¹ Jadilah ayo' sok da nuruti teladanko', samu iko' uga terhadap Kristus. Tande kekuasaan ² Mati' iko' memujimu' karna imu' mengingatko' sadatn sagale hal ge ba jinte tradisi-tradisi samu da ko'muji a' wak imu'. ³ Namun, iko' ngate imu' ngarati bahwa abak' satiap are anilah Kristus, abak' mahung anilah are, ge Abak Kristus anilah Jabata. ⁴ Satiap are da badoa ge ba nubuat nige' abak' da ba tudung kati menghormati abak' a'. ⁵ Namun, satiap mahung da badoa atau ba nubuat nige' abak' da kati ba tudung, manyangun abak' a', hal dakoh samu ge' jika abak' a' gatn nyukur. ⁶ Sabab, jika sok mahung kati menudungi abak' a', biar ta ni' uga nyantak samaan abok' a'. Namun, jika umas mangun yak sok mahung nyantak abok' ato nyukur abak' a', biar ta ni' menudungi abak' a'. ⁷ Are kati boleh menudungi abak' a' karna ni' anilah gambaran ge kamuliaan Jabata. Namun, mahung anilah kamuliaan are. ⁸ Are kati barasal umpatn mahung, tapi mahung berasal umpatn are. ⁹ Ge, are kati gatn ciptakan yak mahung, tapi mahung yak are. ¹⁰ Dakohlah sabab a', mahung arus umpu tande kekuasaan ka abak' a' karna ayo' malaikat. ¹¹ Namun lahdakoh, sadatn Tuhan, kati ani mahung tanpa are, ato are tanpa mahung. ¹² Sabab, mahung barasal umpatn are, pangkoh uga are tusak lewat mahung. Ge, sagale hal umpatn Jabata. ¹³ Pertimbangkanlah sadi, pantas bak yak sok mahung yak badoa ka Jabata nige' abak' da kati ba tudung? ¹⁴ Inyabak alam sadi mengajarkan wak imu' bahwa jika are umpu abok angho, hal dakoh merupakan umas panyangun yak a'? ¹⁵ Namun, jika mahung umpu abok angho, hal dakoh anilah kamuliaan yak a': Sabab, abok a' dakoh gatn mangkatn wak a' sebagai penudung. ¹⁶ Jika ani sok da maseh ngate membantah, kai kati' umpu kebiasaan dakoh, lahdakoh uga jemaat Tuhan. Hal-hal da Sara sadatn Perjamuan Kudus. ¹⁷ Sadatn mangkatn parintah diah, iko' kati memujimu' karna imu' ba kumpul inya yak hal da lebih baitn, tapi yak hal labih jahe. ¹⁸ Pamule, waktu imu' ba kumpul sebagai jemaat, iko' dangah bahwa ani perpecahan ka antara imu'. Ge, iko' mempercayai a' sabagian. ¹⁹ Sabab, arus ani perpecahan ka antara imu' supaya ayo' a' da terbukti tahan uji jadi jelas ka antara imu'. ²⁰ Waktu imu' ba kumpul ka suatu tempat da samu, hal dakoh inyalah yak uman perjamuan Tuhan. ²¹ karna waktu uman, satiap sok nangkap da paling unyyi pangkuman a' sadi sahingga ani da saburuk ge da laitn a' abok. ²² Jai imu' kati umpu ramin yak uman ge nyucur? ato, jai bah imu' menyangun jemaat Jabata ge gatn panyangun ayo' a' da kati umpu jai-jai? jai da arus ko'muji wakmu'? arusbak ako' memujimu'? Tentu saja kati'! ²³ Karna, iko' narima umpatn Tuhan jai da uga iko' nyarahkan wak imu', bahwa Tuhan Yesus, wak ngarum waktu Ni' gatn khianati, nangkap roti, ²⁴ ge ngalaka mengucap syukur, Ni' matta'-matta' a' ge nyansana, "Diahlah ungan-Ko', da anilah yak imu'; umaslah jadi peringatan ao' Iko'." ²⁵ Lahdakoh uga, Ni' nangkap cawan ngalaka uman lalu nyansana, "Cawan diah anilah Perjanjian Baru da sadatn dayya-Ko'. Parbuatlah diah, satiap kali imu' nyucur a', jadi peringatan ao' Iko'." ²⁶ Sabab, satiap kali imu' uman roti ge nyucur cawan diah, imu' ngabarkan pangkabis Tuhan sampe Ni' utukng. ²⁷ karna dakoh, asi da uman roti ato nyucur cawan Tuhan nige' cara da kati layak, ni' ba sara tahadap ungan ge dayya Tuhan. ²⁸ Talino arus menguji adup a' sadi, nige' lahdakoh biarlah ni' uman roti ge nyucur umpatn cawan dakoh. ²⁹ Sabab, sok da uman ge nyucur tanpa mengakui tubuh Tuhan, ni' mangjuntukng hukuman samo adup a'. ³⁰ Dakohlah sabab a', jailah karah ka antara imu' da lemah ge anap, bahkan cukup karah da kabis. ³¹ Namun, jika ite menilai adup ite sadi nige' benar, ite kati ao' gatn ngukum. ³² Namun, waktu ite gatn ngukum, ite gatn didik kat Tuhan supaya ite kati gatn hukum samahu-mahu nige' dunia. ³³ Jadi, Age-ageko', ketika imu' ba kumpul yak uman, saling ngantilah. ³⁴ Kalo ani sok da saburuk, baitlah ni' uman uru ka ramin a' supaya usah imu' ba kumpul yak penghakiman. Ge hal-hal da laitn ao' iko' ngatur waktu iko' utukng.