¹ Ladiahlah hendak'a sok da ngitong kai' ladakoh ta sabage hamba-hamba Kristus ge' ayo-sok da gat'n macaya rahasia-rahasia Jabata. ² Nige ladakohlah, ayo-sok da gat'n macaya nige hal-hal da baharga haruslah anu bukti kalo ayo'a kaat'n gat'n macaya. ³ Barang, bagiko' kati ta penting kalo iko' gat'n manghakim uleh imu' ato uleh suatu pangadilan talino. Bahkan, iko' sadi kati manghakim adupko'. ⁴ Sa', iko' kati nyadar jaipun aok adupko' sadi. Barang, inya karna hal dakoh iko' gat'n da taman, malainkan Tuhanlah da manghakim iko'. ⁵ Karna dakoh, iya'lah manghakim ti'nga waktu'a, dakohta ti'nga Tuhan utukng. hal-hal da basukat'n ka sadat'n da patakng ge' aok nyata maksud-maksud ate. lalu, satiap sok aoknarima pujian umpat'n Jabata. ⁶ Ayo-age, iko' ngalaka mangkat'n hal-hal diah ka samo adupko' sadi ge Apolos demi imu' supaya ka sadat'n kai', imu' kaat'n balajar ya' kati malampaui jai da gat'n nulis sahingga kati ani sara' nyiteng umpat'n imu' da jadi sumbong nyiteng taradap da lait'n. ⁷ Sa', asi da mambeda-beda imu? jai da imu' umpu, da inya imu' narima? ge', kalo memang imu' narima'a, jai imu' da sumbong tao' saolah-olah kati narima'a? ⁸ Imu' ngalaka gat'n ngangkabasoh, Imu' ngalaka jadi kaya! Tanpa kai, imu' ngalaka jadi raja! Iko sungguh baharap ka imu' taman-taman ngalaka jadi raja supaya kai uga kaat'n marintah samahumu'. ⁹ Sa', manurutko', Jabata ngalaka mana' kai', para rasul, gat'n mana' ayo-sok da gat'n ngajantu hukuman kabis; karna kai' gat'n jadi tuntonan ya' dunia, bait ya' ayo malaikat maupun talino. ¹⁰ Kai' baga demi Kristus, tapi bijaksana ka sadat'n Kristus. Kai lamah, tapi imu' kuat. imu' gat'n manghormat, tapi kai gat'n nyamanya. ¹¹ Sampe mati' diah, kai' saburuk ge' aus, bapangiak da rujet-rujet, gat'n mangkukng, ge' idup mangambara. ¹² Kai' bajarih payah, bakaraje nige barekng kai' sadi. Sa' kai' gat'n ngaraca, kai' mamberkati. Sa' kai' gat'n nyiksa, kai' batahan. ¹³ Sa' kai' gat'n fitnah, kai' naham nige ramah. Bahkan, sampe mati', kai' jadi ulah sampah dunia diah, kutoran umpat'n sagala sasuatu. ¹⁴ Iko' nulis hal-hal diah inya ya' manyangun imu', malait'nkan ya' manasehati imu' sabage ayo-kangot da ko'nganyayang. ¹⁵ Sa', sakalipun imu' umpu sapuluh ribu guru ka sadat'n Krtistus, iko'lah da jadi sama'mu' nabi Injil. ¹⁶ Jadi, iko' nyurong imu' jadilah sok da manurut taladanko'! ¹⁷ Dakohlah sabab'a, iko' ngalaka ngutus ka imu' Timotius, anakko' da ko' nganyayang ge' da setia ka sadat'n Tuhan. Ini' aok ngingat imu' bajalat'n-jalat'nko' ka sadat'n Kristus, ulah da iko' ngajar ka dume-dume, ka sadat'n satiap jamaat. ¹⁸ Mani ungan umpat'n imu' jadi da jadi sumbong, saolah-olah iko' kati aok utukng agi ka imu. ¹⁹ Namun, iko' ao' sacapat a' utukng wak'mu', jika Tuhan menghendaki, ge iko' ao' panane inya hanya saratn ayo' sok soumbong dakoh, tapi uga kuasa ayo' a'. ²⁰ Sabab, Karajaan Jabata inya sadatn saratn, melain a' sadatn kuasa. ²¹ Jai da imu' ngate a'? Arus ta iko' utukng wak' mu' nige' tungkat ato nige' kasih ge roh kelemahlembutan?