¹ Mati, age-age, iko' muji a' ka imu' Injil, da iko' ngabar a' ka imu', da ngalaka imu' narima, da ka sadatn imu' agunt tagap. ² Kat Injil dakoh uga imu' gatn nyalamat a', asal imu' tagap ba jinte ka Firman da ngalaka ko' ngabar a' ka imu', kacuali imu' pacaya nige' sia-sia. ³ Iko' laka nyampe a' ka imu', mule-mula da ta penting, da uga iko' narima bahwa Kristus kabis yak duse-duse sasuai nige' Kitab Suci, ⁴ Ini' laka gatn ngubur a', Ini' gatn ngangkidup a' ka ano ka taru sasaui Kitab Suci, ⁵ Ge Bahwa Ni' laka nyua adup A' ka Kefas, laka dakoh ka da ka dua balas dakoh. ⁶ Ngalaka dakoh, Ni' nyua adup-A ka labih umpatn lima ratus age-age sakaligus. sabagian ahyo umpatn ayo' maseh idup sampe mati', tatapi ani mani ungan nga kabis. ⁷ Lalu, Ni' nyua a' adup-A' ka Yakobus, laka dakoh ka samaan rasul. ⁸ Da unyyi, samu ge' ka kangot da tusak tingga waktu a', Ni' uga nyua a' adup ka iko'. ⁹ Sabab, iko'lah da paling inek ka antara rasul-rasul-A' ge kati layak gatn magaatn sabage rasul karna iko' ganiaya jamaat Jabata. ¹⁰ Namun, karna anugerah Jabata, iko' anilah ako' da mati'. Ge', anugerah-A' ka iko' katilah sia-sia. Iko' ba karaje labih giat daripada ayo a' samaan, tatapi inya iko, malainkan anugerag Jabata da nyertaiko'. ¹¹ Kat karna dakohlah, bait kat iko' atopun ayo', lah dakohlah kai ngajar ge lah dakohlah imu' ngalaka pacaya. Pangkidup umpatn Pangkabis ¹² Jika Kristus gatn ngabar a' idup umpatn pangkabis, jailah ani sok ka antara imu' nyansana bahwa kati ani pangkidup umpatn pangkabis? ¹³ Kalo kati ani pangkidup umpatn pangkabis, Kristus uga kati gatn ngidup a'. ¹⁴ Ge', Jika Kristus kati gatn ngidup a', sia-sialah pangabar kai ge sia-sialah uga imanmu'. ¹⁵ Labih agi, kai uga gatn amput sabage saksi laceh Jabata karna kai mangaktn kasaksian bahwa Jabata laka mangkidup a' Kristus, da kati ao' gatn ngidup-A', jika memang taman sok kabis kati gatn ngidup a', ¹⁶ Sabab, Jika sok kabis kati gatn ngidup a', Kristus uga kati gatn ngidup a'. ¹⁷ Ge, jika Kristus kati gatn ngangkidup a', sia-sialah imanmu', ge imu' maseh madi sadatn duse-dusemu'. ¹⁸ Lah dakoh uga, ayo' da laka kabis sadatn Kristus uga ngalaka binasa. ¹⁹ Jika pangarapan ite ka sadatn Kristus hanya yak idup diah sadi, ite anilah ayo' sok da paling malang umpatn samaan talino. ²⁰ Namun, mati' Kristus laka gatn ngangkidup a' umpatn antara sok kabis, sebage da buah sulung umpatn samaan sok pacaya da laka kabis. ²¹ Sabab, samu ge pangkabis ta jadi lewat nyungan sok, maka lewat nyungan sok ugalah pangkidup a' umpat antara sok kabis jadi a'. ²² Karna sadatn Adam samaan a' kabis, la dakoh uga sadatn Kristus samaan a' ao' gatn ngudup. ²³ Namun, tiap-tiap sok manurut urutan a': Kristus sebage buah sulung, ngalaka dakoh ayo da anilah umpu Kristus, saat pa juntuk A' ure, ²⁴ Laka dakoh utukng ka pangkabas a', la dakoh ta waktu Ni' mangkatn Karajaan ka Jabata Bapa, waktu Ni' laka mangkabas a' samaan pamarintah a' samaan kakuasaan, ge kakuatan. ²⁵ Sabab, Ni' arus mamarintah sampe Jabata mana' a' samaan musuh-A' ka saroh kaja-A'. ²⁶ Musuh ta akhir da ao' gatn binasa a' anilah pangkabis. ²⁷ Sabab, Jabata laka mana' jai hal ka saroh kaja-A'. Namun, waktu gatn muji bahwa jai hal laka gatn mana' ka saroh-A', jalaslah bahwa diah kati ta masok adup Jabata, da mana' jai hal ka saroh Kristus. ²⁸ Waktu jai hal gatn mana a' ka saroh Kristus, laka dakoh anak adup a' uga ao' menakluk a' adup ka Ini', da menakluk a' samaan a' ka saroh Kristus sa hingga Jabata ao' jadi sagale-gale a' ka sadatn samaan a'. ²⁹ Jika kati la dakoh, ani bak da ao' gatn umas kat ayo' da gatn baptis yak sok da kabis? Jika sok kabis kati gatn mangkidup a' samu sakali, lalu jai ayo' sok mambaptis yak ayo' a'? ³⁰ Ge, jai kai madi sadatn bahaya satiap waktu? ³¹ Age-age, satiap ano iko' ngadapi pangkabis, demi ka banggaanko' sadatn imu', da iko' umpu sadatn Yesus Kristus, Tuhan ite. ³² Sa cara talino, jailah untong ko' balawan nige' binatang-binatang buas ka Efesus? Jika sok kabis laka gatn mangkidup a', "Kaehlah ite uman ge nyucur karna jakap ite kabis." ³³ Usah ta gatn nipu: "Pagaulan da jahe' mangancur a' kabiasaan-kabiasaan da bait." ³⁴ Sadarlah agi nige' bait ge usah umas duse. Sabab, mani ungan sok kati' umpu panane ao' Jabata. Iko' muji a' diah supaya imu' mangun. Pangkidup a' Ungan Rohani ³⁵ Namun, sook ao' mansikatn, "Langkina sok kabis gatn ngangkidup a'? Nige' ungan jailah ayo' ao' utukng agi?" ³⁶ Hei Sok baga! Jai da imu' ngamur kati ao' idup, kacuali ni' kabis labih uru. ³⁷ Ge, jai da imu' ngamur inyalah batak pamura da ao' maliak dakoh, malain a' bigi da kati ba upak samu bigi gandum ato igi-igi da lait a'. ³⁸ Namun, Jabata mangkatn a' batak samu dakoh Ni' menghendaki-A' ge masing-masing igi gatn mangkatn batak a' dup-adup a'. ³⁹ Inya samaan insit anilah insit da samu, tatapi hanya nyeteng insit talino, ge lait a' insit binatang-binatang, ge lait a' insit manuk-manuk, ge lait a' insit ikat' ⁴⁰ Ani uga ungan surgawi ge ungan duniawi, tatapi kamuliaan da surgawi dakoh kati samu ge ka muliaan da duniawi dakoh pun kati samu. ⁴¹ kamuliaan matu ano kati samu, kamuliaan burat kati samu, kamulian binatang-binatang kati samu nige' binatang da lait sadatn kamuliaan. ⁴² Pangkoh uga nige' pangkidup a' sok kabis. gatn ngambur a' sadatn kabinasaan, gatn ngidup a' sadatn kati binasa a'. ⁴³ Gatn Ngambur sadatn ka hinaan, gatn ngankidup a' sadatn kamuliaan. Gatn ngambur a' sadatn kalemahan, gatn ngangkidup a' sadatn kakuatan. ⁴⁴ Gatn ngambur a' sebage ungan jasmani, gatn ngangkidup a' sebage ungan rohani. Jika ani ungan jasmani, ani uga ungan rohani. ⁴⁵ Samu da gatn nulis, "Talino pamule, Adam, jadi jiwa da idup." Adam da ta akhir jadi roh da mangkatn idup. ⁴⁶ Namun lah dakoh, da rohani inyalah da pamule. Da pamule anilah da jasmani, laka dakoh barulah da rohani. ⁴⁷ Talino da pamule barasal umpatn tana pait, yaitu umpatn dabu tana. Talino ka dua barasal umpatn surga. ⁴⁸ Samu ge da berasal umpatn dabu tana, pangkoh ugalah ayo' da barasal umpatn dabu tana. Ge, samu ge da surgawi, lah dakoh uga ayo' da surgawi. ⁴⁹ Langkina ite gatn cipta a' sadatn rupa talino barasal umpatn dabu tana, ite uga ao' ngiak rupa talino da surgawi. ⁵⁰ Iko muji a' diah ka imu', age-age, bahwa insit ge dayya kati bisa mewarisi Karajaan Jabata. Lah dakoh uga da bisa binasa, kati bisa mewarisi da kati bisa binasa. ⁵¹ Dagahlah! Iko' muji a' ka imu' nyabuah rahasia, ite kati ao' kabis samaan a', tatapi ite samaan ao' gatn ngubah, ⁵² Saat dakoh, sadatn nyapadup matu sadi, waktu troprt ta akhir: Karna trompet ao' miho, ge sok kabis ao' gatn ngidup a' tanpa kabinasaan, ge ite ao' gatn ngubah a'. ⁵³ Sabab, da bisa binasa diah arus miak a' da kati bisa binasa. Ge, da bisa kabis diah, arus miak a' da kati bisa kabis. ⁵⁴ Waktu da bisa binasa diah miak a' da kati bisa binasa, ge da bisa kabis diah miak a' da kati bisa kabis, maka genalah firman da laka gatn nulis: "Pangkabis a' laka gatn nagok sadatn kamenangan." ⁵⁵ Hei pangkabis, kume lah kamenanganmu"? Hei maut, ket melah sengatmu'? ⁵⁶ Sengat maut anilah duse, ge kuasa duse anilah Hukum Taurat. ⁵⁷ Namun, ite ba syukur ka Jabata da mangkatn a' ite kamenangan lewat Tuhan ite, Yesus Kristus. ⁵⁸ Jadi, Age-ageko' seiman da gatn ngasihi, aguth lah kuat, usah bagule, malimpahlah selalu sadatn pangaraje Tuhan. Sabab, imu' pane bahwa jerih llalahmu kati sia-sia ka sadatn Tuhan.