¹ Namun, age-age, iko' kati' kaatn nyansana ka imu' samu ge' ka talino da rohani, malain a' samu ge' ka Talino duniawi, la dakoh samu ka kagot-kangot sadatn Kristus. ² Iko' mangkatn mu' nyucur susu, inya pangkuman, karna imu' tinga aba', bahkan mati' imu' uga' tingga aba'. ³ Karn imu' maseh duniawi, sabab, sak ani iri ate ge' da ba salisih ka antara mu', inya koh ta lah tande imu' maseh duniawi ge' idup samu ge' talino? ⁴ Sabab, waktu sook nyansana, "Iko' ka pihak Paulus," ge' da lait, "Iko' ka pihak Apostolos," inya dakoh ta lah bararti imu' anilah talino? ⁵ Sak la dakoh, asilah Apolos dakoh? Ge', asilah Paulus dakoh? hamba-hamba da gat'na' imu' jadi pacaya samu ge' Tuhan ngaruni a' ka masing-masing. ⁶ Iko' mura, Apolos mubuh a', tatapi Jabata da nga numbuh a'. ⁷ Jadi, inya da mura, inya uga da mubuh a', malain a' Jabata da nga numbuh a'. ⁸ So da mura ge' da mubuh anilah nyungan, ge' masing-masing ao' narima upah a' sasue nige' usaha adup a'. ⁹ Sabab, kai anilah kawan Jabata nyakaraje; imu' anilah uma Jabata, bangunan Jabata. ¹⁰ Sasuai nige' anugerag Jabata da gatn ngarunia a' kaiko', samu sok ahli bangunan da pane, iko mana' pondasi ge' da laitn mambangun ka samo a'. ¹¹ Sabab, kati' ani sok pun da kaatn mana' pondasi da laitn sa laitn da ngalaka gat'n mana', koh ta Kristus Yesus. ¹² Sak ani sok da ani mambangun ka samo pondasi diah nige' barawatn, pirak, batu-batu da baharga, kayu, udu, rape. ¹³ Pangaraje gat'n satiap sok umas ao' jelas karna ano dakoh ao' manyata a' nige' api, ge' api dakoh ao' nguji langkina tampa' a' pakaraje setaip sok. ¹⁴ Sak pakaraje da laka sook bangundakoh batahan, ni' ao' narima upah. ¹⁵ Sa' pakaraje sok dakoh abas abokng, ni' ao' mandarita karugian, biarpun la dakoh, ni' sadi ao' gatn nyelamat a', tatapi kaadaan a' samu ge' nabo' api. ¹⁶ Kati' pane a' imu' anilah ramin Jabata ge' Roh Jabata madi' ka sadatnmu'? ¹⁷ sak ani sok da ngancur Ramin Jabata, Jabata ao' ngancur a' ni' karna Ramin Jabata anilah Kudus, la dakohlah imu'. ¹⁸ Usah ani sok da manipu adup a' sadi. Jika ani sok ka antaramu' da ngira bahwa ni' bijaksana ka zaman diah, te a'lah ni' jadi baga supaya ni' kaatn jadi bijaksana. ¹⁹ Sabab, hikmat dunia diah anilah ka baga a' ka hadapan Jabata. Sabab, ani ta tulis, "Ini'lah da nangkap sok da bijaksana sadatn ka licikan ayo' a'. ²⁰ Ge' agi, "Tuhan panane pikiran-pikiran sok da bijaksana, samaan a' anilah sia-sia." ²¹ Karna dakoh, usah ani nyungan sok pun da bangga sadatn talino. Sabab, sagale jaipun anilah imu' da umpu, ²² Bait Paulus, Apostolos, maupun Kefas, bait dunia, bait idup maupun pangkabis, bait hal-hal da mati' maupun hal-hal da ao' utukng; samaan a' anilah imu' da umpu. ²³ Ge', imu' anilah Kristus da umpu, ge' Kristus anilah Jabata da Umpu.