak' age-agemu', jai rabeh a' parbuatanmu'? inya bak ayo' sok da kati' ngenal Jabata uga umas sammu' dakoh? ⁴⁸ Karna dakoh, imu' arus jadi sempurna, sammu' Bapamu' da ka surga anilah sempurna.