(Asekre miedeko kalrotena) ¹ Daselreitena metelrena kaltena dekote meraupekana nekalrotena poilati,danekenayena milretena Eune bozipainya. ² Nemaneye,kaima kalro nekwena netenate do nenei milre mene nekenaye. nepemalati do neknayena milre mene neknaye. ³ Milrena do miye deko kalro tena nei mane, nei milre tena nemane lati milre dotena lati. ⁴ Milre nena eu delreena elripainya, do tena lati, nemane lati do nenei eu delre tena elripainya, dotena lati. ⁵ Wei eutena momona nikipainya, nekalrotena a nembei elrepope note, ya meselrei. motena wei kalrote dowena Mang A sani-sani tena, nepetena nekou lati nembei nekembe netenate mase wetena watipainya wei telrepelre yelrikoipai wei eute dikimbone. ⁶ Nemane da kalrotena nemei snamalre, wetena a seklretena ambai. ⁷ Dena kna kolropukalrena metelrena detelro dena eumane, netenate wetena dena taumane. nekembe. ⁸ Detelro yatipainaya nepelrelati soyang bulre, wete snomalrena poi kalrotena dena eumane nekembe. ⁹ Nemane kalrotena nenei eutena sematena nikipainya, poi kalrotena miye deko mete yatembe. netenate wei poitena miye deko mete yatembe ambainya kaimane sakombombe. ¹⁰ Miye deko mete yatiyaime, wete a yeko-yeko, denalrena ambai, Mang knalrena milrena plrena do milre tena baina tiyipainya. ¹¹ Nekalrotena neimeye date mukunembonde, dasitena doipainya, nepelre nenei do tena a temete mekanepone do milre tena baitena salripainya. ¹² A kasote elretelrena, dena a senamalrena ( de Mang Walri ambai). nepelrelati dokeka wena nelrone milre telrepelre nikipainya ne milre kenane nembei nekenayena, ne milre tena baitena taipainya. ¹³ Nemane lati milre nenei do telrepelre nikipainya, nei do yelreute nembei nekeyena, nenei dotena nikipainya. ¹⁴ Nekalrotena do telrepelre nikipainya millre kna mlro-mlrone , nemane lati milre telrepelre nikipainya do kna mlro-mlro eine, nemena tena ambainya we yei nekenayena mlromlro eine, nemenatena ambainya weiyei nekenayena nekiyei nemane lati daselreitena ne mlro-mlro yei. ¹⁵ Nemane, telrepelre nikipainya nei eu baitenate nepelre baite ende, da kalro nekewena, dokeka nepelre milre keka mesa betepelre beipai, nemane lati Mang Walri ete nepe simipuko teme eine nekemalrena. ¹⁶ Milre kna yeko, beyamane we nimeimbuke wei dote telromone? kalro si, beyamane we nimeimbone do kna yeko, nekendena mena wei milrete tlromolre. Da Nekandena Mane Nedaite Mang Walri Simimelre. ¹⁷ Nemane, Mang Walri metelrena detelrotena nepe kelropuko beyamane Mang Walri metelre detelro tena nepe kelropuko beyamane' Mang Walri netet mbei-mbei senemelre; da yelreu nekawe mane nekembe. nemane lati da Atung metelrena Walri Yau tenate satininsi. ¹⁸ Beyasa, detelrote simimbuko nedaina elretu baite ketepai selreime ? ketaipuko na noutena baitena supaina. detelro elrete baite ketipai na simimbuko." elrete butena ketipaina. ¹⁹ Nemane, elre tu baite ketenaipona, ketipainya, nena a nikipai, nemane, a nekewe na kalro betoi-betoi Mang Atung. ayeko eine. ²⁰ Detelro mbei-mbei nenei eu nekewena mane nedaite ete siminembonde. ²¹ Beyamane nedaite sing klroi-klroi, bu klroi-klroi detelro mane nedaite siminepone, kena tena tuwaipaina nekalrotena, nemane we lati wei tepelre eine enukunu. ²² Nekalro tena kasoipainya, netenate ne singklroi-klroi, bu klroi-klroi detelro mane, Mang Walri kna eina. ne mlro-mlro Mang Walri kna detelro, nemane lati mlro-mlro detelro te ne daite simimbukona, ne Kristus kna kembalri detelro. ²³ Wena sedelra nepemote mekaipeko netenate kembalri detelro mane detelro tena tawipainya. ²⁴ Dokeka metelrena mane nedaite siminemelre. A'Seklre Me Yatikoipai na Detelro Eina Atiyei ²⁵ Da selreite, detelro miye deko kalro nikipainya, de Mang kna Ayeko doipai, nemane, dena mendo kalrote snamlre, de detelro Mang kna kenabise, telrepelre te elripuko. ²⁶ De tuwapukalrotena de kalrotena poilati da selreitena ya kalro ketemupuko, netenate poi kalrotena da nekandena eumane nekemalre. ²⁷ Beyamane we kaye milre kna akelrena nekawe ? milre tena doipainya. ²⁸ Nemane miye deko kalrote mete yatekopena, we peko mekoipai, nepelre milre belrang miye deko meteyatneikone, ne peko mekoipai, nemane ye miye deko menena detelro, yelreu kalro tena sedopelrete tuwanainelre. nepelre dena kena na nemena kalrotena wena eutena baitelrena walrembe. ²⁹ Metelre dokeka, dena mendona ya nepe poitelre netenate daselrei tena, ne milre mane nekaiye milre nenei yelreu nekenayena milre ambainya mane. ³⁰ Dimite dimaina, dimi dimipaina mane nekaye: kna kalri te tuwanaina, kna kalri tuwaipainya mane, sate tainya detelro eu nekenayena sa ambai na mane. ³¹ Nepelre, detelro dayobulrana te tepaina, eusa tapipaina mane, netenate da yobulrana moi nepe nalrende. ³² Dena kena nei we yaweka eine nikipaina,miedeko kalro ni kipaina detelro neni mendona poi kalrote mang Walri le,nepelre mang kalrote kena bupoite. ³³ Hemane,yati milre mene nekaina detelro do yabulrona mendo kalro te mekaiyel,beyamane mekonde nei milrete kenaburite mekonenelre. ³⁴ Nepelre nei mendo momo wasipyaiya milre do mene nikipainya nepelre milre belrang. mang Walri kna A walri kalro te mendote mekaiye nena suki suku eine. ³⁵ Da a kalro senawal, nei poi kasote yatembe. sa buso wena bulratena ambai, nepelre lati kalro tena. nete nate wei Mang kembalri kalrote nalripai. ³⁶ Netetnate detelro tuwanenlre nenei yei milre tena mikoipainya kembalri kalro te mekombona, nepelre na yei milre may kaso pelre nemenatena nekewena kalro tena. nenei mendona kembalri kalro itipainya, peko tena ambai. nepe ne miye deko mete yatenaikone. ³⁷ Netenate, nenei kna poitelre tuwanembonde. detelro kna alrama kalro tena amabaina, nenei kna delre bulrane, nepelre nenei kna ne nepetiyekuko nenei yei milre poi tena. nenei poitena adelre kingklrinde. ³⁸ Nepelre, ne milre tena doipainya telrepelre kembalri mekoupuko. nepelre lati ne milre tena doipai ne kembalri poi lati. ³⁹ Milre do kna akelrena netiki do Walri te nemeinane, kenalre nemena do Mang Walri kna eine. ⁴⁰ Nemane lati, delrei mendone nekewena kalro nenei poite nekende, nepelre lati delrei mendolrena, de lati Mang Alru mlro-mlro pelrena.