¹ Da sereitena, malrisa endung ona olrunate saa kelraimena, e nimeyaimbeko, e metelrena mendo kalrote, eyu eu mbei-mbei nimeiyambuko, mendo kalro mekopuko kna kalri kaso pelre, nemaneye. kenabise detelrote dikimu. ² Sapiyame detelro wapesimi metelrena kalrote nimeyembuko. ne nimeipaibe, ne nemeiyendena kalro nemenekaye. ³ Nemane detelro Mang Walri kenabisete kilrende, netena Mang Walri nimeyende. ⁴ Netenate,endung sa anaina nena one oulrune kote kepaine,emetelre nimeyande,da yobulrana one druma nena ambai nepelre Allah detelrati ambai nenatena Allah bei mo. ⁵ Nemandelrati,da allah-allah surga poine pelre yobulrane nenate domaimelrena nemenatena,da,"alla"tereng pelre tuhan tereng. ⁶ Netenate,da emetelre tena Allah bei nena memai nepelre sa yesi bei nena Yesus Kristus,da metelrena sa nenei lrena,nepelre eme telrena nenei walrolre. ⁷ Nemandelrati,detelro yei metelrena da mendo tena tapipai nena delrati detelro moselrei da selrai tena ona olrune neme bekeipoke ona olruma kote kepaina sa`ne` sa te` anaiye,nena kena metelre suweipai nepelre nena kena niki dupuko. <sup>8</sup> Embulru sa`nena emetelre,Allah kena euw ye tena rikepai nemandelrati,emetelre sa anipai nena peko ambai,neplre delrti,emetelre sa`te anemalrena pi tana ambai. <sup>9</sup> Nemenatena,wei euw yumbuke nate mendo te mekomulre,detelro si kena saweipana te olru se`te mekomulre. ¹⁰ Nenatena,da detelro mendo pelrena nena we` te tenewelre sa`te ona olruna kepainai ongko miene anewe,ambai detelro kena suweipana te kena suwe te meko nulre nena saendung ona olru na kote kepaimate anende? ¹¹ Netenate wei meno kalrone , ne wakembaina detelro, wei dokeka netenate Kristus tete te doku, peko eite. ¹² Netenate, peko eine wei dokeka Walri yau eine nepelre lati nenei wakembaina kena dekone kekeute mekonembe, nesate we Kristus kna bukoune pekote mekawe. ¹³ Netenate, saa kalrone ena Walri yau eine dokeka eute dembona, demalrisa Edeng betepelre anipai neketelre dena ya selreite. netenate dokeka-dokeka peko tena dusipai.