¹ Mat Farisi nuha m'san be Nicodemus.Iye wangta be mat Yahudi. ² M'nom aha I bot la Mam Yesus ti Infu,"Rabi,Am nu Aune guru ta I bot po Kautuhelpo mone mat nuha hamol tanda Mujizat saugapo,laiye Kautuhelpo do dumi." ³ Mam Yesus be jawab be i," I m'lon e be kafu be au,Membe mat ta ina lahir hoi tei,ineng Kerajaan Kautuhelpo gapo." ⁴ Nikodemus intun."Mat tai namtu e inalahir hoi lape? naisun la inen i soupo be ineni hapati? ⁵ Mam Yesus be jawab,Akkafu del im'tolon be aua,Membe mat nuha ta inalahir po auja ti roh tei,mat ji isun la Kerajaan Kautuhelpo gapo. ⁶ Ponta inalahir poi ngat,e ingat tehe,ti ponta inalahir po,e Roh tehe. ⁷ Maheran na i ponta kafu be aua," Min,ne musti malahir hoi. ⁸ Auwo i ba del mau,min m'ngoi lot,woti min m'nu til auwo ne ba poho ti bohoi laho. Ponne,sati mancu ta inalahir po Roh. ⁹ Nikodemus intun," He popanta pon beheu ne jai na? ¹⁰ Mam Yesus be jawab,"Aune guru po mat Israel,woti popanta au mangarti hal ne tei na. ¹¹ Ak kafu im'tolon be aua Min falus del ponta min m'nu ti min be saksi po ponta min meng,woti min tarimi am kesaksian po. ¹² Aka bin be min po hal ta dunia papi min parca,ca,hoi hal ta surga inni na min parca ga di?. ¹³ Mat nuha mone dum perna ta I sa la surga,laiye I ta n'le po surga, Wai Mancu. ^{15 14} Sati Musa ta I haba kok tembaga do Padang Belantara,Wai Mancu mone,musti I pale tehe,be Mat beheu ta parca hepen hidup ta lau. ¹⁶ Kautuhelpo cai lodel dunia ne,haga I be Wai be, mat ta parca e hidop bin'nas na,laiye hepen hidop ta kekal [ lau]. ¹⁷ Kautuhelpo pasul I wai la dunye bukun be I nahakim po,laiye dunya ne hepen halamat poi Wai. ¹⁸ Mat ta parca be I, inepen hukum po,woti mat ta parca tei,I do hukum aupa ponta parca be Wai Kautuhelpo tei. ¹⁹ Aine hukuman nunji: Tarang bot la dunye ne heu,woti mancu pasui ta matip n'nyet poi ta tarang del ponta hi hamol tafi tei. ²⁰ Mat ta hamol hal ta fitei e pasu tarang po ti bot la tarang i gapo,poi ponta hamol,tenna mat n'nu. ²¹ Woti mat ta hamol hal tafi bot la tarang,be pasapan hal ta i hamol be Kautuhelpo.Yohanes jai saksi be Mam Yesus. ²² Heu po ji,Mam Yesus ti wai murid po la bat Yudea.Do ta, I n'sip hi. ²³ Yohanes do in'sip naha do Ainon midin Salim ponta do ta Auja m'to.Mat foi tapot be hi sip. ²⁴ Wolai ji,dum pasun Yohanes la,lu ta matip. ²⁵ Ti, jai hal po wai murid Yohanes ti Mat Yahudi nuha ta fajet poti damti penyucian. ²⁶ Hi pot Yohanes ti hi fu,"Guru,mat tai do dum au do auja Yordan,ta poi e au be saksi, meng.o, I ta n'sip ti Mat beheu pot si I." ²⁷ Yohanes be jawab,"Mancu tarimi ponhapo,laiye ponji pepo surga. ²⁸ M'mei min be saksi,ti pernah ta kafu,"Ak ne bukun Mesias po,woti I pasul be kanata poi. ²⁹ Mat tai nepen pal waju,aiye pal waiman;woti mat pal waiman ta hi sol ti hi ngo del,e hi bersukacita hi ngo pal waiman inga. Peto,aita sanang ne jai heu. ³⁰ I ta pale n'nyet ti ak ta iwai n'nyet hoi. ³¹ " I tai bot po hanlok,po pon beheu ta do hanlok,I tai bot po dunya aiye po dunya do ti Ifalus ponta do dunya.I tai bot po surga,aiye pon beheu ta do hanlok lei. ³² I be saksi po ponta ineng ti ina ngo,woti mat kawas hi tarimi kesaksian po. ³³ Mat ta tarimi kesaksian e mangaku del m'tolon I ne banat Kautuhelpo. ³⁴ Mat ta injai wang pasul po Kautuhelpo,ifalus ponta Kautuhelpo infuhi ponta Kautuhelpo be Roh ta ni batas po. ³⁵ Mam Ilodel iwai ti be pon beheu si wai mawa lomul. ³⁶ Mat ta parca be Iwai inepen hidup ta kekal,woti mat ta inango iwai tei,ineng hidup ipo,laiye inepen kutuk po Kautuhelpo.