¹ Sabab, iko' kati ituh imu' kati' panane a', age-age, bahwa ayo' nenek moyang ite, samaan a' madi ka saroh awan ge samaan a' naru paitn laut. ² Ayo' a' samaan gatn baptis sadatn Musa, ka sadatn awan ge ka sadatn paitn laut. ³ Ayo' a' samaan uman pangkuman rohani da samu', ⁴ ge samaan a' nyucur minuman rohani da samu. Sabab, ayo' a' nyucur umpatn Batu rohani da nganag samahu ayo' a', ge Batu dakoh anilah Kristus. ⁵ Meskipun lahdakoh, Jabata kati berkenan nige' sabagian ahyo umpatn ayo' a'. karna dakoh, ayo' a' gatn ngamis a' ka padang belatantara. ⁶ Mati', hal-hal diah gatn jadikan suntoh yak ite supaya ite kati jadi sok da ba kainginan jahe lahdakoh ayo' a' ingin a'. ⁷ Usah jadi penyembah berhala samu maningan umpatn ayo' a', samu da gatn nulis, "Bangsa dakoh unyung yak uman ge nyucur, lalu agutn yak ba main." ⁸ Usah ite umas a' perzinahan samu da gatn umas ani maningan umpatn ayo' a' sehingga 23 ribu sok kabis nyando koh. ⁹ Ite uga kati' boleh mencobai Tuhan, lahdakoh uga ani mani ungan umpatn ayo' a' uga mencobai ge gatn binasakan yak nipa-nipa. ¹⁰ Usah uga imu' ba sungut-sungut lahdakoh uga ayo' a' ba sungut-sungut ge gatn binasakan kat malaikat maut. ¹¹ Hal-hal diah ta jadi samo ayo' a' sebagai sontoh ge gatn nulis a' sebagai paringatan wak ite, da wak asi akhir zaman laka utukng. ¹² Karna dakoh, ngabiar ta sok da menyangka kalo adup a' teguh agutn waspada supaya ni' kati jantu! ¹³ Kati ani pencobaan da pernah ngantuk mu kecuali pencobaan da biasa wak talino. Ge, Jabata anilah setia, Ni kati ao' nga biar a' imu gatn nyoba merabek kamampuaanmu'. Ao' tapi, samahu nige' pencobaan dakoh, Ni uga ao' nyadia a' pagala mungkas supaya kaatn nanggong a'. ¹⁴ Karna dakoh, age-age ko' da terkasih, ngindar a' lah adupmu' umpatn penyembahan berhala. ¹⁵ Iko' nyansana samu wak ayo' sok da bijaksana, nimbakng-nimbakng ta lah jai da ko' muji. ¹⁶ Inja bak cawan berkat da kit syukuri dakoh anilah persekutuan sadatn dayya Kristus? Ge, inyabak roti da ite matah a' dakoh anilah persekutuan sadatn ungan Kristus? ¹⁷ Karna ani nyiteng roti, maka ite da karah diah anilah nyiteng ungan; karna ite samaan jadi bagian umpatn nyiteng roti dakoh. ¹⁸ Perhatikanlah ayo' sok Israel, inya bah ayo' a' da uman persembahan nangkap bagian sadatn altar? ¹⁹ Jadi, jaibak maksudko'? jai bak pangkuman da gatn persembahkan ka berhala anilah sesuatu? ato, anibak berhala anilah sesuatu? ²⁰ Kati, Iko' muji a' wak imu' bahwa hal-hal da bangsa-bangsa laitn kurbankan, ayo' a' mengurbankan a' yak roh-roh, inya yak Jabata. Ge, iko' kati ituh imu' bersekutu nige' roh-roh jahe. ²¹ Imu' kati boleh nyucur cawan Tuhan ge uga cawan roh-roh jahe'. Imu' kati bisa jadi bagian umpatn jamuan Tuhan ge jamuan roh-roh jahe'. ²² Ato, Ani ta ite nga bangkit a' kecemburuan Tuhan? Diuta ite labih kuat daripada Ini'? Idup Yak Memuliakan Jabata ²³ Segale sesuatu gatn bolehkan," tapi kati' samaan a' bagune. "Sagale suatu gatn ngabolekan," tapi kati' samaan a' mambangun. ²⁴ Usah ani nyungan pun da najo kebaikan yak adup sadi, melainkan kebaikan sok laitn. ²⁵ Umanlah jaipun da gatn nyual ka pasar dagin tanpa mariksa a' demi ate nurani. ²⁶ Karna, tana paitn ge samaan isi a' anilah Tuhan umpu. ²⁷ Jika ani sok da tinga pacaya ngundangmu' ge imu' ba sadia yak ano, uman ta lah jaipiun da gatn nyato' ka hadapanmu' tanpa mariksa a', demi ate nurani. ²⁸ Namun, sa' ani sok nyansana wakimu', "Pangkuman diah laka gatn persembahkan ka berhala," usah imu' uman, demi sok da mangkatn pane ka imu dakoh ge demi ate nurani. ²⁹ Maksudko', inya demi ate nuranimu' sadi, tapi ate nurani sok laitn. Jai bah ka bebasanko' gatn nentukan kat ate nurani sok laitn? ³⁰ Jika iko' nangkap bagianko' nige' ucapan syukur, jai bah iko' gatn mansara karna pangkuman da kasamo a' iko' mengucapkan syukur? ³¹ Jadi, antah imu' uman atau nyucur, ato jai jak da imu' umas a', umas ta lah samaan a' dakoh yak kemuliaan Jabata. ³² Usah umas sok tasingkak, baitn sok Yahudi, sok Yunani, maupun jemaat Jabata, ³³ Samu iko' uga sadatn segala hal mangkahwat samaan sok, tanpa najo ka untonganko' sadi, tapi ka untongan yak sok karah supaya ayo' a' kaatn gatn nyalamat a'.