¹ Mati' tentang pupu uang yak ayo' sok kudus, umas a' lah sesuai nige' patujo-patujo da ko' mangkatn ka jemaat ka Galatia. ² Ka ano pamule satiap minggu, masing-masing imu' nganaan a' tarutn ge mana a' sasuai nige' da imu' kaatn supaya iya' ketika iko' utukng baru gatn umas pupu a'. ³ Waktu iko' utukng, iko' ao' ngutus ayo' a', asi pun da imu' satujui, gae nabatn nige' surat-surat yak minsakng pamangkatnmu' ka Yerusalem. ⁴ Ge, jika sepatut a' iko' uga ano', ayo' a' ao' ano samahu ko'. Rancana Pajalatn Paulus ⁵ Namun, iko' ao' utukng ka imu' ngalaka iko' ngalantus Makedonia karna iko' ba maksud yak ngalantus Makedonia. ⁶ Ge, mungkin iko' ao' madi' samahumu' ato ngangkabas waktu selama musim panud supaya imu' kaatn nulokng ko' sadatn pajalatn ko', ket me pun iko' ano'. ⁷ Sabab, iko' aga milemu' mati' hanya sapintas lalu. Iko' ba harap madi' beberapa saat nige'mu', jika Tuhan mengizin a' . ⁸ Namun, iko' ao' madi' ka Efesus sampe ano Pentakosta, ⁹ karna pintu da lebar yak ngaraje karaje da penting laka gatn muka bagimu' sekalipun ani karah da balawan. ¹⁰ Mati' jika Timotius utukng, perhatikanlah supaya ni' kati merasa nuut ketika samahumu' karna ni' umas pangaraje Tuhan, samu' nige' iko' uga. ¹¹ Jadi, usah ani sok da mile a' rendah. Nulonknglah Ini' sadatn pajalatn a' nige' damai agar ni' bisa ure agi kaiko'. Iko' nganti a' samahu nige' age-age da ka diah. ¹² Mati', tentang age' kit Apolos, iko' sangat mendorong a' yak njungjungi imu' samahu age-age da laitn, tapi ni' sama sekali aga utukng mati'. Ni' ao' utukng kalo ani kesempatan. Salam Panutup ¹³ Ba hati-hatilah, agutnlah taguh sadatn iman. Batindaklah samu are ge jadilah kuat. ¹⁴ Biarlah samaan da imungaraje a', gatn umas sadatn kasih. ¹⁵ Iko' mendesakmu', age-age, (imu' pane bahwa samaan isi ramin Stefanus anilah buah-buah pamule ka Akhaya, ge ayo' a' laka ngabdikan adup ayo' a' yak pelayanan ayo' sok kudus), ¹⁶ Supaya imu' uga tunduk terhadap ayo' sok samu diah ge terhadap satiap sok da karaje samahu ge berjerih lelah. ¹⁷ Iko' bersukacita atas pajuntukng Stefanus, Fortunatus, ge Akhaikus karna ayo' a' laka melengkapi jai dakurang umpatn imu'. ¹⁸ Sabab, ayo' a' manyegarkan rohko' ge rohmu'. Kat karna dakoh, hargailah ayo' sok samu dakoh. ¹⁹ Jemaat-jemaat ka Asia menyampaikan salam yak imu' Akwila ge Priskila menyampaikan salam hangat sadatn Tuhan ka imu', samahu nige' jemaat ka ramin ayo' a'. ²⁰ Samaan age ka diah ngirim salam wak imu'. Ucapkan salam nyungan nige' da laitn nige' sium kudus. ²¹ Iko', Paulus, nulis salam diah nige' barekngko' sadi. ²² Jika ani sok da kati mengasihi Tuhan, takutuklah ini'. oh Tuhan, utuknglah! ²³ Anugerah Tuhan Yesus nganang imu'. ²⁴ kasihko' nganang imu' samaan sadatn Yesus Kristus. Amin.