¹ Dekaye nemeino detelro? De nena A kiana? Dekoye walri tena nepe tebukalre, Ena Walri? We nekauwena eumena dena kembalri Walri kna eine mekoyalre? ² Detelro siknalrena De nena A kiana ambai, De nena A kiaya weto qnepe ate senanemlre, nepelre, we nekauwena semo eine Walri kena eine mekoyalre. ³ Da Dana A pelre tiyaina dete dikaite peko. ⁴ Sa Walri pelre bu walro pelrena deteno we membei pai? ⁵ Da kalro tena Dena milre Ne mendo mote nekendena dou pai mipai nepelre we membei pai, A kiayana sitina mane, Walri nenei dokeka, kepas dlrati? ^{6 6} Nemenatena, Barnabas mo nepelre De kembalri mekoipai detena mebeipai? ⁷ Simye prayokenane kembalri te mekoyowe nenei euna doite mekayowe? Simye onat emete meko yowe nena eumena anipai? Neplre, simye Malrisya yate kemelre walroyowe nena kon anipai? ⁸ Dena Da kalro sanamalrena Detelro yei kena mendolrena? Nekalrotena atung eine nepe melro puko nekewe? ⁹ Ne pelre Musa kena Atung eine nepe melro puko nekewe, "Nenate we, pekotena mekoi panya Malrisya nepelre gandum nelronate elreuwe!" Ne Malrisya Mang doute tumuna? ¹⁰ Benyatenate, Ne A kulrung kae wetenate elreyowe? wetenate Ne Ate melro yowe nepelre ne kemblrite mekombena wei tepelre eine mekombe ne kalrone eupelre tenembe. ¹¹ We De A Walrite weno nelrone qtekelra nlre, Dena lrena kosa pelre A walrite da kalrotena wenalre yatade? ¹² Detelro sikna walrolrena wetename beipei, nemenatena we mebeipai lati? Nemena tena, Nekalro teno we metena beipanya. Blribombe Meterna ke weye elrin tembe nepelre walri nenei A melro-melro tipai. ¹³ Wekaye ninmeipai NeNekalrena sate lati anai ye? Nepelre, ongkone kembalrite mekaiye wnekalrore we sente yatau we? ¹⁴ Nenane lati, walri Ate kenkemelre we A walrite sanamuna nepelre Awalri eine nekembe. ¹⁵ Nepelre, Da kalronat satapauwena De sibete pelre tapi paitelre. Nepelre, Da kalrotena De nimei pai semo eine nemane nekaiyenate Nemenate Dete mekatembe Nemenate De titipoi saiye detelro si nenei eune delrote elra naiye. ¹⁶ Netenate, De A walrite sanete melrena, Dana delrei seune dokare ne kalrote Delrei Delretena elripai nepelre Da A kulrung Dena bulrane kitelre. De peko duteponde, nepelre Da Walri bena De sanipai. ¹⁷ A walri Delrei mendolrenate wete nepe sanamalre, Nena eupelre tetenelre nepelre, dana De mendolrena ambai, Dana kembalri telre pelrenate Dena bulrane kitelre. ¹⁸ Nemane tena, Nena eumena beyasa? Nena eumena A walrite sanu mulre, De A walrite sena malre eumena itipai neplre nena tena poina mekoipai A walri eine me beipai. ¹⁹ Netenate, De meterna detelro bulra tena kalrone walre telre, Delrei eumote elre telrena De hamba meterna detelrotena Nepelre De detelro dopelre lati olrutuponde. ²⁰ Yahudi detelro tena, De Yahudi detelro mane alru teponde, Nernate De nete telro melro temponde. Detelro Atung kelrene nekai yena, Denete ta tu mulre Atung kelrene neketelre. (Delrei eumotena nena Atung kelrena De nikipai) Nepelrena De Atung kelrene nekaiyenate telro melro temponde. ²¹ Ne nakaiyena Atung eina nikipai, De nemane olrutepone Atung eine (nemenatena Mang kena Atung, Nepelre walri kena Atung kelrene) Netenate De nete yatemelre Ne Atung kalrona nikipai. ²² Nepelre Detelro wakembainya, Nepe wakembainy mane nepelre nete telro melro manponde. De nepe olru pukalre meterna detelro tenate nemena kalrone de detelno mesleite telro melro temponde. ²³ Meterna da kembalri mekalrena A walri tante Nena eumena pelre esune tetenelre. ²⁴ Wekaye nimeiyepai sou danina Ne nepeb otote tenkai ewe mekerna nepe tenkau ewe, nepelre beimo nena eumenate douke? Netenate, otote lati nemane tenumbe nena eupelre lati dowembe! ²⁵ Meterna A nelrona detelro bei-bei nena sou delrai nena pain peko dumai pona, Epe dinelrona poi ke nekewe. ²⁶ Netenate, De nemena kalnetena oto tenupai. Detelro alrute mete yepipiwe ewena menete De nemetena ambai. ²⁷ Nepelre, Dena sou delranalrena wakete nepe yatelre nepelre tei-tei pelre netnate De A walrite delro si bulrate santemelrena, Detena baitena salripai.