Mam Yesus Ifalus dum waju po Samaria ¹ Bota at Mam inuntil del mat farisi ta ngo fu At Mam pakarjan ni hasil ti insip wai murid hi m'to n'nyet Yohanis. ² Nane,bukun Mam Yesus tei n'sip n'mei po ti Iwai murid hi, ³ I bo po Yudea ti Inwahoi la Galilea. ⁴ Woti,In del Samaria. ⁵ Mam Yesus bot Samaria heu,do kota aiha ta m'san be Sikhar,ta do midin bat tadoi pe be Yakub iwai Yusuf. ⁶ Yakub i parigi do ta,Mam Yesus bo nunta,inamlok e idontul do dai parigi padi.Wolai ji jam ainom te. ⁷ Waju Samaria bot be idai auja.Mam Yesus fu be i,"Be auja be Ak kanim." ⁸ Pota,wai murid hi po la kota be fong kam,nan.] ⁹ Waju Samaria infu be Mam Yesus,"Popanta Au mat Yahudi mo Au fagau be m'nim auja po ak ta waju Samaria ne?.[ Ponta,Mat Yahudi falus dum Mat Samaria gapo). ¹⁰ Mam Yesus be jawab e infu,Membe min m'nu del karun ta po Kautuhelpo ti au m'nu manta infu," Be auja be kanim",aiye min fagau po I ti min mepen auja ide. ¹¹ Waju infu,"Mam,Au nim kamen po i mo parigi ne m'man,he na Au ma auja nunji po ho? ¹² Au te pale n'nyet po am kai,Yakub,ta Ibe parigi ne be am ti m'waima hi ti am ponfan hi be nim po auja ne?" ¹³ Mam Yesus be jawab,"Mat ta in'nim auja ne,tatap ta kajomten. ¹⁴ woti mat ta in'nim auja,po Aka infai ta kajomten ca;woti auja jai hoi be aujamo ta de haga inepen hidop ta kekal." ¹⁵ Waju nunji infu be Mam Yesus," Mam,Be auja ji bek dum,bek kajomten na,ti be pot lane be tai auja cana." ¹⁶ Mam Yesus Infu," Bohoi m'tun au fam be min wahoi la ne." ¹⁷ Waju be jawab," Ak ning fang po."Mam Yesus infu," Au ponta m'fu banat,'ak ning fang po.' ¹⁸ Woti,au nim waiman halim,waiman ta ido dum au ji bukun au fang po.Ponta au m'fu banat. ¹⁹ Waju infu be Mam Yesus,"Mam,aine mo kan,nu Aune Nabi." ²⁰ Am kai hi hambayang do Hel nunte,woti Au ka,li hi,fu hambayang do Yerusalem. ²¹ Mam Yesus infu,"Au percaya bek ,o,wai waju! Membe bot i waktu bukun do Hel ne po woti do Yerusalem mat hambayang be at Mam. ²² Min sembah aita min meng m'nupo,woti am sembah aita am heng nu pota halamat bot po ka,li Yahudi. ²³ Woti,bot i waktu taine mat ta hi som aita banat hi som be at Mam ba Roh ti aita banat;ponta at Mam fagau be pelaiji be som I. ²⁴ Kautuhelpo,e Roh nunpe ti hi ta som I,hi som ba Roh ti aita banat. ²⁵ Waju nunji infu bet Mam," Aka nu ta Aune Mesias ta do I bot( I ta hi fu be Kristus).Bota I bot,I n'bin pon beheu be ama. ²⁶ Mam Yesus be jawab, Ak ta falus be min ne,ak nun pe. ²⁷ Wolai ji,wai murid hi pot mo hi heng Mam Yesus ta Ifalus dum waju nuha.Woti mat nuha mone intuni po," Au m'sung pana?" Popanta Au falus dum na?" ²⁸ Laha,ti waju nunji In'bai Mamol tai be ba auja ti i bo la kota,e infu be mat kawas ta hi to do, ²⁹ " Boma,meng mat nuha ta infu bek late,pon beheu ak hamol heu.Dangdo Iji Mesias te?" ³⁰ Ti hi hapan po kota be hi nau Mam Yesus. ³¹ Nunji,wai murid hi paksa,Mam Yesus,e hi fu,"Rabi,Mapon ho." ³² Woti, Mam Yesus Infu be hi,Ak ning kam,nan woti meng po." ³³ Laha,wai murid hi,tun naha,"Aiye mat be ponha be I na podi?" ³⁴ Mam Yesus Infu,"Ak kamnan e Ak hamol I pakarjan ta Ipasul Ak hagada heu. ³⁵ Bukun ta min fu," Bot na hafat panen? Meng,Ak kafu be min,pange min mom be meng la danne tanama hi mani heu do be tiu pe. ³⁶ Baine mone,I tai diu inepen ibahagian ti fajul hasil be hidop kekal hagada mat tai diu ti'ide hi sanang bengi. ³⁷ Ponta infu banat ta do hal aine,mat nuha ide ti naha hi tiu. ³⁸ Ak pasul min be diu ponha ta min karjan tei: mat naha hi karjan heu ti min sun do hi pakarjan." ³⁹ Mat Samaria kawas po kota hi parca be Mam Yesus po waju iponta infu nunji,tai be kesaksian,"I n'bin pon beheu,hal ta ak hamol." ⁴⁰ Petto,bota mat Samaria pot be Mam Yesus,hi fagau be I do dum hi ti Mam Yesus inbai dum hi do ta be wol lu. ⁴¹ Ti, mat namto ta parca po Mam Yesus ponta infu hi. ⁴² Hi fu be waju nunji,"Bukun po ponta m'fu bem te am parca po,laiye po am mei ta m'ngo ti am nu banat ta Ine juruselamat be dunia ne." Wai Pegawai Istana ta i hawan. ⁴³ Bota wol lu,Mam Yesus in bai Nu nunji ti I bo la Galilea. ⁴⁴ (Dum tei.Mam Yesus i be kesaksian fu Nabi nuha membe doi nu,mat hormati po). ⁴⁵ Bota Mam Yesus bot la Galilea,mat galilea hi tarimi po ta hi heng pon beheu ta Mam Yesus hamol ba Manat Paskah do Yerusalem ta hi mone to ji. ⁴⁶ Poji,Mam Yesus bohoi la Kana,Galilea,nuta hamol auja jai be anggur.Do Kapernaum Pegawai istana nuha ta iwai waiman Inmaf ⁴⁷ Bota pegawai istana nunji i ngo fu Mam Yesus bot po Yudea la Galilea heu,i bo ti ifagau be Mam Yesus bot n'be i wai ta do be inmat pe. ⁴⁸ Ti,Mam Yesus infu,"Membe min tanda tei ti hal ta ajaib tei,min parca po." ⁴⁹ Pegawai istana nunji infu,"Mam,bot ta dum ak wai in mat ne." ⁵⁰ Mam Yesus infu be i," Hoi do,au wai ina hidop!"Mat ji parca be ponta Mam Yesus infu be i ti mat ji hoi po. ⁵¹ Nunta pegawai istana i hoi delma,itapel inulat hi ti hi bin fu wai waiman inahidop. ⁵² Pegawai istana intun hi jam aifilan ta wai hawan na.Ti hi pe jawab," jongi,dangdo jam aifit te palai ihawan." ⁵³ Wai imam ji innu,jam ainunpe ta Mam Yesus infu be i,"Au wai inahidop."Tita pegawai istana nunji ti keluarga beheu hi parca be Mam Yesus. ⁵⁴ Aiji tanda ajaib aita lu ta Mam Yesus hamol bota ihoi po Yudea la Galilea.