Air dijadikan Anggur. ¹ Wolai tatol,manat mat tasau do Kana,Galilea,Mam Yesus I dota. ² Mam Yesus ti murid hi hepen undangan be tu manat mattasau nunji. ³ Bota anggur i heu,Mam Yesus nen infu be I,"Hi auja anggur m'tup heu," ⁴ Mam Yesus be jawab,"Waju,au hubungan pan dum Ak na? Dum bot i waktu pode. ⁵ Mam Yesus nen infu pelayan hi," Ponta Infu be mina,hamol,o. ⁶ Dota,tampayang ainom nuta mat Yahudi hi paki del manat perjamuan,hamol po kapat. Tampayang hi ji aiha namuat ailu haga aitol ba ponta delta hi non ba. ⁷ Mam Yesus Infu be Pelayan hi," Halin auja hi do do tampayang."Ti hi halin auja do tampayang haga fon. ⁸ Bota,Mam Yesus Infu be hi,"Baine,min ma auja ji aitotaha be min bo mut be Mat ta ni mat ji.Ti hi po hapal be mat ta hi manat ji. ⁹ Ti mat nunta inni manat idofon auja nunta jai anggur,woti,auja ne hapoho [pelayan ta hi ha auja ji hi nu heu],Mat tai ni mat jntun pal waiman, ¹⁰ ti Infu,Mat ta i be auja anggur tafi po matan,mat n'nim haga hi pase,heu mo i be anggur ta fi tei.Woti aune, au kabun,anggur tafi hagaine. ¹¹ Mujizat aita matan Mam Yesus hamol do Kana,Galilea ti pasapan I kawasa,be wai ma murid hi parca. ¹² Bota heu,Mam Yesus I bo la Kapernaum,ti I nen,I nohi,ti wai murid hi.Hi todo ta be wolfilanti, Mam Yesus do Kautuhelpo I deu. ¹³ Manat Paskah mat Yehudi midin heu,ti Mam Yesus bo sa la Yerusalem. ¹⁴ Do Kautuhelpo I deu,Ineng mat ta hi hop,lembu,domba,ti hatiu ti mat ta hi sek pip hi totul do ta. ¹⁵ Mam Yesus hamol lakapot ti I nduk hi beu hapan po Kautuhelpo I deu,ti domba,lembu beheu hapan.I de pip po mat nunta sek nu ti Ifalui meja nuta hi sekpip dodo nu. ¹⁶ Woti,be mat ta hop Hatiu,Mam Yesus Infu," Hapan pon beheu pone! M'mop pon dok Mam I deu ne cana!". ¹⁷ Waima murid hi ingat del kakes ta do ; Maz.69 :10"M'lomdel min deu,hamlai Aka". ¹⁸ Bota Mat Yahudi pe jawab ti hifu be I,"Mujizat panta Au m'til be am haga Au Nim hak be hamol hal nunhine? ¹⁹ Mam Yesus be jawab," M'ngen Kautuhelpo I deu ne,woltol e Aka kausol hoi." ²⁰ Hi pe jawab Kautuhelpo Ideu ne 46 tahun mo am jui,mo fu woltol Au mausol, e?. ²¹ Woti aita Mam Yesus I kawal Kautuhelpo I deu.I diri mei. ²² Bota Injui hoi po papmat,waima murid hi ingat hoi po ponta infu hi: ti hi parca po ponta Mam Yesus Infu do Buk. ²³ Mam Yesus Ido Yerusalem ba Manat Paskah,mat kawas hi parca ponta hi ngo I m'san ti hi heng tanda mujizat ta I hamol. ²⁴ Wotita Mam Yesus mone I dam tei be Mat hi parca I,ponta Innu del mat hi beheu ti farlu mat nuha mone ca be,I ²⁵ be saksi teta Innu hi lo hi heu.