(Da A kalro A'tong Detelro Telrepelre Na Nelrone) ¹ Nemenatena,we'nalrena detelro si mbei si pelre yembe mane nekende,beyamane ne'alrman bonde ende detelro telrepelre mbaina nelrone temete ulrende,mbai detelro melro-melro kena nelrone? ² Nemenatenate we'nemeipai,detelro melro-melro dunia te tiyeinaikone?nemena dunia we'tiyengkombe,beyamenapotena a'kalro-kalro yantina we'tiyeikoipai? ³ Beyamane we'nemeipai,malaikat selrai e'tiyemalre?Nemane delrati a kalro-kalro nena yane-yane! ⁴ Netenate,we'nemena a'kalro-kalro tuwanembe,beyatenatene'jemaat eine me beipaina kote we'dowembe? ⁵ De'damane elretelre nepelre we'paita bulre te tuwanembe.Beyamane,we'na nelrolrena a mendo na detelro ambai,nena dokeka nelrone a'kalro-kalro te tiyenkondena? ⁶ Netenate,we'na nelrolrena dokeka pelre dokeka yau detelro telrepelre mbaina bukoune temete ulre yau! ⁷ Nolruna, we tena nena nepe kasombuko nena wena a'kalro-kalro a'tong wena nelrone! beyatenate we, swa-swa menatena atedine! ⁸ Bulrusuku wembei nalrukuke, swa te kopuke, nendelrati, we nena te mekaye wena dokeka-dokeka tenate. ⁹ Beyamena we'nimeipai nena detelro nolru mbaina kerajaan Allah tena taikoipai.Ambai tapipaina!Detelro kaima,ona olruna te kepaina selrai,detelro nena kaima yatreng,do milre tena mane milre do tena mane,kaima yalreng telre selrai, ¹⁰ bisi tena selrai,detelro suwe kelre pelrena,bu selrai te anaina selrai,a'kaita-kaita selrai,a'peuw pelre,ne metelre mane kerajaan Allah tena taikoipai. ¹¹ We'nalrena moslrei nema nemandelrati,nepelrena we'tena nepe sukumu puko,nepete melro-melro tamupuko,nepelre-nepelre Tuhan Yesus Kristus euw do eine nepelre e'na Roh Allah eine nolru yuwupuko. (Kaima Te Anengkombe) ¹² Metelrena sa detena mekotelrena mote,ambai metelrena sa duwipai, nemane delrati, metelrena sa detena mekotelrena mote, bai biasa bete titawipainya de, nenatena atedanalre. ¹³ Sa anendena eselre tena, nepelre eselre sa tena, nenatena Mang. Bebena pekote mekombonde. eu kaima tena ambai, nena Tuhan tena, nepelre Mang eutena. ¹⁴ Mang Walri te deyumbuko, nepelre etena nena delre ne deyenemelre. ¹⁵ Beyatenate, we nimeipai wena eu Kristus kena eu delrati, beyamane de Kristus kena eute doutulre nepelre ne'te kaima eu te mekotemelre ? nemena tena amabai. ¹⁶ We netenate nimeipai, detelro nena eute kaima ne bekupuko ne eumbeite dukupo nena ne elriyowe, nebe ne eu endung mbeine dupuko. ¹⁷ Nenatena, detelro nena eu te Mang kenane beyupuko, nepe nena Yambu mbeine bei te tupuko. ¹⁸ Kaima te bisunulre? peko detelro sisi mekone nelrena nena nenei eu basune, nenatena detelro kaima te mekondena, peko nenei eu ne dununelre. ¹⁹ Beyatenate we'nimei pai nena wena da euw nena Roh Kudus kena mie wena da eine Allah kenalre we yati yauna,nepelre wena euw wena irana mbei ambai. ²⁰ Nepelre,we'tena dina doi ne temete mekopuko.Netenate we'na euw ne Allah te kepanembe!