Karunia-karunia umpatn Roh Kudus ¹ Mati', ma nganal karunia-karunia rohani, age-age, iko' kati ngate kati panane a'. ² Imu' pane bahwa saat imu' maseh jadi ayo' sokda tingga nganal Jabata, imu' gatn ngalayo ka berhala awa, lah dakohlah imu' gatn mimpin. ³ Karna dakoh, iko' muji a' ka imu' bahwa kati nyungan pun, da nyansana kat Roh Jabata, da nyansana, "Yesus ta kutut," ge kati ani nyunganpun da nyansana, "Yesus anilah Tuhan," salain kat Roh Kudus. ⁴ Ani berbagai karunia rohani, tatapi Roh a' samu. ⁵ Ge, ani berbagai pelayanan, tatapi Tuhan a' samu. ⁶ Ani berbagai pangaraje, tatapi Jabata da samu da ngaraje a' jai hal a' sadatn samaan sok. ⁷ Ka tiap-tiap sok gatn ngarunia peryataan Roh yak ka bait a' samahu. ⁸ Ka da nyungan gatn mangkat a' kata-kata hikmat lewat Roh ge ka da lait kata-kata pengetahuan kat Roh da samu. ⁹ Ka da lait gatn mangkat a' iman kat Roh da samu, ka da lait karunia-karunia penyembuhan kat Roh da nyungan dakoh. ¹⁰ Ka da lait gatn mangkat a' pangaraje-pangaraje mukjizat, ka da lait nubuatan. ka da lait gatn mangkat a' ka mampuan yak membedakan roh-roh, ka da lait berbagai macam bahasa ratta, ge da lait mangarti a' bahasa-bahasa ratta dakoh. ¹¹ Samaan a' diah gatn ngaraje a' kat Roh da nyeteng ge da samu, da ni magi ka masing-masing sok, samu da Ni' ka hendaki. Satiap sok pacaya anilah Bagian umpatn Ungan Kristus. ¹² Samu ge ungan anilah nyungan, tatapi mempunyai karah anggota, ge samaan anggota ungan, walopun karah, anilah nyungan ungan, pangkoh uga Kristus. ¹³ Sabab, kat nyiteng Roh, ite samaan laka gatn baptis ka sadatn nyiteng ungan, bait sok Yahudi maupun sok merdeka, ge ite samaan gatn mangkat nyucur umpatn nyiteng Roh. ¹⁴ Karna ungan kati agutn umpatn nyungan anggota, tatapi karah anggota. ¹⁵ Jika kaja nyansana, " Karna iko' inya barek, jadi iko' inya bagian unggan," kati ba arti ni' inya bagian ungan. ¹⁶ Ge, jika rajak' nyansana, "Karna iko' inya matu, iko' inya anggota ungan," kati ba arti ni' inya bagian ungan. ¹⁷ Jika samaan ungan anilah matu, ket melah pa danggah? jika samaan a' anilah rajak', ket melah pa maduk a'? ¹⁸ Namun, mati' Jabata laka mana a' anggota-anggota dakoh, satiap sok umpatn ayo', ka sadatn ungan, pang dakoh da ni' ka hendaki. ¹⁹ Jika samaan a' anilah nyungan anggota, ka dumelah ungan? ²⁰ Jadi, memang ani karah anggota, tatapi hanya nyeteng ungan. ²¹ Sabab dakoh, matu kati nyansana ka barek, "Iko kati perlu gemu!" ato agi, abak' ka kaja, "Iko' kati perlu gemu!" ²² Sa balik a', anggota-anggota ungan da tile a' labih lemah sabenar a' da paling gatn perlu a'. ²³ Ge, anggota-anggota ungan da itemikir kurang ta hormat, justru mangkatn lah panghormatan labih. Ge, anggota-anggota ungan, da ite anggap kurang layak tampil, arus gatn umas labih layak tampil, ²⁴ Karna bagian-bagian da laka layak tampil kati parlu ge a'. Namun, Jabata laka ngatur dakoh nige' gatn bagi a' penghormatan labih ahyo ka anggota-anggota da ka kurangan. ²⁵ Supaya kati ani perpecahan sadatn ungan, malain a' supaya anggota-anggota dakoh bisa mamperhati a' nyungan nige' da lait. ²⁶ Jika nyungan anggota menderita, samaan anggota manderita samaan a'. jika nyungan anggota gatn mulia a', samaan anggota ba sukacita samahu a'. ²⁷ Mati' imu' anilah ungan Kristus ge imu' masing-masing anilah anggota-anggota a'. ²⁸ Jabata laka netap a' sadatn jemaat, pamule anilah para rasul, kadua anilah ayo' nabi, ka taru anilah ayo' guru, laka dakoh mukjizat-mukjizat, karunia-karunia ngang kahuat a', panolok a', pa mimpin a' ge berbagai-bagai syaratn. ²⁹ Anibak samaan a' rasul? anibak samaan a' nabi? anibak samaan a' guru? anibak samaan anilah ngangkumas mukjizat? ³⁰ Anibak samaan a' umpu karunia pang khauhat? anibak samaan a' nyansana nige' syaratn-syaratn? Anibak samaan a' ngarati a'? ³¹ Namun, ngate a' lah nige' batol-batol karunia-karunia da paling ahyo. Ge, iko' ao' nujo a' ka imu' gala da jauh labih bait.